Vana Kɔlkaloo 9:11 - BII BILA

¹¹ Mí dɔaw vɛlɛ dɛnndan lapum taasi o paalen bɛngu. O kiltan nin bɛɛ, vanaa hiow keleɲaa-a hiw laci lelan te. O cɔwvo nin bɛɛ, o co kuubaa le a yam cɔwvo kangalan te. Vanaa hiow kɔlkaloo-a sɔla baloo le kɔlkalu ndaa le, vanaa dɛnɛ sinaa sɔla bolofaa le dɛnɛ sinaa ndaa le, vanaa kɔlkalu bɛndu-a sɔla bɛɛlen le kɔlkalu nda bɛndoo le. Nda kpow, dɛnnda kɛndɛlan a dɛnnda vɔɔnndan la komal nda ni.

Vana Kɔlkaloo 9:11 Referans Kwoze

Yeremi 9:23

Kɛ vana yeema pɛ le lisanndo, ndu lisan le kɔlkalu o sɔla mó sina ya-o, le sinaa maa ya co Mɛlɛka ni. O co kɛndɛi, dɛnɛ sandaa a sakpoyɛi tosaa o lɛŋnden coo-o, vanaa vaa lende hɛnan ya ni.» Sɔɛi fula Mɛlɛka o sondo-e co ken ni.

Vana Kɔlkaloo 3:17

O kon, mí yiyan o kɔl nuu nin maa Hala kialunin vana sandaa a vana kɔlvesɛiyo iyama. Bau telenndo vanin le dɛnndan kpow, dɛnnda naalan kpede la kialunnin iyama.

Vana Kɔlkaloo 3:14

I sinà maa ɲɛ-ɲɛ Hala tosa pɛ, o viow le fɛɛn a fɛɛn. Vana nɔlà ɲɛ handɔɔ lecoo le, vana nɔlà vɛlɛ ɲɛ faŋa lecoo le. O tosa kon, haliko mi vannda yɔŋ siòònde a ndu.

Efɛsea 1:11

O yiinan naa n yiinan a Krista-o, mí naa bɛɛ n sɔla hɛlio. Mɛlɛka ndóò cii nin dɛnɛ kon tosa le naa mɛɛ o tuu yɛ. Mɛlɛka kon pɛɛn, ó tosa dɛnndan kpow mɛɛ hɛnan ndɔɔ co yɛ-o.

2Dɛnnda lemasalan 20:15

Mí Yahasiɛl yonda aa: «Niaa vanaa fula Yuda a Yerusalɛm-nda kpow, kɛ taama-taama nɔm masaa Yosafat, la yaŋ nilan! Mɛlɛka dimi aa: ‹Siòòŋii bii niaa le, la vu n'dial le vanaa cɔvaa sɛ́lɛ́ bɛndua ha le, kani o co niaa le co cɔwvo tosa le, kɛ ya Hala niaa.

Tɔŋ miingua 8:18

La bɛnda mì la loonun maa Mɛlɛka Hala niaa co niaa yoomuan yɔngoo le ɲɔɔn sɔlaa ni. O co kon tosaa hau le kpema o cuel fuɲaa niaa mamaa-o peeloo le niaa, ciɛ́ɔn o cuel nda mó mɛnan, mó yiilu nda kpemaa-on pɛɛn.

Vana Kɔlkaloo 4:4

Mí dɔaw vɛlɛ taasi maa o co fondo le vannda co sangaa le, a yeema ma hiow caanda. Sanga fondoo fúú co vɛlɛ kon ni, ɲɛ fondoo kiltan kɔɔli pɛɛn.

Yeremi 46:6

Vana hiow keleŋa-o helunnin te! Vana fula diallon o cɔwvo nin-ndo nɔlanin yoomu ndɔɔ baŋaa le. A co siɛɛliaa mà va delio o kɔngɔla peo Efrate lan coo.

Vana Kɔlkaloo 7:13

Tofa vɔ ɲɛm Hala toosiaa-on. Nɛ̀ɛ́ nɔla yɛ mò siɛndi n co n tundanndon-ndo?

Vana Kɔlkaloo 4:1

«Mí dɔaw dɛnnda lakafala co o lɛŋnden coo lan kpow taasi, mí ca vanaa nda co saangiaa-a a mɛmɛan o lahɔl. Vana co le nda ɲɔɔlu le, à co nda tiindaa a kpaayaa, vana bɛɛ ve le nda ɲɔɔlu le.

Vana Kɔlkaloo 2:12

O kon kɔɔli, mí mulin a ba kɔlkaloo. Yáà yeema mì yáà sina ɲɛ co kɔlkaloo-o, mì yáà sina vɛlɛ ɲɛ co diɔmnde a seemaa-o. O kon mí ɲunan aa: ‹Yɛɛ kpeekpei vana siŋnunnin masaa o fonda nuu-o koma tosa yɛnin, ó tosan-ndɔ loo?›

SƐBƐ YƆB-O 34:29

Te o meinun pɛ, nɛ̀ɛ́ yaala yɛnin ndu le ken? Te o ven pɛ hɔlaa ndɔa, nɛ̀ɛ́ nɔla yɛ mò tofa ndu kangalan? O nɔ hɔlten lɛŋnde a vanaa co icali lenin-nda coo,

2Samiɛl 17:14

Mí Absalɔm nda Israɛlla kpow a dimi aa: «Sila Husai Arkiinɔ-o hiow bɛnda a sila Ahitofɛl-lo!» Kani Mɛlɛka ndóò yeema le tuu Ahitofɛl-lo tɛɛmbuuo haliko mi ndóò tuisi Absalɔm dɛnɛ palaa coo.

Malasi 3:18

La canin vɛlɛ hiyanndo vana kɛndɔɔ nda vana kɔlvesɛiyo tɛɛn, vana co Hala baalaa tosallo-o nda vana co Hala baala tosal too tɛɛn.

1Samiɛl 17:50

Nuaa David dii Koliat a pow fáàndaa ni, mɔɛi cɔvii ve ndu o ba le.

2Samiɛl 17:23

Tuma Ahitofɛl ce maa vannda bii sila ndɔɔ loo, mó dovi sofɛlɛ ndɔɔ, mó muungun o ndu lo ciee. Mɛɛ o tiiya, mó congun yungu ndɔɔ, mó kɔ landun, mó vu. Má kumbu ndu o sɛi fuɲa ndɔ-o nin.

Tɔŋ miingua 8:17

Lelan, la caa, yɔŋii niaa hun dimi aa: ‹A yoomuma naan a á kpaayaa naa naa n sɔla bolofaa ho kpow ni›.

1Samiɛl 6:9

O kon la mɛɛndan, te nawva bii pɛ nɛiyo le kɔlan o lɛŋnde Israɛlla nin, mà kei a Bɛt-Siemɛs, mɛɛ kon co dimio ni maa Hala Israɛlla lekɛ́ndɛi va naa sangaa ho tuisio coo ni. Kɛ te navaa kalaa bii nɛi kon te, n sina dɔ́ɔ́ maa o co ndu le tuisi naa sangalan ndan coo le, maa nɛɛ celen la cɛn ni mí la toal naa coo.»

Condii lisai 76:5

Nɔm Hala, a co diondɔɔ, a co tengaa a naŋɔɔ hiovɔɔ pembun masindɛ-sindɔn coo.

Talelan 1:5

Vana taasio bɛnda mò yaŋ nilan, haliko mo cɔɔlu sina ndɔɔ. Vana sinaa dɛnɔɔ bɛɛ yaŋ pɛ nilan o sina mɛɛ o bɛnda le kelaa yɛ.

Vana Kɔlkaloo 9:2

Lende koni o co le vannda kpow ni. Ɲɛ pilɔɔ co vana sandaa a vana yɔŋ vɔɔndo komal ni, vana dendu-o a vana dindu loo, vana soli sálàá-o a vana co sálà soli loo. Hiyan co vana kɛndɔɔ a vana yɔŋ vɔɔndo tɛɛn te, vana cua ciɛ́ɔn o Hala lo-o a vana cue n'ciɛ́ɛ́ loo bɛɛ lende koni.

Sakari 4:6

Mó mulul-la aa: ‹Diom Mɛlɛka dimul Sorobabɛl-lo co hoo ni aa: ‹O co a kpaaya le o co a mayoomu le niaa tosanin dɛnɛ kon te, kɛ a Kɔl nuu. Ya Mɛlɛka-Nɔ-Kpaayaa-Kpow-vo dimi lende e ni.›

Vana Kɔlkaloo 9:3

Dɛnɛ vɔɔn komal vannda kpow o paalen bɛngu-o co hoo ni: ɲɛ pilɔɔ kpé komal vanndacieea ni. Yɔŋ vɔɔndo a diɔmii sondo vesɛiye koni nda co tosaa telen nda co yoomu-o ni, o kon kɔɔli, a vinnun.

Yeremi 48:14

«Niaa Moabua, le yɛɛ niaa co yɛ dimio aa: ‹Vanaa cɔvaa mayoomua kpeekpeyaa caa cɔwvo-a naa n co ni?›