Vana Kɔlkaloo 7:14 - BII BILA

¹⁴ Telen dɛnɛ kɛndɔɔ, náŋ kɔl! Telen dɛnɛ palaa, kééla kɔllo. Kani Hala soli dɛnɛ kɛndɔɔ a dɛnɛ palaa ni. Lelan, vanacieo tiwba mo sina siɔdii ndɔɔ le.

Vana Kɔlkaloo 7:14 Referans Kwoze

Vana Kɔlkaloo 3:22

Mí ca maa dɛnɛ kɛndɛ celen co le vanacieo le, fɔ ɲaaloo dɔwnɔnndo o baalala ndɔlan nin. Ó co le ndu-o co kon ni. Kani nɛ̀ɛ́-nɛ̀ mingi yɛnin ndu yoomu mò hun cɔ ɲɛ tosannin ndu kɔɔli-o?»

Vana Kɔlkaloo 3:4

Telenndo co le caŋndo, telenndo co le mamɔɔ, telenndo co le cɛɛŋɔnndo, telenndo co le yolan.

Vana Kɔlkaloo 12:13

Sɔɔn dimin mun-ndon kpow, liima ndɔɔ co hoo ni: nɔ́ siòòŋii Hala-e, mà kela o tɔŋnda ndɔlan coo. O vanndacieea kpow bɛnda mà tosa-o co kon ni.

Tɔŋ miingua 28:47

Kani te la tósàl Mɛlɛka Hala niaa vallo a kɔlkɛndɔɔ a ɲaaloo telen niaa nɔ ɲɔɔn o ba taw-vo le,

Tɔŋ miingua 8:3

A toɲa, mó tuisi niaa siɛmbulan a yiaan coo. Kɛ o kon kɔɔli, mó yɔngu niaa manne le dioo, niáà sina paandu ɲɛdiaa kon te, fuɲaa niaa mamaa bɛɛ a sina ndu le. O tosa kon kpow le niaa cɔmndo maa o co ko ɲɛdiaa daama le tosa mì vanacieo va yoomu le, kɛ sɔɔn fula Mɛlɛka o sondo-on kpow n tosa ni mì vanacieo va yoomu.

Esai 26:11

Òó Mɛlɛka, ba nɔmndo co o heelaa, kɛ nda a co ndu cɔ le. Kɛ a canin dialun fulaan nɔmndon le vanaa nɔmnda, o kon siɛmbulan la toalnin nda. Yinnde n kɛsi le yaamɔaa nɔmnda lomɔɔlen le loamnin nda ma cuulu mungén.

Nsaki 5:13

Vɛ̀ɛ̀ o niaa tɛɛn, vana pum co pá o sangaa nin? O bɛnda mò piɛi. Vanndo pum co pá a kɔlkɛndɔɔ? O bɛnda mò soli condon.

Matie 9:13

La kɔ nuwviaa kɔlɔ sɔɛi he aa: ‹Vannda ɲííye tuinɔnndo hɛnan ya ni, o co sálàlan solio le.› Kani o co vanaa sandaa le ya hin veelu le, kɛ vanaa lahakia.»

Misee 6:9

«Mɛlɛka co sɔɛi o vanaa co o kobio nin-nda lo. O ciindiaanin vanaa nɔ siòòŋii ndɔɛi-ya. La yaŋ nilan o yondaa a dɛnɛ palaa co hunɔɔ-o o kɔɔ, mì la yaŋ vana tuu le dɛnɛ kon tosaa-o nilan!

Yeremi 23:20

Kɔltuw Mɛlɛka-o cuunin te, háá fɔ mì ɲɛ o kelu le tosaa-o cuu peelɔn. Paale vanin mì la hun bii bila.

Condii lisai 119:71

Sanga ya sanga-o yɔŋnun dɛnɛ kɛndɔɔ le ya, o pɛɛku ya hɛnan nɔmndo.

Dɛnnda kiilaa 14:22

A va kaandennda yoomuan lueiyo, má va nda silaa le lou o laalan ndaa coo aa: «Mɛɛ mì n ce sangalan taw le luɛyɔɔ o Masale Hala len nin.»

Condii lisai 40:3

O soli ya o soon nɔ lamɛɛlu loo nin, mó soli ya o looli pɔ́lɔ́nndo nin. O heelu ya o pow kpovaa coo, mó simi pelun nun yili.

Esai 42:25

Lean Mɛlɛka tuisi kɔl ndɔ tuw bɛndoo Israɛlla coo ni, mó tuisi nda cɔw kàlà-kálàá coo, mí cɔw kon ŋɔaw nda ba-ba fee, kɛ a bii ɲɛ-ɲɛ bila le. Mí kɔltuw ndɔɔ loam nda, kɛ a dow ɲɛ-ɲɛ taasi mà bii ndu o kɔl te.

Vana Kɔlkaloo 12:8

Vana kɔlkaloo diminin aa: ‹Sanga fondoo fúú! Mbɔ̀ dɛnndan kpow sanga fondoo fúú la co ni.›

1Masaa 8:47

tàà lo pɛ o cɛle len nin, mà keeliaa kɔllo, tàà muungu pɛ nɔm o ibuŋ mà ɲɔɔlu nɔm o lɛŋnde nda co len va nin o biyɔɔ nin-nden nin, mà dimi aa: ‹N cua hakio, n tɛɛmbuu tɛɛmbuu bɛndu, n laasian›,

Tɔŋ miingua 8:5

Lelan, la yiyan o sɔɔn mun coo, la bìí bila maa Mɛlɛka Hala niaa co niaa pɛɛkoo mɛɛ fuɲaa pɛɛku hɔ́ɔ́ ndɔɔ nuaa yɛ.

Tɔŋ miingua 26:11

O kon kɔɔli, la dɔwnun ɲaale niaa leviinɔɔ a mial co icali niaa tɛɛn-ndo le ɲɛm kɛndɛn Mɛlɛka Hala niaa kenin niaa a yungula niaalan-ndon.»

SƐBƐ YƆB-O 2:10

Kɛ mí Yɔb mulul ndu aa: «A soaa ko maa diɔm! O co ka dɛnɛ kɛndɔɔ kínɛí le naa n sɔ̀là Hala o ba le. Te n cɛl pɛ dɛnɛ kɛndɔɔ maa ɲɛ-kéa fula Hala o ba-o, vɛ n cɛl niko vɛlɛ dɛnɛ palaa lende le?» O kon nin kpow, Yɔb dimi diomnde tana le.

Vana Kɔlkaloo 8:7

Vana-vana sinà siɔdii lacio le, vana-vana sinà vɛlɛ telen kon yɔŋnunnin-ndo le.

Vana Kɔlkaloo 9:7

Lelan, dɔwnun balo mà dɔwnun ɲaale, mà kol mɔima nɔmndan a kɔlkɛndɔɔ. Kani Hala cii nin dɛnnda nɔmndan cɛlɔɔ.

Vana Kɔlkaloo 10:14

Vana seemɛiyo sanga a sɔɛi le. Vanacieo sina ɲɛ co hunɔɔ tosan-ndo le. Nɛ̀ɛ́ dimul lɛnin ndu ɲɛ koma yɔŋnɔn ndu kɔɔli-o?

Vana Kɔlkaloo 11:9

Nɔm langbanɔ felengoo, dɔwnun ɲaale telen n co vɔ felengi-o. Naŋ kɔl o felengiyɛi nɔmnde nin. Kela o nɛila kɔl nɔmndo yeema lan coo, tosa dɛnnda n co cɔw lan kpow. Kɛ sinà pɛɛngu maa Hala kialunin dɛnnda nɔmndan kpow iyama.

Vana Kɔlkaloo 5:17

O ya dɔw taasi-o co hoo ni, o naŋ mì vanacieo va dioo a kolɔɔ, mò dɔwnun ɲaale a sanga bɛndu o co o paalen bɛngu-o, ó palɛi Mɛlɛka kilu ndu le yoomoo-e bɛngu pɛɛn. Ó ndɔɔ co kon ni.

Cɛɛŋɔnnda Yeremi lan 3:38

Vɛ̀ɛ̀ o co Ó-Hiow-Ɲɔɔn-Kpow-vo o sondo le dɛnɛ vɔɔndo a dɛnɛ kɛndɔɔ fula le?