Vana Kɔlkaloo 8:8 - BII BILA

⁸ Vana-vana tiwba yoomu ndɔɔ mandaa le, vana-vana vɛlɛ tiwba mò mingi palɛi piɔ́m ndɔɔ a makɔɔ le. Te cɔwvo del pɛ, vana-vana tiwba mò ɲaanun te. Kɔlvesɛiyo nɔla mo ciindiaa vana co kɔlvesɛiyo tosaa-o le.

Vana Kɔlkaloo 8:8 Referans Kwoze

Condii lisai 89:48

Loonun-ndɔ mɛɛ yoomu nuu bingi yɛ. Vɛ̀ɛ̀ le nda tɛɛmbuuo kpow n cɔw vanndacieea ni?

SƐBƐ YƆB-O 14:5

Yoomu vanacieo nɔ pɛɛngulan, nɔm Hala koni kelu paangun ndɔn ni, má hendul ndu pɛɛngula o nɔla hiovɔɔ le lan.

Hebreea 9:27

Lepilɛ kpé vanndacieea bɛnda le piɔ́mndo sɔlaa ni, o kon kɔɔli Hala kelu yamɛi ndɛi.

Esai 28:15

La co dimio aa: «N yii kpemaa a piɔ́mndo, n cii cɛlan diom a ciee-piɔ́m, hali kpundɛ bɛndoo del bɛɛ, o komalnin naa le. Kani nɛɛ viannaŋaa naa co vanafondoyɛi ni, yasabaa naa n yifan nin-ndo co còòlan ni.»

Vana Kɔlkaloo 3:21

Nɛ̀ɛ́ sina yɛ te coocoo kɔl vanacieo hel ni, mì kɔl visia ndu mɔɲamɔɲa o puuloo bɛngu?

Talelan 14:32

Dɛnɛ vɔɔn vana kɔlvesɛiyo tosa-o tɛɛmbuu ndu ni, kɛ vana sandaa ndu nɔ kɔlkɛsiaa hali o piɔ́mndo hɔl-ndɔ.

Condii lisai 9:17

Mɛlɛka cɔmnun, mó soli dɛnɛ sandaa ceen, vana kɔlvesɛiyo haw o yaŋɔɔle ndu pila yaŋ-nden.

2Korɛntea 13:4

I co toɲa, maa lɔ́ɔ́ nda baŋ ndu o yɔm singafilaa coo-o, oo nɔ mayoomu le. Kɛ sisa, o co yoomu o kpaaya Hala-o bɛngu. Lende koni naa bɛɛ n co ni, n nɔ mayoomu le, kɛ n co yoomu o ndu nin o kpaaya Hala-o bɛngu.

1Korɛntea 15:43

A va pɛ kɔɔle len kumbɔɔ, a kundu len o mɔnɛi nin a o kpaaya lepɛŋndo nin, kɛ le va pɛ tendullo, le tendul a biiloo a á kpaaya bɛndoo.

Esai 28:18

Kpema co piɔ́mndo tɛɛn a niaa-o tambunin, cɛlan co niaa tɛɛn a ciee-piɔ́m-ndo lonin te. Te kpundɛ bɛndu kon del pɛ, o nɛwnin niaa, mò pesipesi niaa.

SƐBƐ YƆB-O 34:14

Te ndóò va pɛ aa le ndu pila koni o co cɛwcɛwvo ni, te ndóò hɛlu pɛ yoomu ndɔɔ a kɔl ndɔ co vanacieo nin-ndo,

2Samiɛl 14:14

Naa kpow n hun vunin, mì n siŋnun maa mɛmma coŋ lɛŋ-ndan, vana tiw lɛ ba man kɔndɔɔ le. Kɛ o co vɔ telen Hala tuu le Absalɔm vuo le co hoo le. Lelan, o toosiaa nɛilan haliko vana co kon o lekáá-o lo o malnanndo ndu levil te.

2Masaa 7:15

Mí kiilaa kan diam foofola Aramiia, má kɔ tiiya háá Yurdɛn o peelo. Volɔɔla cuɛinanndan a ɲɛm celeŋun Aramiia va keiyo sɛŋio o kiltan nin-ndon kínɛí nda va komallo o nɛi ni. Má muungu, má kɔ downun masaa kona.

Vana Kɔlkaloo 8:13

Vanaa co yɔŋ vɔɔndo tosaa-a sɔlanin sangaa. A vunin mà hiow maa levundu. A lonnunnin n'felengi, mà vi, kani a sinà kpaaya lemasa Hala-o le.›

Talelan 12:3

Vana tiwba simndan yili o kɔlvesɛiyo tosaa nin te, kɛ puundun vanaa sandaa mun connun isisi yili.

Vana Kɔlkaloo 9:12

Handɔɔ o kon coo, vana-vana sina ɲɛ komalnin ndu-o le. Mɛɛ suwva haw o yalaa nin nuaa yɛ, mɛɛ yowva haw o yala n'yowvo nuaa yɛ, lende koni dɛnɛ palaa voolu vanndacieea o lepilɔɔ ni.

Esai 47:10

Kɔlvesɛi niaa niáà laalan ni, la va dimio aa: «Vana-vana co naa cɔ le!» Kɔlkalu niaa a dɛnɛ sinaa niaa hiŋ niaa hɔlla. La va dimio o kɔlta niaalan nin aa: «Naa koni mɛnnde sɔɔ toal o hɔl ni, vana celen co ɲɛ le fɔ naa!»