Vana Kɔlkaloo 7:7 - BII BILA

⁷ Masalen tosaa kpoku-kpoku, nɔla mò mingi vana kɔlkaloo maa diɔm sondo vesɛi. Ɲɛm kean n tiwba mì n mangala vana kɔlkaloo kɔllo.

Vana Kɔlkaloo 7:7 Referans Kwoze

Tɔŋ miingua 16:19

La tósà kafalan o yaman kiolɔɔ nin te. La hiyan vannda le, la cɛl ɲɛm nda vanin niaa yɔngoo le niaa luɛyɔɔ nin-ndon te. Kani ɲɛm mun suumiaa vanaa kɔlkalua ni mi n laasiaa di vanaa tɛɛmbuu isɔɔ le-a.

Fulaa 23:8

La cɛl ɲɛm nda vanin niaa yɔngoo le niaa luɛyɔɔ nin-ndon te, kani ɲɛm vaa lende n suumiaa vanaa co cɔu-va, mì n laasiaa sɔɔn vanaa sandaa.

Talelan 17:23

Ɲɛm kean sɔɔsɔɔ-on hɛnan vanaa kɔlvesɛiya biyɔɔ ni, le dɛnɛ sandaa faŋaa o fonda ndɔɔ.

Esai 1:23

Vanaa lanila kalua simlacia niaa co ni, nda co vuiya simndan kɔɔli le vuilen tosaa ni. Nda kpow a yeema bolofaa luɛyɔɔninndo, a co kiltan ikilikiliei vɔ̀ngɔ̀lan kɔɔli tuŋ! A co isɔɔ le vííya ma tosal nda dɛnɛ sandaa le, a cɛl bɛɛ mì dɛnɛ vanalanɔ pɔnɔ ndɔ vi-o tiiya o nda lo di le yamɛi kiolɔɔ le.

Vana Kɔlkaloo 4:1

«Mí dɔaw dɛnnda lakafala co o lɛŋnden coo lan kpow taasi, mí ca vanaa nda co saangiaa-a a mɛmɛan o lahɔl. Vana co le nda ɲɔɔlu le, à co nda tiindaa a kpaayaa, vana bɛɛ ve le nda ɲɔɔlu le.

Talelan 17:8

Ɲɛm nda ke vannda le nda luɛyɔɔ nin-ndon co vanaa co mun yɔngoo-a o hɔl maa powta báá kala. O kon, maa nɛɛ-nɛɛ nda kɔɛ pɛ a sɔla dɛnɛ kɛndɔɔ.

1Samiɛl 8:3

Kɛ poaa ndɔa kan ve tosa mɛɛ fuɲa nda va tosaa yɛ le. Nda nda, volion ndáà luɛi hɔlten ni, má va ɲɛm vannda va nda yɔngoo-on biyɔɔ le yaman lacòòvan kiolɔɔ.

Tɔŋ miingua 28:65

La venin a nila ɲulu vanaa-mangalaa-isɔaa kan tɛɛn te. Hali fonda pɛngiaa la nɔnin le bɛngula niaalan kɛsio le. Mɛlɛka lueinin kɔl yulan-yulanndo niaa nin, mì hɔlta niaalan la yɔŋnun yifidii, mì niaa pila fula yoomuan po.

Esai 33:15

Fɔ vana co kelaa o dɛnɛ sandaa coo-o, vana co sɔɛi a sandei lɔ́ɔ́-lɔ́ɔ̀-o, o kɛɛ ɲɛm sɔlan delɔɔ coo-o, o koaŋ bala ndɔlan mo kɛɛ luɛyɔɔninndo-o, o kinda nila ndɔlan yɔŋii o tuei sɔɔn diyaa n'vanndon-ndo, o kinda hɔlta ndɔlan yɔŋii o cɔ dɛnɛ vɔɔndo tosanndo-o.

1Samiɛl 12:3

Lelan, la ce ya isisi niaa, Mɛlɛka a masa o pɔla-o o hɔl. Te i tosal pɛ vana dɛnɛ vɔɔn, vana kon bìí sei nuu. Vɛ̀ɛ̀ i ciimbuu pá naw vana, te kon te sofɛlɛ pila? Nɛ̀ɛ́-nɛ̀ ya saangiaa yɛ le tɔnɔ soli ndu o n'dial? Nɛ̀ɛ́-nɛ̀ ya luei-yɛ mɔnɛi? Nɛ̀ɛ́-nɛ̀ luɛi-yɛ ya nin a ɲɛ pum le hɔltan kindaa o dɛnɛ ndɔɔ coo? Te i tosal pɛ vana dɛnɛ vaa lende, mɛɛ vana kon dimi mì mingul ndu ɲɛ ndɔ ya de-o.»

Vana Kɔlkaloo 5:8

Le vanndacieea kpow tɔnɔ lelɛŋndo co ni. Masaa bɛɛ, yondoo tɔnɔ ndɔɔ fula ni.

Vana Kɔlkaloo 8:9

Mí ca kon kpow, mí dɔaw ɲɛ co tosanndo o paalen bɛngu-o kpow taasi ɲɛkɛndɛi. Vanacieo co vanacieo dɛnɔɔ kindilaa coo, mó va ndu mɔnɛi lueiyo.

1Samiɛl 21:14

Mó siingun ndu pila diɔmndo Filistia o hɔl. Mó muungu sɔɔn tosaa nda o hɔl maa vana seemɛi, mó va tindian tɛɛndiaa o koŋnda diolan coo, mó va vɛlɛ lɔluan tuisinndo o siaiye coo.