Vana Kɔlkaloo 6:2 - BII BILA

² Mì Hala ke vanndo bolofaa, ɲɛ-sɔlaa a bɛɛlen taw. Mò sɔla ɲɛm o yeema-on kpow. Kɛ mì Hala tosa, o di ɲɛm mun tɔnɔ le, mì vana celen de mun. Sanga fondoo fúú co vɛlɛ kon ni, o luei vana mɔnɛi-yo.

Vana Kɔlkaloo 6:2 Referans Kwoze

Vana Kɔlkaloo 5:19

Nduyɛ, te ɲɛ bɔɔ hun ve lɛ ndu o ba le, o bɛnda mò yiyan a palɛi o va yoomu-e o kɔɔ, telen Hala va ndu mulullo mó va a kɔlkɛndɔɔ-o pɛɛn.»

Condii lisai 17:14

Mɛlɛka, baŋa ya vanaa vɔɔnda ha o ba a ba nɔm kpaaya, vanaa ceenda ha, à vɔ̀ngɔ̀ ndaa co o ceendo ho coo-a pɛɛn. Pimi nda a sanga n kɛsi le nda-o, mì poaa ndaa bɛɛ pim sanga kon, mà mel poaa ndaa imamaa sanga kon vɔ́yɔ́ɔ́.

Condii lisai 73:7

À co a ningilaa ningili a celullo, a hiw hɔlla helɔɔ a dɛnnda nda co tuunɔnndo o kɔl-tan.

1Masaa 3:13

O kon kɔɔli, i kenin nɔm ɲɛ celen, o n piɛi ya loo: bolofaa bɛndoo a biiloo. O ceen nɔmndo nin kpow, vana-vana venin o masaa tɔ̀a tɛɛn maa nɔm te.

Cɛɛŋɔnnda Yeremi lan 5:2

Kɛ́ naa kɔɛnnun vanaa celennda o ba, cɛila naalan la cuu lakɔ mialla o ba.

Condii lisai 39:6

A yɔngu yoomu nuu buo maa tongii ba ninndo, Ɲɛ fondoo fúú bandii yoomu nuu i co nɔm o hɔl ni. Vanacieo co balɔɔ o pelun ndɔn coo, kɛ hoeiye daama yoomu ndɔɔ co ni.

Osee 7:9

Mialla co kpaaya ndaa ciiyo, kɛ nda pila co o sina nin te. Yuuvɛi bii nda icanya, kɛ a co ndi bila biyɔɔ le.

Daniɛl 5:18

Òó masaa! Mí Hala-Hiow-Ɲɔɔn-Kpow-vo yɔngu Nebukanɛsar fuɲa nɔm masalen, vanabɛnduyɛi, bɔɔbɔɔyɛi a biiloo.

Vana Kɔlkaloo 5:16

Lende o co palɛi ndɔɛi kpow ciiyo o ɲumndan nin ni. Dɛnnda palaalan, sangalan a kɔl tambɛiyo taw co ndu coo ni.

Vana Kɔlkaloo 4:8

ndu co a vana co ndu pilɛ kpé-o o kɔɔ ni. O nɔ po le, o nɔ bɛndu le, o nɔ pɔmbɔ le. Kɛ o pɛngi a baalaa le, o co yeemaa le bolofaa sɔlaa tuŋ. Nduyɛ, o co ɲunanndo aa: Le nɛ̀ɛ̀ ya co yɛ sanganndo ho mì va kɛɛ yeemɛi nii tosa? Sanga fondoo co vɛlɛ kon ni, ceendo vili vɔɔndo pɛɛn.

Vana Kɔlkaloo 4:4

Mí dɔaw vɛlɛ taasi maa o co fondo le vannda co sangaa le, a yeema ma hiow caanda. Sanga fondoo fúú co vɛlɛ kon ni, ɲɛ fondoo kiltan kɔɔli pɛɛn.

2Dɛnnda lemasalan 1:11

Mí Hala dimul Salomɔn aa: «A ɲuna le siŋnɔnndo vana bolofaa bɛndu le, a ɲuna ɲɛ-sɔlaa bɛndu te kon te tɔ́ɔ́ bɛndu le, a ɲuna le yaamɔaa nɔmnda vuo le, a ɲuna le si vilɛiyo sɔlaa le, kɛ ma ɲuna kɔlkaloo a taasio le mɛɛ n tiwba ma tosa masalen vanaa nia coo yɛ, a ya siinguu nɔm masaa coo-a, kani yiyan co nɔm o kɔl kpeekpei-yo co kon ni.

1Dɛnnda lemasalan 29:28

Mí David sɔla yuuvɛi kɛndɛi, mó tosa palɛi taw-taw, o kon mó vu o bolofaa a o biiloo nin. Mí Salomɔn po ndɔ koma sul masaa o fonda ndɔɔ.

1Dɛnnda lemasalan 29:25

Mí Mɛlɛka tosa mí Salomɔn pialnun ladio taw Israɛlla kpow o hɔl, mó ke masale ndɔlen pangeloo hiovɔɔ masaa tosa masalen ndu tase Israɛl-la kpow coo.

Masaa kialaa n'yamaa 18:10

Te la tiiya pɛ, la komalnin vanaa tiindan nda pila-a icali lon. Lɛŋnde len le co lebɔɔ. Hala cii len malɔɔ niaa o ba. O ɲɛm co o lɛŋnden coo-on nin, ɲɛ-ɲɛ bii vana lepɛŋ o fonda kon te.»

Tɔŋ miingua 28:43

Mialaa vanin icali niaa o bɛngu coo-a pialnunnin diolan ma hiow niaa. Niaa pila yɛ, tɔ́ɔ́ niaa lonin kɔlan a dɔɔnanndo háá mo cuu.

Tɔŋ miingua 28:33

Vanaa-mangalaa-isɔaa niaa sina le-a dianin tɔlɔɔla niaalan a valta niaalan tɔnɔ. A vanin niaa delɔɔ coo a niaa mɔnɛi lueiyo tuŋ.

Vana Kɔlkaloo 5:13

te kon te, mò tɛɛmbuu bolofaa ndɔɔ o sɔɛi fondoei pum nin, mì hɔ́ɔ́ o velu-o koma lonnun bala fondo.

Esai 55:2

Le yɛɛ nɛ niaa co yɛ volion pisio le ɲɛdiaa nɔ tɔnɔ loo, mì la va sangaa le ɲɛ pimi vana loo? La yaŋ ya nilan, la yaŋnun, o kon la dianin ɲɛm yeelɛiyon, ɲɔɔ hɛnannin niaa le ɲɛm dian naŋ-ndon dioo.

Vana Kɔlkaloo 5:18

Handɔɔ o kon coo, vana-vana Hala ke pɛ bolofaa a ɲɛ-sɔlaa taw, ndu dɔwnun ɲaale o baala ndɔɔ nin. Ó ndɔɔ co kon ni.