Vana Kɔlkaloo 8:5 - BII BILA

⁵ Vana-vana bii pɛ tɔŋndo, ndu sɔla isɔɔ oo isɔɔ le. Kɛ vana kɔlkaloo sina maa dɛnndan kpow la kialunnin iyama o telen la bɛnda le yamɛi kiolɔndo-o.

Vana Kɔlkaloo 8:5 Referans Kwoze

Hebreea 5:14

Kɛ nduyɛ, le kaasonnda ɲɛdiaa kàlà-kálàá co ni. Nda sínà hiyan co dɛnɛ kɛndɔɔ a o vɔɔndo tɛɛn-ndo, kani a dɛli nin.

Dɛnnda kiilaa 4:19

Kɛ mí Piɛr nda Nsaŋ mulul nda aa: «Niaa pila kiolu vɔ yamɛi he, sɔɛi niɛi biyɔɔ a sɔɛi Hala-e biyɔɔ, o kuɛɛ bɛnda yɛ Hala o hɔl?

Luke 20:25

O kon mó dimul nda aa: «Mɛɛ la mingul Sesar ɲɛ co le Sesar-o, mì la mingul Hala ɲɛ co le Hala-o.»

1Dɛnnda lemasalan 12:32

O polale tálále Manase len nin, vannda vaalan tɔ́ a laŋɔmaa (18 000) ndáà veelu diolan le kɔlan David suilio masaa ni.

Dɛnnda kiilaa 5:29

Mí Piɛr nda kiilaa tɔ̀a a muli aa: «Diom Hala-o biyɔɔ co fisa a diom vanndacieea biyɔɔ.

Osee 5:11

Cuavaa-imamaa Efraim-nda co kpukpaa sɔlaa. Ɲɛm va le nda-on hɛlun nda, kani a co kiltan ɲɛm fondon kɔɔli.

Vana Kɔlkaloo 10:2

Yiyan vana kɔlkaloo kɔɛ pɛ o ba kɛndɔɔ coo, yiyan diɔm sondo vesɛiyo ndu sɔndan o ba mɛllo coo.

Vana Kɔlkaloo 8:2

Te masaa soo pɛ, mò dimi isɔɔ le tosa, vana bɛnda mi vana bii sɔɛi ndɔɛi. Naa n cua ciɛ́ɔn Hala o hɔl le ndu diomndo biyɔɔ ni.

Vana Kɔlkaloo 2:14

Vana kɔlkaloo sina nɛɛ o co kɔlan-nda, diɔm sondo vesɛiyo yɛ, o ɲumndan nin o kɔa ni. Kɛ mí bii bila maa nda ŋiɔn kpow, ɲɛ pilɔɔ co nda cumndo ni.

Talelan 17:24

Kɔlkaloo co vana taasio ikɛi kpɛɛlun, kɛ diɔm sondo vesɛiyo ndu, lɛŋnde-mɛɛlu pɔ́ o yaa hɔlten ni.

Fulaa 1:17

Kɛ le mɛɛ sokoa-vialaa kan ndáà nɔ siòòŋii Hala-e yɛ, a ve tosa mɛɛ masaa Esipte ndóò dimul nda yɛ le, a ve cɛlɛkpɛa piaandua diyɔɔ le.

Kolɔsea 1:9

Lelan naa bɛɛ, kabi naa n tuei lende, n co pɛngi Hala piɛiyo le niaa le. N co ndu ɲunaa haliko mi la sínà hɛnan ndɔɔ ɲɛkɛndɛi, mì Kɔl-Diandaa ndɔɔ yɔngu niaa taasio a kɔlkaloo.

Condii lisai 119:6

O kon, i canin tɔŋnda nɔmndan kpow, mì bii lan, siɛmbula biinin ya le.

Talelan 12:21

Dɛnɛ palaa komal ko vana sandaa le, kɛ sɔɔn vɔɔnndon cuu vanaa kɔlvesɛiya kɔɔli le.

Vana Kɔlkaloo 12:13

Sɔɔn dimin mun-ndon kpow, liima ndɔɔ co hoo ni: nɔ́ siòòŋii Hala-e, mà kela o tɔŋnda ndɔlan coo. O vanndacieea kpow bɛnda mà tosa-o co kon ni.