Vana Kɔlkaloo 7:2 - BII BILA

² O co fisa mì vana kɔɛ o cɛi biisio co-o nin, a kɔlan o cɛi ɲɛdiaa kafoo co nin-ndo nin. Kani piɔ́mndo co mɛɛlula vanaciee oo vanaciee ni, vanndacieaa yoomaa kpow a bɛnda ma yiyan a ken.

Vana Kɔlkaloo 7:2 Referans Kwoze

Condii lisai 90:12

Pɛɛku naa mɛɛ naa n bɛnda mì n cɔm palɛi nɛi yɛ, o kon mì kɔlta naalan la pɛ a kɔlkaloo.

Tɔŋ miingua 32:29

Bau te ndáà nɔ pɛ kɔlkaloo, ndáà biinin dɛnɔɔ ho bila, ndáà dɔawnin ɲɛ co nda cumndo-o taasi.

Hebreea 9:27

Lepilɛ kpé vanndacieea bɛnda le piɔ́mndo sɔlaa ni, o kon kɔɔli Hala kelu yamɛi ndɛi.

Tɔŋ miingua 32:46

mó dimul nda aa: «La bii sɔɔn ya co mun niaa tɛɛngullo hau a mɛnanndo-on, mì la luei mun cuavaa niaa o lebol, haliko ma bii silala tɔŋndo ho kpow, mà kela lecoo.

Filipea 3:19

mɛɛlula vanaa kan la co o ɲánndávàà ni. Dembela ndalan la co hala ndaa ni, a cɛn pɛ a muungu ɲɛ vanin siɛmbulan le nda-o sooloo. O ɲɛm co o lɛŋnden coo-on coo kínɛí nda co yiyanndo ni.

Matie 5:4

Dɛnɛ kɛndɔɔ co le vanaa co caŋndo-a, kani a sɔlanin ɲɔɔloo.

Aasee 1:5

Sisa, Mɛlɛka-Nɔ-Kpaayaa-Kpow-vo dimi aa: ‹Niaa pila yiyan-ndɔ ɲɛ co niaa tosalanndo-o.

Esai 47:7

La va dimio aa: «Le fɛɛn a fɛɛn vanaa bɛndua naa n co ni!» La yiyan o sɔɛi ken coo le, la yiyan a mɛɛ dɛnɛ kon ndóò mɛɛlunin yɛ o kɔɔ le.

Kundalan 23:10

Nɛ̀ɛ́ nɔla yɛ polale Yakɔb len cɔmndo tɛ́kpɛ́-tɛ́kpɛ́? Nɛ̀ɛ́ nɔla yɛ mò cɔm cundu co lɛŋ-ndo o pilɛn-pilɛnndo? Nɛ̀ɛ́ nɔla yɛ mò cɔm cuavaa-imamaa Yakɔb-a? Màá piɔ́m nuu yɔŋnun maa piɔ́m vanaa sandaa! Màá mɛɛlula nilan la yɔŋnun maa mɛɛlula ndalan!»

Malasi 2:2

Te la yeŋ nilan o sɔɛi nii mì la handu kɔllo le diola nilan biiloo le, i tuisinin niaa dɛnɛ palaa coo, mì siinguu duaa niaa dangaa. A toɲa, lende ya tosanin ni, kani la hendu kɔllo o sɔɔn nun coo le. Ya Mɛlɛka-Nɔ-Kpaayaa-Kpow-vo dimi lende ni.

Vana Kɔlkaloo 2:14

Vana kɔlkaloo sina nɛɛ o co kɔlan-nda, diɔm sondo vesɛiyo yɛ, o ɲumndan nin o kɔa ni. Kɛ mí bii bila maa nda ŋiɔn kpow, ɲɛ pilɔɔ co nda cumndo ni.

Vana Kɔlkaloo 2:16

Kani vana va vana kɔlkalu, vana va diɔm sondo vesɛi, taa vi pɛ, mɛɛ palɛi hiaw faw, lende vannda kɔa a sɔɛi nɔmnde pɔɛɛnɔnndo ni. Mɛɛ diɔmndo vu yɛ, lende koni vana kɔlkaloo bɛɛ vu ni.

Vana Kɔlkaloo 3:19

Kani ɲɛ pilɔɔ koni co vanndacieea a cɔlua cumndo ni. Mɛɛ o pilɔɔ vu yɛ, lende koni o pilɔɔ bɛɛ vu ni. Yoomu pilɔɔ nda kpow nɔ ni. Hiovɔɔ vanacieo hiow cɔloo-o co ɲɛ-ɲɛ le. Kon kpow, ɲɛ fondoo o co ni.

Vana Kɔlkaloo 3:20

Nda kpow co kɔlan o fonda pilɔɔ. O puuloo nin nda fula ni, o puuloo nin nda co vɛlɛ muungu ni.

Vana Kɔlkaloo 6:6

Vanndo tosa bɛɛ yoomu vɔsilan vàálan tan tiɔn, te o sɔla dɛnɛ kɛndɛ le, ceen súú yɛɛ co yɛ kon? Vɛ̀ɛ̀ o co nɛɛ pilɛ le ɲɔɔn kpow n kɔanin te?

Vana Kɔlkaloo 9:2

Lende koni o co le vannda kpow ni. Ɲɛ pilɔɔ co vana sandaa a vana yɔŋ vɔɔndo komal ni, vana dendu-o a vana dindu loo, vana soli sálàá-o a vana co sálà soli loo. Hiyan co vana kɛndɔɔ a vana yɔŋ vɔɔndo tɛɛn te, vana cua ciɛ́ɔn o Hala lo-o a vana cue n'ciɛ́ɛ́ loo bɛɛ lende koni.

Vana Kɔlkaloo 9:3

Dɛnɛ vɔɔn komal vannda kpow o paalen bɛngu-o co hoo ni: ɲɛ pilɔɔ kpé komal vanndacieea ni. Yɔŋ vɔɔndo a diɔmii sondo vesɛiye koni nda co tosaa telen nda co yoomu-o ni, o kon kɔɔli, a vinnun.

Yeremi 16:8

Luɛi vɛlɛ o cɛi ɲɛdiaa kafoo co nin-ndo, mà kɔ cal niaa vannda le dioo a kolɔɔ le.

Vana Kɔlkaloo 9:5

Vanaa co yoomu-a a sina maa a co hunɔɔ vu, kɛ vanaa vi-a nda sina lɛ ɲɛ-ɲɛ le, a co lɛ ɲɛ-ɲɛ tueyɔɔ le, vannda pɔɛɛnun nin bɛɛ a nda o kɔɔ.