Vana Kɔlkaloo 9:13 - BII BILA

¹³ Mí ca vɛlɛ dɛnɛ pum o paalen bɛngu, mó bii ya kɔllo ɲɛkɛndɛi a kɔlkaloo o kɔɔ.

Vana Kɔlkaloo 9:13 Referans Kwoze

Vana Kɔlkaloo 8:16

Mí kei o nɛi oo nɛi coo le sinaa mɛɛ vana looku mà sɔla kɔlkaloo yɛ. Mí dɔaw dɛnnda vannda co tosaa o lɛŋnden coo lan taasi ɲɛkɛndɛi. Mí ca maa hali vana niinu tofaa, mà lɔl lahɔl, a tiwba ma sina mɛɛ Hala tosa ɲɛm co o ceendo coo-on kpow yɛ le. Vanndacieea co sangaa le kon sinaa, kɛ a co nɔla le. Nduyɛ, hali vana kɔlkaloo dimi bɛɛ aa o sina, o tiwba mò bii ken bila le few.»

Vana Kɔlkaloo 7:15

O telen bingi ya co yoomu-o bɛngu, í bii bila maa vana sandaa nɔla mò vi a dɛnɛ sandaa ndɔɔ, mì vana yɔŋ vɔɔndo lo yoomu a kɔlvesɛi ndɔɔ.

Vana Kɔlkaloo 6:1

«Mí dɔaw vɛlɛ dɛnɛ palaa pum taasi o ceendo ho coo, ó lusul vannda o lebol taw-vo.

Vana Kɔlkaloo 9:11

Mí dɔaw vɛlɛ dɛnndan lapum taasi o paalen bɛngu. O kiltan nin bɛɛ, vanaa hiow keleɲaa-a hiw laci lelan te. O cɔwvo nin bɛɛ, o co kuubaa le a yam cɔwvo kangalan te. Vanaa hiow kɔlkaloo-a sɔla baloo le kɔlkalu ndaa le, vanaa dɛnɛ sinaa sɔla bolofaa le dɛnɛ sinaa ndaa le, vanaa kɔlkalu bɛndu-a sɔla bɛɛlen le kɔlkalu nda bɛndoo le. Nda kpow, dɛnnda kɛndɛlan a dɛnnda vɔɔnndan la komal nda ni.

2Samiɛl 20:22

Mí cuaa muungu o vanaa tɔ̀a lo, mó kɔ yɔngu nda sila kɔlkalu kon. O kon, má kɔ kialu Seba, po Bikri-o bollen kpali, má vuulu Yoab len o kpakio kɔɔli. O kon kɔɔli, mí Yoab hɔŋ buloo, fɔ́ɔ́fɔ̀, mí vanaa ndɔa cɔwva mal kobio, má muungu o la nda lo. Mí Yoab pila muungu Yerusalɛm masaa David o ibuŋ.

Vana Kɔlkaloo 7:19

Kɔlkaloo tiwba mò ke vana kɔlkaloo kpaayaa, mò hiow masaa n'bungaa n'van tɔ́a co masalen tosaa o kobio ndu pilɛ nin-nda.

Vana Kɔlkaloo 9:12

Handɔɔ o kon coo, vana-vana sina ɲɛ komalnin ndu-o le. Mɛɛ suwva haw o yalaa nin nuaa yɛ, mɛɛ yowva haw o yala n'yowvo nuaa yɛ, lende koni dɛnɛ palaa voolu vanndacieea o lepilɔɔ ni.

Vana Kɔlkaloo 9:14

Kobi pɔmbɔɔ pum va ni, vanaa bɔɔ ve lenin te. Mí masa kpaayaa pum kɔ del ndu coo a cɔwvo, mó balu yaŋɔɔla cɔwlan handɔɔ lon sɔ́.

Daniɛl 2:14

Mí Daniɛl soaa a taasio o Ariɔk lo, Ariɔk bolle vanaa baalaa masaa pɛɛn, ó va kɔlan vanaa kɔlkalua Babilɔn diwvo-o.