Vana Kɔlkaloo 7:5 - BII BILA

⁵ O co fisa mì vana yaŋ nilan o sila vana kɔlkaloo, a nilan yaŋɔɔ o condun diɔmaa sondo vesɛiya.

Vana Kɔlkaloo 7:5 Referans Kwoze

Condii lisai 141:5

Vana bii sɔɛi Hala-i-yo tiwba mò lɔɔ ya, vana lo o lediom coo-o tiwba mò mingi ya o nɛi, dɛnnda icanyala ya nɔla kɛɛ le lan la co lan ni. Kɛɛ yɔŋ vɔɔn vanaa vɔɔnnda tiwba piɛile nilen simullo lɔ́ɔ́-lɔ́ɔ̀ le.

Dɛnnda cɔɔmuanndan 3:19

Ya ya, sɔɛi ya soaa vanaa ya kaola-a le nda silaa ni. Lelan fula diallon, mà mangalan.

Talelan 13:18

Vana kɛɛ pɛ le silaa tueyɔɔ, ndu siŋnun vana bala fondoo, o nɛinun vannda. Kɛ vana cɛl pɛ ma dimul ndu sɔvun ndɔn, o sɔla bɛɛlen.

Talelan 27:6

Sɔvun caan nɔm cɔ̀m nɔm-ndon cɔm canyɛi ndɔɛi ni. Kɛ le vana huiyo fúú yaamɔɔ kɔɔmian vana ni.

Talelan 17:10

Vana taasio kanalanndo le pilɛ hiow nɛŋi, a diɔm sondo vesɛiyo lɔɔ kɛmɛ a sionnden.

Talelan 13:13

Vana tui sila loo, bɔnɔla cuu ndu kuee le. Kɛ vana bii pɛ tɔŋndan, ndu sɔla vɔ́ngɔ̀lan ni.

Talelan 9:8

Cɔ̀m vana mamaa n'vanndo sɔvun ndɔn te, yɔŋii o pɛɛsa nɔm. Kɛ cɔm vana kɔlkaloo sɔvun ndɔn, mò kaola nɔm.

Condii lisai 69:12

I vownun volɔɔla biisilan, mí nda va ya cuunduuo o condon nin.

Talelan 6:23

Kani tɔŋndo, fitinaa o co ni, pɛɛkoo, ɲɛ-tengaa o co ni, kanalannda silaalan, nɛi cindaa la co ni.

Talelan 25:12

Maa kelɛi n'siani diandaa a yɔlɔn n'sianin diandaa kanalan vana kɔlkaloo co le vana tuɛi sɔɛi-yo ni.

Vana Kɔlkaloo 7:4

Nɛɛ vannda co o sangaa nin-nda, lon vanaa kɔlkalua cal ni. Kɛ nɛɛ kɔlkɛndɔɔ co-a, lon vana komal diɔmaa sondo vesɛiya ni.

Vana Kɔlkaloo 9:17

Nduyɛ, vana kɔlkalu co sɔɛi fɛ́ɛ́-fɛ́ɛ́-o nilan yaŋɔɔ co fisa a yoondiaala diɔmaa sondo vesɛiya yaŋnɔnndo.

Vana Kɔlkaloo 12:11

Sɔɔn vanaa kɔlkalua co maa sionnde nɔ ciliŋii siɛɛmbiɛi o bollen le cɔlua kpeŋaa len. Talela nda dimì lan la co maa ciliŋii siɛɛmbiɛi nda baŋ o sionnde len bollen-nde. Kon kpow, Hala ke vana ni. Ndu pilɛ kpé sim vana laci ni.