Vana Kɔlkaloo 7:17 - BII BILA

¹⁷ Híw kɔlvesɛiyo nɔ le, híw vɛlɛ diɔmnde nɔ le, yɔŋii n yala vu.

Vana Kɔlkaloo 7:17 Referans Kwoze

Talelan 10:27

Siòòŋii Mɛlɛka-e nɔu, kon bɛndi yoomoo ni, kɛ vanaa tosaa dɛnnda vɔɔnda nɛi vu le.

Condii lisai 55:23

Mal Mɛlɛka sɔɔn nɔmndon o ba, mò toosiaa kpekula nɔmndan. O melnin vana sandaa siɛlaa mò del te.

SƐBƐ YƆB-O 22:16

Vanaa yɔŋnda vɔɔŋaa kan, má basun lɔ́ɔ́ pá mí telen ndaa tiiya, má hiaw mɛɛ cii cɛiye hiaw o mɛmma hunan nin nuaa yɛ.

Dɛnnda kiilaa 12:23

Fɔ́ɔ́fɔ̀, le tùú ndu pila cennun maa Hala-o, mí mɛlɛkanɔ Hala-o lɔaa Herɔde, mí càá del ndu, mó vu.

Dɛnnda kiilaa 5:10

Fɔ́ɔ́fɔ̀, mó del lɛŋ kiilaa o hɔl, mó malnun kɔl. Mɛɛ langbaa felengia luɛi, má komal ndu o vilɔɔ. Má kɔa a ndu, má kɔ kumbu ndu pɔnɔ ndɔ ikɛi.

Dɛnnda kiilaa 5:5

Ananias tueyɔɔ sɔɔn mun, mó del, mó vu. Mí siòòŋii bɛnduei bii vanaa tuei dɛnɛ kon-nda kpow.

1Samiɛl 25:38

Palɛi tɔ́ o kon kɔɔli, mí Mɛlɛka lɔa Nabal, mó vu.

Nsaki 1:21

Lelan, la màl dɛnnda nɔɔlɛilan a dɛnnda kɔlvesɛila bɛndulan kpow o fɛ́ɛ́-fɛ́ɛ́o nin, mì la bii sɔɛi tɔlnun niaa o lakɔl-le a sɔɛi nɔ̀la mì i baŋa yoomula niaalan-nde.

Esekiɛl 16:20

Má cua poaa a cuavaa landua nɔm óò vilul-la a, má solul piɔmaa kan sálàá haliko ma somi nda. Vɛ̀ɛ̀ suunda n suunda-o ndóò tiw vɔ nɔm te?

Esekiɛl 8:17

Mó ɲuna ya aa: «Po vanacieo, a ce vɛlɛ hee le? Vɛ̀ɛ̀ polale Yuda len le hini vɔ kɔl a dɛnnda nɔɔlɛila nda co lan tosaa nanu lan te? A cii lɛŋnden pei ca a kɔlvesɛiyo, a co pɛngi ya kɔllo tuuloo le. Nda pila co lɛwve sɔɔnguuo o milinnda ndalan.

2Samiɛl 6:20

Tuma David va muungoo o ndu lo bɛɛ le yungu ndɔɔ duaa dɔvɔɔ-o, mí Mikal, cua Saul-lo hinul ndu, mó dimul ndu aa: «Àá masa Israɛlla! O tosa hau dɛnɛ lebɛɛ fɔ́! Mó fula kɔɔle fondo cɛa laandua buɛyaa ndɔa piaandua o hɔl maa vana fondo.»

Dɛnnda kiilaa 16:28

Kɛ mí Pol yonda aa: «Tosalan dɛnɛ vɔɔn te! N co nanu kpow.»