Vana Kɔlkaloo 8:12 - BII BILA

¹² Vana lahakio nɔla mò tosa dɛnɛ vɔɔndo háá bɛmbɔɔ kɛmɛ, mò viownun yoomu taw. Nuaa ndáà dimi ni aa: ‹Vanaa co Hala bɛɛlen keo-va a vanin o dɛnɛ kɛndɔɔ nin, kani a sinà kpaaya ndɔ lemasaa.

Vana Kɔlkaloo 8:12 Referans Kwoze

Condii lisai 37:11

Kɛ vanaa tuisin tootoo-a sɔlanin lɛŋnden kɛ́ɔ, a vannunnin o kɔlɲulu bɛndoo nin.

2Piɛr 2:9

Kon co cɔmndo ni maa Mɛlɛka sínà mɛɛ o báŋà vanaa sandaa o tɔɔndanndo nin, mò màndà vanaa tosaa dɛnnda vɔɔnda le nda dɛnɛ palaa tuisio coo o paale yamɛi kiolunin-nden yɛ,

Vana Kɔlkaloo 7:15

O telen bingi ya co yoomu-o bɛngu, í bii bila maa vana sandaa nɔla mò vi a dɛnɛ sandaa ndɔɔ, mì vana yɔŋ vɔɔndo lo yoomu a kɔlvesɛi ndɔɔ.

Vana Kɔlkaloo 3:14

I sinà maa ɲɛ-ɲɛ Hala tosa pɛ, o viow le fɛɛn a fɛɛn. Vana nɔlà ɲɛ handɔɔ lecoo le, vana nɔlà vɛlɛ ɲɛ faŋa lecoo le. O tosa kon, haliko mi vannda yɔŋ siòònde a ndu.

Rɔmnda 9:22

Hala yeema le kɔltuw ndɔɔ cɔmndo haliko mi vannda sina kpaaya ndɔɔ. Nduyɛ, biwnɔnndo pila o biwnun a vanaa kɔltuw ndɔɔ va le nda-a ni. Kɛ nduyɛ telenndo ndóò tiiya nin le tambii ndɛi.

Luke 1:50

Ɲíí ndɔɛi co le fɛɛn a fɛɛn le vanaa co ndu bɛɛlen keo-va.

Rɔmnda 2:5

Kɛ le tùú n co nila kalulan tosaa mà va kɛɔ dɛnnda lan bilaa biyɔɔ-o, kɔltuw bɛndu Hala-o hun toalnin nɔm coo o paale kɔltuwlen coo, paale yamɛi sandɛi Hala-e fulanin ceen-nden.

Matie 25:34

O kon masaa dimulnin a vanin ndu o ba kɛndɔɔ coo-a aa: ‹La hun, niaa Fuɲa nuu dɔw duaa-a. La hun mì la sɔla Masalen kɛ́ɔ, masale toosian le niaa kabi o ceendo cɔvɔɔ len.

Vana Kɔlkaloo 7:18

O bɛnda ma bii silala tiɔnndan ndan. Kani vana nɔ pɛ siòòŋii Hala-e, o hiw ɲɛ-ɲɛ ba le.

Vana Kɔlkaloo 5:16

Lende o co palɛi ndɔɛi kpow ciiyo o ɲumndan nin ni. Dɛnnda palaalan, sangalan a kɔl tambɛiyo taw co ndu coo ni.

Talelan 13:21

Dɛnɛ palaa co vana yɔŋ vɔɔndo kɔɔli, kɛ vana sandaa ndu, dɛnɛ kɛndɔɔ co sala ndɔɔ ni.

Condii lisai 115:13

o dɔawnin vanaa nɔ siòòŋii ndɔɛi-ya duaa, cuaambɔa a van-banaa kpede.

Condii lisai 112:1

La lisa Mɛlɛka. Dɛnɛ kɛndɔɔ co le vana nɔ siòòŋii Mɛlɛka-e-o, o dɔawnun ɲaale taw o tɔŋnda ndɔlan biyɔɔ nin-ndo!

Condii lisai 96:9

Te o fula pɛ mò cɔmnun niaa, la baŋ ndu vulan o labɛngunin. Niaa vanaa co o lɛŋnden coo-a kpow, la ɲiiya ndu o hɔl.

1Dɛnnda lemasalan 16:30

Niaa vanaa co o lɛŋnden coo-a kpow, la ɲiiya Mɛlɛka o hɔl, lɛŋnden le co isisi yili, le kpeŋan te.

1Masaa 21:25

Kabi sindɛ, vana-vana óò vɔngulun-ndɔ o dɛnnda vɔɔnndan tosaa nin Mɛlɛka o hɔl nuaa maa Akab le. Nduyɛ Yesabɛl laa ndɔ va ndu balan lueiyo o sɔɔn mun nin ni.

Tɔŋ miingua 12:25

La dia man te few, haliko mi la sɔla dɛnɛ kɛndɔɔ le niaa pila a le hɔ́aa niaa koma vanin niaa kɔɔli fɛɛn-fɛɛn-nda. Kani te la di man te, mɛɛ la tosa dɛnɛ sandaa Mɛlɛka o hɔl.

Fulaa 1:20

Mí Israɛlla cɔɔlu kui taw, má sɔla kpaayaa. O kon mí Hala tosal sokoa-vialaa kan dɛnɛ kɛndɔɔ taw-taw.

Tɔŋ miingua 4:40

Lelan, la bii silala ndɔlan a tɔŋnda ndɔla ya co niaa tɛɛngullo hau lan, haliko mi sɔla dɛnɛ kɛndɔɔ, niaa pila a cuavaa niaa fɛɛn-fɛɛn. Handɔɔ o kon coo, mì la viow yoomu o lɛŋnde Mɛlɛka Hala niaa yɔngu niaa le fɛɛn a fɛɛn-nden coo.»

Tɔŋ miingua 12:28

La manda tɔŋnda ya co niaa hau yɔngoo lan kpow, mì la kela lecoo. O kon, la sɔlanin dɛnɛ kɛndɔɔ le fɛɛn a fɛɛn, kandɔɔ niaa pila kɔ bii a hɔ́aa niaa siɔdii laci. Kani te la manda lan pɛ, mɛɛ dɛnɛ kɛndɔɔ a dɛnɛ sandaa niaa tosa kon Mɛlɛka Hala niaa o hɔl ni.»

Condii lisai 128:2

A dianin vali nɔmndo tɔnɔ, a dɔawnunnin duaa, mì dɛnndan kpow la bɛnda nɔm o ba.

Vana Kɔlkaloo 5:7

Taa ce pɛ ma va vana bala fondoo delɔɔ coo o kobio nin, mì sandii lepɛŋnde va, hali ma downun kɔndɔfili le dɛnnda lan te. Kani simlacinɔɔ co o ba vana hiow ndu-o bɛngu, vanaa ŋiɔŋaa kan bɛɛ a co o ba vana hiow nda fondaa-o bɛngu.

Vana Kɔlkaloo 12:13

Sɔɔn dimin mun-ndon kpow, liima ndɔɔ co hoo ni: nɔ́ siòòŋii Hala-e, mà kela o tɔŋnda ndɔlan coo. O vanndacieea kpow bɛnda mà tosa-o co kon ni.

SƐBƐ YƆB-O 35:15

Sisa vɔ, kɔl ndɔ tuwvo cen-ndɔ le, o sina vɔ vɛlɛ simul vanacieo simul ndu-o le.

Talelan 28:14

Dɛnɛ kɛndɔɔ co le vana siòònde co lɔ́ɔ́-lɔ́ɔ̀ le dɛnɛ vɔɔndo tosaa-o. Kɛ vana kindi pɛ nilan, o delnin o dɛnɛ palaa nin.

Yeremi 44:10

Háá hau, mɔnɛi bii niaa le, la ke ya lebɛɛ le, vana-vana bii silala nilan a tɔŋnda ya yɔngu fuɲaa niaa mamaa a niaa pila lan te.»