Vana Kɔlkaloo 8:14 - BII BILA

¹⁴ Nduyɛ, dɛnɛ celen co vɛlɛ o lɛŋnden coo, sanga fondoo fúú o co ni. Vanaa pum a co kela sandaa, kɛ a co sangaa sɔlaa maa vanaa yɔŋ vɔɔnda. Vanaa pum yɛ, nda co yɔŋ vɔɔndo tosaa, kɛ o co dɛnɛ kɛndɔɔ sɔlaa maa vanaa co kela sandaa-a. Mí dimi maa kon bɛɛ, sanga fondoo fúú.

Vana Kɔlkaloo 8:14 Referans Kwoze

Vana Kɔlkaloo 7:15

O telen bingi ya co yoomu-o bɛngu, í bii bila maa vana sandaa nɔla mò vi a dɛnɛ sandaa ndɔɔ, mì vana yɔŋ vɔɔndo lo yoomu a kɔlvesɛi ndɔɔ.

Malasi 3:15

Nduyɛ, n co vanaa sondola kalaa cɔu o dɛnɛ kɛndɔɔ nin. Vanaa co kɔlvesɛiyo tosaa-a co dɛnɛ kɛndɔɔ sɔlaa taw. A co Hala tɔɔndanndo, kɛ ɲɛ-ɲɛ vɔɔn co nda yɔŋnɔn te.›

Vana Kɔlkaloo 2:14

Vana kɔlkaloo sina nɛɛ o co kɔlan-nda, diɔm sondo vesɛiyo yɛ, o ɲumndan nin o kɔa ni. Kɛ mí bii bila maa nda ŋiɔn kpow, ɲɛ pilɔɔ co nda cumndo ni.

Condii lisai 73:3

Kani i va vanaa kuundiannda paŋalaa, le tùú ya va dɛnɛ kɛndɛ vanaa kɔlvesɛyaa kan cɔu-vo.

SƐBƐ YƆB-O 21:7

Le yɛɛ vanaa kɔlvesɛiya co yɛ yoomu? Le yɛɛ nda sɔ̀la yɛ yoomuan mɛɛ nda kɔa a yuuvaa yɛ?

Yeremi 12:1

Mɛlɛka, nɔm a sandu bɔɔ, o bɛnda mì sɛɛngian a nɔm te. Kɛ o va bɛɛ lende, i yeema mì n suukan naa ŋiɔn o sandei coo: Le kɔlɔ yɛɛ nɛ vanaa vɔɔnda co yɛ fulaa lenin o dɛnɛ nda vɔɔndo nin, mì vanaa vo nɔm te-a connun o kɔlɲuloo nin?

Vana Kɔlkaloo 10:5

Mí ca dɛnɛ vɔɔndo pum o paalen bɛngu: simlacinɔɔ tiwba mò pɔw,

Vana Kɔlkaloo 4:8

ndu co a vana co ndu pilɛ kpé-o o kɔɔ ni. O nɔ po le, o nɔ bɛndu le, o nɔ pɔmbɔ le. Kɛ o pɛngi a baalaa le, o co yeemaa le bolofaa sɔlaa tuŋ. Nduyɛ, o co ɲunanndo aa: Le nɛ̀ɛ̀ ya co yɛ sanganndo ho mì va kɛɛ yeemɛi nii tosa? Sanga fondoo co vɛlɛ kon ni, ceendo vili vɔɔndo pɛɛn.

Vana Kɔlkaloo 4:4

Mí dɔaw vɛlɛ taasi maa o co fondo le vannda co sangaa le, a yeema ma hiow caanda. Sanga fondoo fúú co vɛlɛ kon ni, ɲɛ fondoo kiltan kɔɔli pɛɛn.

SƐBƐ YƆB-O 1:22

O dɛnnda lan nin kpow, Yɔb tosa haki le, o dimi vɛlɛ diomnde tana a Mɛlɛka le.

SƐBƐ YƆB-O 27:12

Niaa yɛ, la sìná ken ɲɛkɛndɛi, kɛ le yɛɛ niaa co yɛ niko sɔɔn fondon dimio?