Vana Kɔlkaloo 7:16 - BII BILA

¹⁶ Híw i sandu le, híw vɛlɛ kɔlkaloo nɔ le, yɔŋii nɔm pila tɛɛmbuun.

Vana Kɔlkaloo 7:16 Referans Kwoze

Rɔmnda 12:3

Le kɛndɛi Hala tosal-la-e, i co niaa dimul maa la cannun niaa pila ɲɛ mò hiow mɛɛ niaa co yɛ le, kɛ la tuisin mì vana-vana cennun mɛɛ o co yɛ, maa mɛɛ Hala ke vana-vana laalanndo yɛ.

Talelan 25:16

Taa saalun pɛ lɛan, a dio man tùúlen, yɔŋii n hiw man dioo ma kuisi man.

Kolɔsea 2:18

Vana-vana pɛɛku niaa tuisin fondoo te kon te mɛlɛkaa biiloo, mì la malnun ndu o ba le. Vanaa vaa lende a ca lɔma sɔlaan ɲɛ ni, mà handu man kɔltan coo. Nda koni yiyannda ivanacieeyalan la pei kuundian fondoo nin ca ni.

Kolɔsea 2:23

I co toɲa maa pɛɛkula lan la velan a kɔlkaloo, le tùú la co kaannde vana pila tuunun o kɔl le tosaa len-ndo, tuisin tootoo a dialun naan saangiaa, kɛ nduyɛ, o co sɔɔn vana bɛnda le lebɛɛ ke le n co le, le yeemɛi ivanacieeyɛi tosaa daama n co ni.

1Korɛntea 3:18

Vana-vana huinun ndu pila le. Te vana pum o niaa tɛɛn yiyan pɛ maa o nɔ kɔlkalu ivanacieeyaa, mɛɛ o siŋnun diɔmndo mò sɔla kɔlkalu kpeekpeiyo.

Vana Kɔlkaloo 12:12

Po nuu, mandan! Handu ɲɛ-ɲɛ o sɔɔn mun coo le. Balaa sɛvaa lasɛbɔɔ co baala cuu o co le.

O Kandɔɔ 3:6

Mí vanalanɔɔ ca maa yɔm kon naŋ taw o dioo a o tofaa, maa yeemɛi bii vana le kɔmnde ndɔlen dioo le dɛnɛ sinaa bɛndoo sɔlaa. O kon, mó kiandu komɔɔ o pilɛ, mó dia. Mó yɔngu vɛlɛ pɔnɔ ndɔ, o nda va latulu-o, mí ndu bɛɛ dia.

Luke 18:12

O lɔ́ɔ́ oo lɔ́ɔ̀ bɛngu, lediin ya bii sumndo ni. I co o-tɔ́ndɔɔ solio o ɲɛm nun kpow nin.›

Talelan 23:4

Saangian kiltan bolofaa kɔɔli le, faŋa yiyan nɔmndo lecoo few.

1Timote 4:3

Vanaa kan a co vannda pɛɛkoo maa o niŋ mì vana yil lanɔ, te kon te mì vana cal pɔnɔ o ba o nɔ̀u nin te, maa vana dia vɛlɛ ɲɔɔn pum te. Nduyɛ, Hala soli ɲɛm mun haliko mi vanaa laalannda piɛi ndu Hala, mà de mun, mà mel ndu balika, nda vanaa laalaŋaa sina toɲaa-a pɛɛn.

Filipea 3:6

Le a ba tɔŋndo o kɔɔ yɛ, Faliisinɔɔ ya co ni. Te le dialun fulan a dɛnɛ dinaa o kɔɔ ni, vana tol kundala vanaa laalannda yɛlen-ndo ya yɔŋnun ni. Te le sandei a ba tɔŋndo ni, vanáà yaala ya nɛɛ-nɛɛ le.

1Korɛntea 3:20

O co vɛlɛ o sɛvaa aa: «Mɛlɛka sínà yiyannda vanaa kɔlkalua, o sínà maa ɲɛ fondoo fúú la co ni.»

Rɔmnda 11:25

Puapilɛa nia, i yeema mì la pɔw dɛnɛ kɔndɔfillo ho le, yɔŋii niaa pila cɔnnun vanaa kɔlkalu. Israɛlla pum a lonin nila kalulan tosaa háá mì vanaa sina Hala le-a kpow a muungu Hala o ibuŋ.

Matie 9:14

Tuma pum, mí kaandeŋaa Nsaŋ-nda hun o Yeesu lo, má ɲuna ndu aa: «Le yɛɛ nɛ naa a Faliisia n co yɛ sumndo biyɔɔ, kɛ kaandeŋaa nɔmnda nda co sum biyɔɔ le?»

SƐBƐ YƆB-O 28:28

O kon kɔɔli, mó dimul vanacieo aa: ‹Siòòŋii Mɛlɛka-e nɔu, kon co kɔlkaloo ni! Dɛnɛ vɔɔndo kpakpalaa, dɛnɛ sinaa co kon ni!›»

SƐBƐ YƆB-O 11:12

Kɛ diɔm sondo vesɛiyo ndu kindu kɔl te tuŋ. Te o kiandunin pɛ kɔl, mɛɛ sofɛlɛ yondoo siŋnunnin cɔlu cieeninndo.

Dɛnnda cɔɔmuanndan 18:19

Má va loolio dɔwnɔnndo o lebol, má va caŋndo a mɔnɛi biyɔɔ a deŋio aa: «Kpòkóó! Dɛnɛ palaa co hoo ni dɛ! Kobi bɛndu ke hoo vanaa ladɛ̀ndɛ̀a va baalaa o mɛmma ihɛllan coo-a kpow tɔnɔɔ a bolofaa ndɔɔ-o cuu itambu o telen bingi-bingio bɛngu!»

Rɔmnda 10:2

Kani i co seile ndalen timbi, maa a fula diallon le dɛnɛ Hala-o, kɛ a nɔ kɔlkalu o dialun fulan mun nin te.

Matie 23:38

Lelan, cɛi niaa lonin fondo fúú.

Matie 23:29

Dɛnɛ palaa co le niaa, niaa vanaa pɛɛkaa latɔŋnda a niaa Faliisia muuluannda ha! Kani la co sɛila vanaa-tɛɛngaa-diom Hala-a cɔvɔɔ, mì la va sɛila vanaa sandaa kɛɛmiaa,

Matie 23:5

Dɛnnda nda co tosaa lan kpow, haliko mi vannda ce nda nda co lan tosaa ni. A cɛn pɛ, a tongu boofiaala ndalan, a bɛndi kpengun domala ndala bɛndulan.