Vana Kɔlkaloo 7:18 - BII BILA

¹⁸ O bɛnda ma bii silala tiɔnndan ndan. Kani vana nɔ pɛ siòòŋii Hala-e, o hiw ɲɛ-ɲɛ ba le.

Vana Kɔlkaloo 7:18 Referans Kwoze

Vana Kɔlkaloo 12:13

Sɔɔn dimin mun-ndon kpow, liima ndɔɔ co hoo ni: nɔ́ siòòŋii Hala-e, mà kela o tɔŋnda ndɔlan coo. O vanndacieea kpow bɛnda mà tosa-o co kon ni.

Luke 11:42

Kɛ dɛnɛ palaa co le niaa Faliisia! Kani la co o-tɔ́ndɔɔ solio o tɔlɔɔlan lapum nin, maa mɛnte, ru a tɔlɔɔla nakɔla niaalan kpow, le Hala yɔngoo, kɛ la co dɛnɛ sandaa a canyɛi Hala-e cɔm te. Dɛnnda niaa bɛnda le tosaa lan la co lan ni, handɔɔ niko o dɛnnda tɔ̀lan coo.

Luke 1:50

Ɲíí ndɔɛi co le fɛɛn a fɛɛn le vanaa co ndu bɛɛlen keo-va.

Vana Kɔlkaloo 11:6

Le sɛ dɔ́ɔ́ pɛ, a saŋ yɛyii nɔmnde, háá icɔllo kɛ́sì ba nɔmndo pɛngio le. Kani a sinà n naŋnin te, ko ba pilɛ ni, ko kpow yɛ ni. Ko mun kpow yɛ ni, a sina le.

Vana Kɔlkaloo 8:12

Vana lahakio nɔla mò tosa dɛnɛ vɔɔndo háá bɛmbɔɔ kɛmɛ, mò viownun yoomu taw. Nuaa ndáà dimi ni aa: ‹Vanaa co Hala bɛɛlen keo-va a vanin o dɛnɛ kɛndɔɔ nin, kani a sinà kpaaya ndɔ lemasaa.

Yeremi 32:40

I yiinin kpema fɛɛn-fɛɛndo a nda. I mulul-lɛnin nda kɔɔ le. I tosalnin nda dɛnɛ kɛndɔɔ mì tosa ma vo ya o kɔlta ndalan nin, o kon a kue lɛnin ya levil te.

Vana Kɔlkaloo 3:14

I sinà maa ɲɛ-ɲɛ Hala tosa pɛ, o viow le fɛɛn a fɛɛn. Vana nɔlà ɲɛ handɔɔ lecoo le, vana nɔlà vɛlɛ ɲɛ faŋa lecoo le. O tosa kon, haliko mi vannda yɔŋ siòònde a ndu.

Talelan 8:20

O nɛi dɛnɛ sandaa coo ya co kɔlan ni, o pemale sakpoyɛi coo pɛɛn.

Vana Kɔlkaloo 5:7

Taa ce pɛ ma va vana bala fondoo delɔɔ coo o kobio nin, mì sandii lepɛŋnde va, hali ma downun kɔndɔfili le dɛnnda lan te. Kani simlacinɔɔ co o ba vana hiow ndu-o bɛngu, vanaa ŋiɔŋaa kan bɛɛ a co o ba vana hiow nda fondaa-o bɛngu.

Vana Kɔlkaloo 8:13

Vanaa co yɔŋ vɔɔndo tosaa-a sɔlanin sangaa. A vunin mà hiow maa levundu. A lonnunnin n'felengi, mà vi, kani a sinà kpaaya lemasa Hala-o le.›

Talelan 12:21

Dɛnɛ palaa komal ko vana sandaa le, kɛ sɔɔn vɔɔnndon cuu vanaa kɔlvesɛiya kɔɔli le.