Vana Kɔlkaloo 8:16 - BII BILA

^16-17 Mí kei o nɛi oo nɛi coo le sinaa mɛɛ vana looku mà sɔla kɔlkaloo yɛ. Mí dɔaw dɛnnda vannda co tosaa o lɛŋnden coo lan taasi ɲɛkɛndɛi. Mí ca maa hali vana niinu tofaa, mà lɔl lahɔl, a tiwba ma sina mɛɛ Hala tosa ɲɛm co o ceendo coo-on kpow yɛ le. Vanndacieea co sangaa le kon sinaa, kɛ a co nɔla le. Nduyɛ, hali vana kɔlkaloo dimi bɛɛ aa o sina, o tiwba mò bii ken bila le few.»

Vana Kɔlkaloo 8:16 Referans Kwoze

Vana Kɔlkaloo 2:23

Buulanndan a yiyannda vɔɔnndan la co ndu palaa lɔ́ɔ́-lɔ́ɔ̀, o co pɛngi sɔla o kɔl ndɔɔ nin te. Hali icɔl, o pɛngi le. Kon vɛlɛ bɛɛ, sanga fondo fúú.

Vana Kɔlkaloo 1:13

mí kindin le ɲɛ co tosanndo o ceendo coo-o bilaa biyɔɔ a le ndu sinaa a kɔlkalu nuu kpow. Kon vɛlɛ bɛɛ, volɔɔla lusulaalan o co ni, o Hala siilu vanndacieea-o.

Condii lisai 127:2

Lende koni, niaa bɛɛ, la co cɔnɔnndo idii púŋ, mì la va kɛɔ yalaa lɔan fondo fúú, sangaa fúú niaa co le balo niaa sɔlaa ni. Kani vanaa Mɛlɛka kaola-a a vannun bɛɛ o lɔma nda, ndu Mɛlɛka kenin nda baloo. Cuawva co kɛ Mɛlɛka-o ni.

Vana Kɔlkaloo 8:9

Mí ca kon kpow, mí dɔaw ɲɛ co tosanndo o paalen bɛngu-o kpow taasi ɲɛkɛndɛi. Vanacieo co vanacieo dɛnɔɔ kindilaa coo, mó va ndu mɔnɛi lueiyo.

Vana Kɔlkaloo 8:7

Vana-vana sinà siɔdii lacio le, vana-vana sinà vɛlɛ telen kon yɔŋnunnin-ndo le.

Vana Kɔlkaloo 7:25

O kon, mí kindin le sinaa, mí yaasiaa, mí nuwviaa kɔlkaloo. Yáà yeema mì yáà sina le kɔlɔ dɛnndan la komal vana-o. Mí yáà sina vɛlɛ kɔlɔ vannda tosa kɔlvesɛiyo te kon te diɔmii sondo vesɛiye-o.

Vana Kɔlkaloo 5:12

Sanga bɛndu-bɛndu ya ce o lɛŋnden coo-o co ni, mì vana bolofaa manda ɲɛ-sɔlaa le dɛnɛ palaa ndɔɔ,

Vana Kɔlkaloo 4:8

ndu co a vana co ndu pilɛ kpé-o o kɔɔ ni. O nɔ po le, o nɔ bɛndu le, o nɔ pɔmbɔ le. Kɛ o pɛngi a baalaa le, o co yeemaa le bolofaa sɔlaa tuŋ. Nduyɛ, o co ɲunanndo aa: Le nɛ̀ɛ̀ ya co yɛ sanganndo ho mì va kɛɛ yeemɛi nii tosa? Sanga fondoo co vɛlɛ kon ni, ceendo vili vɔɔndo pɛɛn.

O Kandɔɔ 31:40

Ipala, hangullo va ya palaa, icɔl hoeiye va ya yɛɛvɔɔ. Hali lɔan, mí ma kɛɛ ya.

Vana Kɔlkaloo 1:14

Mí ca dɛnnda co tosanndo o ceendo coo nanu lan kpow. Dɛnnda lan kpede, sanga fondoo fúú, ɲɛ fondoo kiltan kɔɔli co kon ni.

Vana Kɔlkaloo 1:17

Mí kindin a kɔl nuu kpow le kɔlkaloo, diɔmnde a seemaa sinaa. Kɛ mí bii bila ma kon vɛlɛ bɛɛ, ɲɛ fondoo kiltan kɔɔli o co ni.