Vana Kɔlkaloo 9:1 - BII BILA

¹ «O kon, mí keela kɔllo o dɛnndan ndan kpow coo, mí ca maa vanaa sandaa, vanaa kɔlkalua a dɛnnda nda co tosaa lan kpow, Mɛlɛka o ba nda co ni. Vana-vana co bila biyɔɔ maa kaolaa, te kon te nɛyɔnndo co ndu cumndo le. Vana-vana co siɔdii laci ndɔɔ yiyan coo le.

Vana Kɔlkaloo 9:1 Referans Kwoze

Tɔŋ miingua 33:3

A toɲa, a kaola vannda, vanaa diandaa kpow a co o ba nɔmndo bɛngu. Nda kpow a co nɔm o labɛngunin, má va pɛɛkula nɔmndan tueyɔɔ.

1Piɛr 1:5

le niaa co a mandaa o kpaaya Hala-o nin a laalanndo-a, le cinda co nin le cɔmnɔnndo ceen o telennda mɛɛlaalan-ndo.

Vana Kɔlkaloo 8:14

Nduyɛ, dɛnɛ celen co vɛlɛ o lɛŋnden coo, sanga fondoo fúú o co ni. Vanaa pum a co kela sandaa, kɛ a co sangaa sɔlaa maa vanaa yɔŋ vɔɔnda. Vanaa pum yɛ, nda co yɔŋ vɔɔndo tosaa, kɛ o co dɛnɛ kɛndɔɔ sɔlaa maa vanaa co kela sandaa-a. Mí dimi maa kon bɛɛ, sanga fondoo fúú.

SƐBƐ YƆB-O 12:10

Ndu bii yoomu ɲaa yoomaa kpow o ba ni, ndu bii hoeyii yoomuɛi vanndacieea kpow o ba ni.

2Timote 1:12

Lelan ya co vɛlɛ sangalan ndan biuvɔnndo ni. Kɛ siɛmbula co ya le, kani i sínà vana ya tiindan-ndo, i nɔ vɛlɛ kɔlkɛsiaa maa o nɔ kpaayaa le ɲɛ o yɔngu ya-o mandaa háá paale o kialunin yamɛi len.

Esai 26:12

Nɔm Mɛlɛka co naa kɔlɲuloo yɔngoo ni, kani ɲɛ-ɲɛ naa n co tosaa, nɔm co kon toosiaa le naa ni.

Talelan 16:3

Cɔm Mɛlɛka kpekula nɔmndan, mì tuula nɔmndan la peelun.

Condii lisai 31:5

Soli ya o yaŋɔɔle nda hendul-la len nin, kani nɔm co vana kándà ya-o ni.

1Samiɛl 2:9

Ndu manda vana lo o lediom coo-o ni, kɛ vanaa kɔlvesɛiya nda, o ɲumndan nin nda laasiàn ni. Kani vanacieo tiwba ɲɛ-ɲɛ sɔla a kpaaya ndɔɔ le.

Vana Kɔlkaloo 10:14

Vana seemɛiyo sanga a sɔɛi le. Vanacieo sina ɲɛ co hunɔɔ tosan-ndo le. Nɛ̀ɛ́ dimul lɛnin ndu ɲɛ koma yɔŋnɔn ndu kɔɔli-o?

Vana Kɔlkaloo 8:16

Mí kei o nɛi oo nɛi coo le sinaa mɛɛ vana looku mà sɔla kɔlkaloo yɛ. Mí dɔaw dɛnnda vannda co tosaa o lɛŋnden coo lan taasi ɲɛkɛndɛi. Mí ca maa hali vana niinu tofaa, mà lɔl lahɔl, a tiwba ma sina mɛɛ Hala tosa ɲɛm co o ceendo coo-on kpow yɛ le. Vanndacieea co sangaa le kon sinaa, kɛ a co nɔla le. Nduyɛ, hali vana kɔlkaloo dimi bɛɛ aa o sina, o tiwba mò bii ken bila le few.»

Vana Kɔlkaloo 7:25

O kon, mí kindin le sinaa, mí yaasiaa, mí nuwviaa kɔlkaloo. Yáà yeema mì yáà sina le kɔlɔ dɛnndan la komal vana-o. Mí yáà sina vɛlɛ kɔlɔ vannda tosa kɔlvesɛiyo te kon te diɔmii sondo vesɛiye-o.

Vana Kɔlkaloo 7:15

O telen bingi ya co yoomu-o bɛngu, í bii bila maa vana sandaa nɔla mò vi a dɛnɛ sandaa ndɔɔ, mì vana yɔŋ vɔɔndo lo yoomu a kɔlvesɛi ndɔɔ.

Vana Kɔlkaloo 1:17

Mí kindin a kɔl nuu kpow le kɔlkaloo, diɔmnde a seemaa sinaa. Kɛ mí bii bila ma kon vɛlɛ bɛɛ, ɲɛ fondoo kiltan kɔɔli o co ni.

Condii lisai 73:3

Kani i va vanaa kuundiannda paŋalaa, le tùú ya va dɛnɛ kɛndɛ vanaa kɔlvesɛyaa kan cɔu-vo.

Condii lisai 10:14

Nɔm pila tofa vɔ sangaa a dɛnɛ palaa co vanaa bala fondoa coo-o. Cua sɔɛi ndɛi balan tan tiɔn. Nɔm o ba vana dɛnɛ palaa sɔɔnun ni, nɔm malà vííyo ni.

SƐBƐ YƆB-O 5:8

Te ndóò va pɛ aa ya co nɔm ni, i va isɔɔ o Hala lo. Ndu Hala pila ya va sanga nuu cɔm ni.

Condii lisai 119:109

Yoomu nuu va bɛɛ o malnanndo lɔ́ɔ́-lɔ́ɔ̀, i pɔɛɛnunnin tɔŋ nɔmndo le.

Vana Kɔlkaloo 9:6

Kaola ndaa, nɛyɔn ndaa a paŋala ndaa kpow tambu. A tosa lɛnin dɛnnda co hiovɔɔ o paalen bɛngu nanu lan te.

Yeremi 43:6

Vanpiaandua, vanlaandua, cuaambɔa, cuavaa laandua masaa, a vanaa Nebusaradan bolle kpalilla ndóò mɛi Kedalia o ba bɛngu-a kpow, Nebusaradan po Ahikam-ndo, po imama Safan-ndo pɛɛn. Má bii vɛlɛ Yeremi vana-tɛɛngaa-diom Hala-o nda Baruk po Neriya-o, má kɔa a nda.

SƐBƐ YƆB-O 27:12

Niaa yɛ, la sìná ken ɲɛkɛndɛi, kɛ le yɛɛ niaa co yɛ niko sɔɔn fondon dimio?

Vana Kɔlkaloo 8:7

Vana-vana sinà siɔdii lacio le, vana-vana sinà vɛlɛ telen kon yɔŋnunnin-ndo le.