Vana Kɔlkaloo 8:4 - BII BILA

⁴ Sɔɛi masaa co sɔɛi vana sɛ́ɛ́ngiàà le, vana-vana tiwba mò ɲuna ndu le aa: ‹Yɛɛ n co yɛ tosaa ho?›

Vana Kɔlkaloo 8:4 Referans Kwoze

SƐBƐ YƆB-O 9:12

Te o bii pɛ ɲɛ, nɛ̀ɛ́-nɛ̀ nɔla yɛ ndu hiɔlɔɔ ndu o ba? Nɛ̀ɛ́-nɛ̀ tɔɔndan yɛ mò ɲuna ndu aa: ‹Yɛɛ n co yɛ kon tosaa?›

Rɔmnda 9:20

Kɛ nɛ̀ɛ́-nɛ̀ nɔm co yɛ, le simndan sɛɛngianndo niaa Hala? Kpɛɛnɛi puului nda cɔw-ve i ɲuna pá vana cɔw ndi-o aa: «Le yɛɛ nɛ n cɔw yɛ ya nuaa?»

Talelan 20:2

Maa pɛɛliaa yàlà téndé kɔltuw masaa co ni, vana biiŋuu pɛ kɔl ndɔ tuwvo o vɔngulu yoomu ndɔɔ.

Talelan 19:12

Maa pɛɛliaa yàlà téndé kɔltuw masaa co ni, kɛ maa mɔ́m toal o billo coo-o ɲiacɔ ndɔɔ co ni.

Daniɛl 3:15

Nihau, la bɛɛndian! Te la tuei pɛ buloo, sɛ̀ŋnden, bangaa, koelelen, bondomaa, boosei a ɲɛm-caan súú-súù ka diom, la tundun, la sooluu piɔm ya cɔw-vo. Te la sooluu ndu le, a co niaa viovɔɔ o tóndó bɛndu leyinndo nin sisa. Nduyɛ, hala kuɛɛ baŋa yɛnin niaa ya o ba nɛ?»

Talelan 30:31

kongil nɔ nin kpasan-ndo, cuin toovio, a masa co kɔlan vanaa ndɔa cɔwva laci-o.

1Masaa 2:46

Mí masaa viam Benaya po Yehoyada-o, mó fula, mó kɔ dii Simei. Kandɔɔ yɛ nin telen kon, mí masalen le sim Salomɔn o ba yili.

1Masaa 2:25

Mí Salomɔn viam Benaya po Yehoyada-o, mó kɔ dii Adoniya.

Fulaa 1:18

Le hee, mí masaa Esipte veelu nda, mó ɲuna nda aa: «Le yɛɛ niaa co yɛ tosaa lende? Le yɛɛ mì la va cɛlɛkpɛa piaandua mɛiyo yoomu?»

2Samiɛl 24:4

Kɛ mí masaa hiaw Yoab nda caaŋaa ndɔa nda va vanaa cɔwva bollen-nda a sondo. O kon, mí Yoab nda simlacia vanaa cɔwva fula o masaa lo, le kɔlan Israɛlla cɔmndo a nda diolan sɛvaa.

1Masaa 1:30

paalen nden hau, mɛɛ mì peelu sɔɛi yáà yiilu nɔm kpemaa-e! Kani paandu pa ya dimul nɔm Mɛlɛka Hala Israɛlla o hɔl ni maa Salomɔn po nɔm siŋnunnin masaa ya kɔɔli ni, ndu calnin o kpɛŋɛ lemasa coo o fonda nuu ni.»

Ɛsdras 6:13

O kon mí Tatnai, ó va masa ibungaa o tàndá va o peo Efrate leeloo a ba paalen le del-lo coo-o, Setar-Bɔsnai a caaŋaa ndaa bii sɔɔn masaa Darius dimul nda mun-ndon kpafii.