Vana Kɔlkaloo 7:15 - BII BILA

¹⁵ O telen bingi ya co yoomu-o bɛngu, í bii bila maa vana sandaa nɔla mò vi a dɛnɛ sandaa ndɔɔ, mì vana yɔŋ vɔɔndo lo yoomu a kɔlvesɛi ndɔɔ.

Vana Kɔlkaloo 7:15 Referans Kwoze

Vana Kɔlkaloo 6:12

Ceen vanndacieea co maa levundu. Ɔ́ɔ̀ vana sina ɲɛ kelun le ndu o palɛi bingi o co yoomu-e bɛngu-o? Vana dimulnin ndu ɲɛ koma yɔŋnunnin ndu kɔɔli o paalen bɛngu-o le.»

Dɛnnda kiilaa 7:52

Fuɲaa niaa mamaa lekɛ́ndɛi niaa vel ni! Vana-tɛɛngaa-diom Hala kon co le, o fuɲaa niaa mamaa kɛɛ yɛlen tollo. A cii vanaa va sɔɛi a hunɔɔ vana sandaa ndu pilɛ kpé dimio-a diw. Sunsun yɛ niko, niaa bɛɛ cii ndu baa kei o mundu, mí la dii ndu.

Esai 65:20

Cɛlɛkpɛ vilun ndɛnin mò tosa ɲɛ-pɔmbɔ daama mò vi le. Kaasunɔ yuuvɛi ve lɛnin ndon, mò kɛɛ palɛi ndɔɛi kpow cii le. Kani vana-vana nɔ pɛ vɔsilan kɛmɛ mò vi, mɛɛ ndu vi felengi pɔmbɔ-pɔmbɔ. Vana tiiya vɔsilan kɛmɛ le mò vi, mɛɛ vana dangaa ndu yɔŋnun ni.

Vana Kɔlkaloo 9:9

O palɛi bingii Hala ke nɔm o paalen bɛngu-e nin kpow, dɔwnun ɲaale a laa nɔm n kaola-o. Kani yoomu vanacieo bendu le. O Hala ke nɔm-ndo co kon ni, o n sɔla o sanga nɔmndo nin o paalen bɛngu-o.

Vana Kɔlkaloo 3:16

O ya ce vɛlɛ o ceendo coo-o co hoo ni: nɛɛ dɛnɛ sandaa a dɛnɛ toɲaa ndóò bɛnda le tosanndo-a, lon dɛnnda kɔlvesɛilan la co tosanndo ni.

Vana Kɔlkaloo 2:23

Buulanndan a yiyannda vɔɔnndan la co ndu palaa lɔ́ɔ́-lɔ́ɔ̀, o co pɛngi sɔla o kɔl ndɔɔ nin te. Hali icɔl, o pɛngi le. Kon vɛlɛ bɛɛ, sanga fondo fúú.

Condii lisai 39:6

A yɔngu yoomu nuu buo maa tongii ba ninndo, Ɲɛ fondoo fúú bandii yoomu nuu i co nɔm o hɔl ni. Vanacieo co balɔɔ o pelun ndɔn coo, kɛ hoeiye daama yoomu ndɔɔ co ni.

1Masaa 21:13

Mí vanaa fondoa ŋiɔŋaa kan hun sim Nabɔt o hɔl, má kandu ndu sɔɔn ɲiinduuo coo vannda kpow o hɔl aa: «Nabɔt dimi sɔɔn tanan a Hala a á masaa!» Má kɔa a ndu o cieo kɔɔli, má vii ndu a powtan, mó vu.

O Kandɔɔ 47:9

Mí Yakɔb muli aa: «Vɔsila ya tosa o kelaa nin-ndan la co kɛmɛ a beleyaa. Palɛi ya tosa o ceendo coo-e co ibɔɔ le, palɛi dɛnɛ palɛi i yɔŋnun ni. I suilinin vɔsilan mɛɛ fuɲa nuu a fuɲa ni mamaa a cii lan o kelaa nin yɛ le.»

Nsaŋ 16:2

A solinin niaa o cɛila lekaanndan nin. Hiovɔɔ o kon coo, telenndo pum tiiyanin, vanaa vanin niaa diwvo-a vanin yiyanndo maa baala Hala-o nda vanin tosa kon lende ni.

Condii lisai 10:3

Vana kɔlvesɛiyo co heelɔnndo le yeemɛi ndɔɛi vɔɔnde. O va pɛ ɲɛm ndɔn lakafan biyɔɔ, o yeow Mɛlɛka, o mam ndu.