Vana Kɔlkaloo 7:20 - BII BILA

²⁰ Vana sandaa co o lɛŋnden coo le, o tiwba mò tosa dɛnɛ kɛndɔɔ, o kondu haki loo.

Vana Kɔlkaloo 7:20 Referans Kwoze

Rɔmnda 3:23

Kani vanndacieea kpow a tosa hakio, má fola biilu Hala-o.

Esai 53:6

Naa kpow n va laasianndo nɛɛ-nɛɛ ka maa n'saa, vana-vana va kɔlan pemale ndɔ kɔɔli, kɛ mí Mɛlɛka tuisi tɛɛmbuu naa kpow ndu coo.

Nsaki 3:2

Kani naa vanaa bɔɔ-bɔɔ n co boŋilan o nɛilan taw coo. Te vanndo boŋ o sɔɛi sondoei nin te, mɛɛ vana peelun o dɛnndan nin-ndo co kon ni, o nɔla vɛlɛ mò manda dialun ndɔn kpow.

1Masaa 8:46

Tàà cua pɛ hakio a nɔm, kani vanaciee kɛ́-kɛ̀ co le o cue haki loo, taa tuulu pɛ kɔl a nda ma mal nda yaamɔɔa o ba, yaamɔaa kan kɔ a nda polon, a kɔ a nda macɛlu,

Talelan 20:9

Nɛ̀ɛ́ tiw yɛ ba mò dimi aa: «I dindi kɔl nuu valan, i dendu, haki oo haki co ya le»?

2Dɛnnda lemasalan 6:36

Taa cua pɛ hakio a nɔm, kani vana co le o tosa dɛnɛ haki loo, mì nɔm Mɛlɛka tambu kɔllo a nda, ma mal nda yaamɔaa ndaa o ba, mì yaamɔaa kan a kɔɛ a nda o biyɔɔ nin o lɛŋnden lepum nin, o va nɛɛ macɛlu o va nɛɛ levil polon,

Esai 64:6

Hali lepilɛ vana pilɛ bɛɛ co nɔm diolan piɔlɔɔ le, vana-vana co tiondɔɔ mò holnun nɔm te. Kani a vin naa hɔlaa nɔmnda mà mal naa kɔsɔɔ luɛyɔɔ le tɛɛmbuula naalan.

Condii lisai 143:2

Vana baala nɔmndo ya co ni, kialu ya iyama le, kani vana-vana sendu nɔm o hɔl te.

Condii lisai 130:3

Taa puulun pɛ tɛɛmbuula naalan, ɔ́ɔ̀ vana lonin yoomu-o, Maalii?

SƐBƐ YƆB-O 33:12

Mɛɛ mì mulul nɔm maa o nɛi kon coo ndu, a nɔ dí le. Kani Hala hiow vanacieo.

Tɔŋ lasálàá 13:39

vana-solia-lasálàá bɛnda mò mɛɛndian vana kon. Te sɔŋnda fula ndu lekɔɔ lan la va pɛ pupulaa, mɛɛ kpukpon kínɛí n fula ndu mun lekɔɔ ni, mɛɛ vana kon connun o diandaa.

1Samiɛl 20:34

Mí Yonatan can tangban a kɔltuwvo o tabali nda va dioo-o, mó faŋan. O paale diinndɔle kafole len coo, o cɛl lɛ le ɲɛ-ɲɛ dio le, kani kɔl tambɛiyo va ndu le yeowla fuɲa ndɔ yeow lan David lan.

Condii lisai 14:1

Condii David-e, í fula o condun simlacinɔ vanaa n'condua nin-nde. Diɔmnda co dimio o kɔlta ndalan nin aa: «Hala co le!» A laasian kpede, à luei balan o dɛnnda nɔɔlɛilan nin. Vana pilɛ bɛɛ co dɛnɛ kɛndɛ tosa o nda tɛɛn te.

Condii lisai 14:3

Kɛ nda kpow a mal nɛiyo, nda kpede a laasian latulu. Vana-vana co dɛnɛ kɛndɛ tosa le. O pilɛ bɛɛ!