Vana Kɔlkaloo 7:9 - BII BILA

⁹ Keleŋa kɔllo tuulu le, kani vana diɔm sondo vesɛiyo nɛi kɔl itambu le.

Vana Kɔlkaloo 7:9 Referans Kwoze

Nsaki 1:19

Puapilɛa nia hɛnan ya-a, la sinà pɛɛngu maa vanaciee oo vanaciee bɛnda mò keleŋa tueyɔɔ, kɛ o keleŋa isɔɔ le, o yala kɔl tuulu le.

Talelan 14:17

Vana keleŋà kɔllo o tuulu-o tósà dɛnnda idiɔmndan ni. Vana hui caanda-o ndu, nɛinɔnndo o nɛinùn vannda ni.

Talelan 16:32

Vana biuvanndo co fisa a kuubanɔ cɔwvo. Vana kpuwvian ndu pila-o co fisa a vana bii kobio kpulukuu a cɔwvo-o.

Marke 6:19

Herodiade va nɛyɔnndo a Nsaŋ, ndóò yeema le ndu diyɔɔ. Kɛ ndóò nɔla le,

Yonas 4:9

Mí Hala ɲuna ndu aa: «Vɛ̀ɛ̀ a nɔ pá dí ma tuulu kɔl le yɔmndo ho?» Mí Yonas muli aa: «I nɔ dí mì tuulu kɔl háá mì kelun nande.

2Samiɛl 19:43

Mí vanaa fula o polale Yuda len nin-nda mulul Israɛlla aa: «Kani naa n hiow va vanayɛi masaa. Hali mí la tuulu kɔl le ken te. Mò va maa masaa va naa baloo dɔvɔɔ ni? Mò va maa ɲɛ o ke naa ni?»

2Samiɛl 13:22

Absalɔm dimul Amnɔn ɲɛ-ɲɛ le, kɛ mó nɛinun ndu taw le kpuva o kpuva Tamar yema ndɔ-o.

2Samiɛl 13:28

Mí Absalɔm dimul buɛyaa ndɔa aa: «La mɛɛndan Amnɔn ɲɛkɛndɛi, telen mɔiyan ma biinin ndu mò naŋ kɔl taw-vo, i dimulnin niaa le ndu biyɔɔ, mì la dii ndu. La yɔŋ isiòòn te dɛ! Sɔɛi fula pɛ i muli. Lelan la vesa hɔlla, mì la tosa vanapɔnɔyɛi.»

Marke 6:24

Mí cuaambɔɔ fula, mó kɔ ɲuna kala ndɔ aa: «Yɛɛ ya kɔ piɛi yɛ ndu?» Mí kala ndɔ mulul ndu aa: «Bolle Nsaŋ Vana-yinaa len.»

2Samiɛl 13:32

Kɛ mí Yonadab, po Simea puapilɛ David-o muli, mó dimi aa: «Vana ni bɛndoo, dímì nuaa aa poaa masaa kpow le a vi le. Amnɔn ndu pilɛ kpé nda dii ni. Kani lɔ́ɔ́ Amnɔn kpuva Tamar yemaa Absalɔm mó hini a ndu-o, Absalɔm kelu o kɔl ndɔɔ nin le ndu diyɔɔ ni.

O Kandɔɔ 4:8

Mí Kain dimul Abɛl pɔmbɔ ndɔ aa: «N fula mì n kɔɛ yondoo nin.» Mɛɛ nda fula má kɔa yondoo nin, mí Kain del Abɛl pɔmbɔ ndɔ coo, mó dii ndu.

Talelan 14:29

Vana yàlà kɔl tuulu o dɛnɔɔ loo co vana tasio ni, kɛ vana keleŋa kɔl tuulu-o tosà diɔmnde.

Vana Kɔlkaloo 7:10

Dimi le aa: ‹Ko le yɛɛ palɛi paandu i va yɛ fisa a hee sisa?› Ɲuna vaa lende co ɲuna vana kɔlkalu le.

Talelan 25:8

Keleŋa sɔɛi n ce-e dimi o cɛi kialaa n'yamaa nin te, kani te yaamɔɔ nɔmndo hun sɔla nɔm pɛ di, vɛ̀ɛ́ n tosa yɛnin o kon kɔɔli?

Yonas 4:3

Lelan, Mɛlɛka cua yoomu nuu, kani piɔ́mndo hiow nihau ya hɛnan a yoomoo.»

Yonas 4:8

Paalen kaloo, mí Hala soli hoeyii vesɛiye a kpengii paalen le can-nde. Mí paalen le tuulu Yonas bollen, mí hɔlla hiŋ ndu, mó yeema piɔ́mndo, mó dimi aa: «Piɔ́mndo co fisa le ya a yoomoo.»