Vana Kɔlkaloo 9:12 - BII BILA

¹² Handɔɔ o kon coo, vana-vana sina ɲɛ komalnin ndu-o le. Mɛɛ suwva haw o yalaa nin nuaa yɛ, mɛɛ yowva haw o yala n'yowvo nuaa yɛ, lende koni dɛnɛ palaa voolu vanndacieea o lepilɔɔ ni.

Vana Kɔlkaloo 9:12 Referans Kwoze

1Tesalonikea 5:3

Telen vannda vanin dimio aa: «Kɔlɲuloo tiw, n co nila ɲulo-o», o telen kon kpeekpei dɛnɛ palaa voolunin nda maa mɛɛ telen vialaa voolu vanalanɔɔ nuaa yɛ ni, a helunnin te.

Talelan 29:6

Tɛɛmbuula vanaa tosaa dɛnnda vɔɔnda la co yaŋɔɔla ndalan ni. Kɛ vanaa sandaa nda co kponyoo viovɔɔ a kɔlkɛndɔɔ.

2Timote 2:26

o kon mà muungu o nda pila nin, mà hɛlun yaŋɔɔla nda va nin-ndan, la ɲina vɔɔndo toosiaa haliko mi ndáà tosa yiyan ndɔɔ lan.

2Korɛntea 6:2

Kani o dimi aa: «O telen kɛndɔɔ, mí mulul nɔm, o paale cindaa len coo, mí mala nɔm.» Má cè niko telen niaa bɛnda mì la cɛl dɛnɛ kɛndɛ Hala-o o! Má cè niko paale cindaa len!

Talelan 6:15

Lelan dɛnɛ palaa co ndu tolɔɔ coo cɔ́-cɔ́ ni. O yomiyominin, o sɔlanin cɛw le.

2Piɛr 2:12

Kɛ vanaa kan a co dɛnndan tosaa vana ca ko aa visia ni, o co a kɔlkalu le. Maa visia yondo nda co ni, a nda koam, mà bii, mà dii-a. O nda sínà loo nda co yeowlan ni, nda bɛɛ a tambunin maa n'cɔlu.

1Piɛr 2:12

La nɔ kela kɛndɔɔ vanaa co vanaa laalan te-a tɛɛn, haliko a ɲiinduu niaa bɛɛ còòlan coo maa vanaa tosaa dɛnnda vɔɔn, mà ce dɛnnda kɛndɛla niaalan, mà biilu Hala paale o hunnin-nden.

Luke 12:39

La sina hee pɛɛngu: te vana cɛiyo ndóò sina pɛ telen vuiyo co hunɔɔ ndu ciimbuu-o, ndóò melnin vui kon cɛi ndɔɔ piɔlɔɔ le.

Luke 12:20

Kɛ mí Hala mulul ndu aa: ‹Diɔmndo ho, cɔɛllɛn kpeekpei ya co yoomu nɔmndo hiɔlɔɔ ni, ɲɛm n bɛɛndiaa mun-ndon, nɛ̀ɛ́-nɛ̀ n co yɛ mun mel?›»

Esai 30:13

haki kon siŋnunnin le niaa maa mɛɛ tɛɛngei buli o kpaki vilɛiyo nuaa yɛ. Te tɛɛngei buli dɔ́ɔ́ pɛ, i cɔɔlu townɔn taw, o kon kpaki kon hiilun dɔ́ɔ́ vooku-vooku, o komba vuluvulu.

Vana Kɔlkaloo 8:11

A ve vanaa yɔŋ vɔɔnda keleŋa sanga tuisi coo le, lelan tuula vɔɔnndan la va nda piɔw o kɔltan nin ni.

Condii lisai 11:6

Mɛlɛka co dɛngulta biyaalan, yinnden a fungoo tuisio vanaa kɔlvesɛiya coo maa piɔɔ. Hoeyii tuw-tuwve ndi, ndi o co nda koesio ni, kɛ̀ ndaa vanin kon le lɔ́ɔ́-lɔ́ɔ̀ ni.

Vana Kɔlkaloo 3:19

Kani ɲɛ pilɔɔ koni co vanndacieea a cɔlua cumndo ni. Mɛɛ o pilɔɔ vu yɛ, lende koni o pilɔɔ bɛɛ vu ni. Yoomu pilɔɔ nda kpow nɔ ni. Hiovɔɔ vanacieo hiow cɔloo-o co ɲɛ-ɲɛ le. Kon kpow, ɲɛ fondoo o co ni.

Vana Kɔlkaloo 9:13

Mí ca vɛlɛ dɛnɛ pum o paalen bɛngu, mó bii ya kɔllo ɲɛkɛndɛi a kɔlkaloo o kɔɔ.

Esai 24:18

Vana-vana ɲaanun pɛ yoondiaala isiòònndan, ndu delnin o soondo nin. Vana-vana del pɛ o soondo nin mo fula, ndu hawnin o yalaa nin. Kani diola pɔmbɔlan o halataala la kumbin, lɛŋnden le hiilun o tumndo dí.

Osee 9:8

Kɛ kpalilnɔ co mɛɛndanndo le cuavaa-imamaa Efraim-nda-o, vana-tɛɛngaa-diom Hala-o pɛɛn, o co nda Hala nuu latulu. Nɛɛ-nɛɛ o kɔɛ pɛ, a co ndu yaŋɔɔlan hendullo, a co ndu ciŋilanndo háá o Cɛi-Hala ndɔɔ nin.

Talelan 24:22

Kani o lepilɔɔ kpé nda delnin ni, a sinà dɛnɛ palaa Mɛlɛka nda masaa tuisinin nda coo-o le.

Vana Kɔlkaloo 8:8

Vana-vana tiwba yoomu ndɔɔ mandaa le, vana-vana vɛlɛ tiwba mò mingi palɛi piɔ́m ndɔɔ a makɔɔ le. Te cɔwvo del pɛ, vana-vana tiwba mò ɲaanun te. Kɔlvesɛiyo nɔla mo ciindiaa vana co kɔlvesɛiyo tosaa-o le.

Esekiɛl 32:3

Kɛ tuei-yɔ mɛɛ Maalii, o co Mɛlɛka-o dimi yɛ aa: «Tuma vanaa súúla yɛ́-yɛ́a taw a cuungiannin-ndo, i vuunin yala ni yɔɔyaa nɔm coo, mì vanaa kan nan nɔm lenin.

Osee 7:12

Tuma nda co kɔlan lon-ndo, i co yala nuu tondɔɔ nda coo, mì tuisi nda maa yovaa co coocoo-a, mì soŋ nda le nda silaa mɛɛ ya dimul nda o cuungian ndaa coo yɛ.