Vana Kɔlkaloo 6:6 - BII BILA

⁶ Vanndo tosa bɛɛ yoomu vɔsilan vàálan tan tiɔn, te o sɔla dɛnɛ kɛndɛ le, ceen súú yɛɛ co yɛ kon? Vɛ̀ɛ̀ o co nɛɛ pilɛ le ɲɔɔn kpow n kɔanin te?

Vana Kɔlkaloo 6:6 Referans Kwoze

Vana Kɔlkaloo 3:20

Nda kpow co kɔlan o fonda pilɔɔ. O puuloo nin nda fula ni, o puuloo nin nda co vɛlɛ muungu ni.

Hebreea 9:27

Lepilɛ kpé vanndacieea bɛnda le piɔ́mndo sɔlaa ni, o kon kɔɔli Hala kelu yamɛi ndɛi.

SƐBƐ YƆB-O 30:23

I sina maa ciee-piɔ́m n co ya yɔ̀ɔ́ ni, nɛɛ ɲaa yoomaa kpede kɔa bɔɔŋianndo-a pɛɛn.

Yeremi 17:6

Maa bɔ̀ɔ̀ n'yɔ co o lɛŋnde veselɛilen nin-ndo vanaa kan co ni. Lɔ́ɔ́-lɔ́ɔ̀ bɛɛ, dɛnɛ kɛndɛ co le nda le, o lɛŋnde veselɛile lapowlen nin tuŋ nda co ni, lɛŋnde ihɛlte vanaciee co nin te len.

Esai 65:22

A tengul-lɛnin cɛilan mì vana celen koma luɛi lenin te, a tol-lɛnin le vana celen baloo dɔvɔɔ le, kani vanaa niaa viawnin yoomu mɛɛ yɔmii tɔalɛi viaw yoomu yɛ. Nduyɛ vanaa niaa hɛlinnda a dianin baala nda tosa a bala ndalan-ndo tɔnɔ.

Esai 65:20

Cɛlɛkpɛ vilun ndɛnin mò tosa ɲɛ-pɔmbɔ daama mò vi le. Kaasunɔ yuuvɛi ve lɛnin ndon, mò kɛɛ palɛi ndɔɛi kpow cii le. Kani vana-vana nɔ pɛ vɔsilan kɛmɛ mò vi, mɛɛ ndu vi felengi pɔmbɔ-pɔmbɔ. Vana tiiya vɔsilan kɛmɛ le mò vi, mɛɛ vana dangaa ndu yɔŋnun ni.

Vana Kɔlkaloo 12:7

mì diallon muungu o cundoo nin, nɛɛ n fula-a, mì yoomoo muungu Hala yɔngu ndu-o o ba,

Vana Kɔlkaloo 6:3

Mì vana pum velu cuawva kɛmɛ, mò viow yoomu vɔsilan taw-taw, kɛ mɛ̀ɛ́-mɛ̀ɛ́ o palɛi ndɔɛi bandu bɛɛ, te o ve o dɛnɛ kɛndɛ nin te, te sɔla bɛɛ kumbɔɔ kɛndɛ le, tɔnɔ yɛɛ co yɛ o kon nin? I ce maa hɔ́ɔ́ velun o vilɛiyo-o co fisa a vana kon.

Condii lisai 34:12

Poaa nia, la hun mì la yaŋ ya nilan, mì pɛɛku niaa a siòòŋii Mɛlɛka-e nɔu o kɔɔ.

SƐBƐ YƆB-O 7:7

Éé Hala! Loonun maa hoeiye sii yoomu nuu co ni. Loonun vɛlɛ maa hɔlte nilen le ci lɛnin dɛnɛ kɛndɔɔ le.

SƐBƐ YƆB-O 1:21

mó dimi aa: «Fondo ya hin fulaa kala nuu o ipulu ni, fondo koni ya muungunin vɛlɛ lɛŋ ni. Mɛlɛka yɔngu ni, Mɛlɛka poonda vɛlɛ ni, màá biiloo va le ndu Mɛlɛka!»

O Kandɔɔ 5:5

Adam cii yoomu o ceendo coo vɔsilan kɛmɛ leŋɔmahiɔɔlu a beleyaa malan o vu.

Vana Kɔlkaloo 2:14

Vana kɔlkaloo sina nɛɛ o co kɔlan-nda, diɔm sondo vesɛiyo yɛ, o ɲumndan nin o kɔa ni. Kɛ mí bii bila maa nda ŋiɔn kpow, ɲɛ pilɔɔ co nda cumndo ni.

Vana Kɔlkaloo 6:5

Paalen bɛɛ o ci len mò sina len te. Nduyɛ, ndu hiow pɛngio sɔla a vana viow hoo yoomu-o.

Vana Kɔlkaloo 7:2

O co fisa mì vana kɔɛ o cɛi biisio co-o nin, a kɔlan o cɛi ɲɛdiaa kafoo co nin-ndo nin. Kani piɔ́mndo co mɛɛlula vanaciee oo vanaciee ni, vanndacieaa yoomaa kpow a bɛnda ma yiyan a ken.

Vana Kɔlkaloo 9:2

Lende koni o co le vannda kpow ni. Ɲɛ pilɔɔ co vana sandaa a vana yɔŋ vɔɔndo komal ni, vana dendu-o a vana dindu loo, vana soli sálàá-o a vana co sálà soli loo. Hiyan co vana kɛndɔɔ a vana yɔŋ vɔɔndo tɛɛn te, vana cua ciɛ́ɔn o Hala lo-o a vana cue n'ciɛ́ɛ́ loo bɛɛ lende koni.