Vana Kɔlkaloo 5:8 - BII BILA

⁸ Le vanndacieea kpow tɔnɔ lelɛŋndo co ni. Masaa bɛɛ, yondoo tɔnɔ ndɔɔ fula ni.

Vana Kɔlkaloo 5:8 Referans Kwoze

Vana Kɔlkaloo 4:1

«Mí dɔaw dɛnnda lakafala co o lɛŋnden coo lan kpow taasi, mí ca vanaa nda co saangiaa-a a mɛmɛan o lahɔl. Vana co le nda ɲɔɔlu le, à co nda tiindaa a kpaayaa, vana bɛɛ ve le nda ɲɔɔlu le.

Condii lisai 12:5

Vanaa kan co dimio aa: «A diɛɛmui nɛi naa n sɔla kpaaya ni, cɔcɔn naan co naa malaa, siòòŋii co naa a vana-vana le.»

Vana Kɔlkaloo 3:16

O ya ce vɛlɛ o ceendo coo-o co hoo ni: nɛɛ dɛnɛ sandaa a dɛnɛ toɲaa ndóò bɛnda le tosanndo-a, lon dɛnnda kɔlvesɛilan la co tosanndo ni.

Condii lisai 82:1

Condei, condii fula o condun Asaf-on nin-nde. «Hala co vanaa balu ndu-a tɛɛn, o co halaa tɛɛn mó va yaman kiolɔɔ aa:

Nsaki 2:13

Kani ɲíí venin o yamɛi kiolɔɔ le vanaa tuinun caanda iɲíí le-a le. Ɲííye hiow yamɛi kialɛi polon.

Dɛnnda kiilaa 12:23

Fɔ́ɔ́fɔ̀, le tùú ndu pila cennun maa Hala-o, mí mɛlɛkanɔ Hala-o lɔaa Herɔde, mí càá del ndu, mó vu.

Luke 1:76

Nɔm poombɔɔ ho, a veelunin nɔm aa vana-tɛɛngaa-diom Hala Hiow-Ɲɔɔn kpow-vo, kani Mɛlɛka nɔnin nɔm hɔlten coo, mà hiow laci, mà toosiaa nɛila ndɔlan

Luke 1:35

Mí mɛlɛkanɔɔ mulul ndu aa: «Hala Kɔl-Diandaa hunnin nɔm coo, mì kpaaya Ó-Hiow-Ɲɔɔn-Kpow-vo kuumbun nɔm coo maa levundu. Lelan, o diandaa n vialunin-ndo sɔlanin veeloo aa Po Hala-o.

Luke 1:32

O vanin vana bɛndoo, a veelunin ndu aa Po Ó-Hiow-Ɲɔɔn-Kpow-vo. Mɛlɛka, o co Hala-o yɔngunin ndu kpɛŋɛ lemasa David fuɲa ndɔ mamaa-o.

Malasi 3:5

I sɔɔnguunin niaa ikɛi le yamɛi kiolɔɔ, i keleŋanin mì kɔ tɛndal vanaa viamaa yavaa a vanaa suundɛiya seilen. I tɛndalnin vanaa mɛɛnian mɛɛniannda fondolan-nda seilen, mì tɛndal vɛlɛ vanaa kɛɛ le sala vanaa baalaa yɔngoo-a seilen. Nda koni kuunan ɲɛm vííya a ɲɛm vanlaandua piandaa ndaa vi-a coo ni. Nda kan koni yii mialla dúmbú le nda palaa ni. A nɔ isiòòn a ya le. Ya Mɛlɛka-Nɔ-Kpaayaa-Kpow-vo dimi lende ni.»

Sakari 8:6

Ya Mɛlɛka-Nɔ-Kpaayaa-Kpow-vo co sɔɛi ni tuŋ. Te vanaa tɔ̀a lonin o vanaa kan tɛɛn-nda ce pɛ maa dɛnɛ kon nɔlanin tosanndo paale len te, bàà mì ya Mɛlɛka ce vɛlɛ maa o nɔlanin tosan te? Ya Mɛlɛka-Nɔ-Kpaayaa-Kpow-vo co sɔɛi ni.

Misee 2:9

La co vanlaandua yungu nuu solio o cɛila ndala nda kaola lan nin, mì la va cuavaa ndaa biilu ya yɔngu nda-o tuŋɔɔ le fɛɛn a fɛɛn.

Amɔs 6:12

Vɛ̀ɛ̀ soa nɔla ma ɲaanun o pow kpovaa coo? Vɛ̀ɛ̀ vana váà a navaa vàá o pow bandíláà coo? Kɛ niaa, la mangala dɛnɛ sakpoo maa bɔtà, mì la mingi kɔmnde dɛnɛ sandaa maa ɲɛ lolo.

Amɔs 5:12

Kani i sina maa yɔŋnda vɔɔnnda niaalan la co labɔɔ, hakila niaalan la kui taw-taw. La co vanaa sandaa mɔnɛi lueiyo, La co luɛyɔɔninndo cɛlɔɔ, mì la va dí vanaa bala fondoa tɛɛmbuuo o fonda kialaa n'yamaa.

Esai 57:15

Kani Ó-Hiow-Ɲɔɔn-Kpow-vo, o calta ndɔlan la co le fɛɛn a fɛɛn-ndo, o diola ndɔlan la co ladiandaa-o soo nuaa ni mó dimi aa: «I co icali o fondala vilɛi-vilɛilan nin coocoo pɔɔli, i connun icali lon o diondɔɔ nin. Kɛ i co vɛlɛ icali naa vana co o mɔnɛi nin-ndo a vana cennun o pɔmbɔ o yiyan-ndɔɔ nin-ndo, haliko mi luei yiyannda vanaa cennun a pɔmbɔ-a yoomuan, mi nɛŋi kɔlta vanaa co o mɔnɛi nin-nda.

Esai 37:36

O kon mí mɛlɛkanɔ Hala-o kɔa o dɔ́ɔ́ngɔ́ɔ̀ Asiriia nin, mó kɔ dii vanpiaandua vaalan kɛmɛ belaŋɔmaa a laŋuɛɛnu. Diimandɔɔ idiiyo, telen nda tendu-o, má ca dɔ́ɔ́ngɔ́ɔ̀ o piaa a vanvílɛ́yaa kan.

Esai 10:12

Kɛ Maalii dimi aa: ‹Lɔ́ɔ́ ya ciinin baala nuu kpow tosa o pembei Siɔn coo a o kobio Yerusalɛm nin-ndo, i soaŋnin masaa Asiri le yiyan ndɔ kuundianndo a le tofa ndɔ yongaa.

Esai 5:7

Nduyɛ, nakɔɔ n'rɛsɛn Mɛlɛka-Nɔ-Kpaayaa-Kpow-vo, ndu co cuavaa Israɛlla ni. Vanpiaandua Yuda, nda co tɔlɔɔ kɛndɛ ndóò kaola taw-vo ni. Mɛlɛka va tiindanndo maa ndáà vanin sakpo, kɛ tofa vɔ, sandii lepɛŋnde i tiw ba-ba fee. O va yiyanndo maa a tosanin dɛnɛ sandaa, kɛ a cua kafalan ma bii o lebol!»

Esai 3:15

Le kɔlɔ yɛɛ niaa co yɛ yungu nuu ciimiaa ho, mì la va vanacieeyɛi vanaa bala fondoa nɛwvo a labɛngu? Maalii, Mɛlɛka-Nɔ-Kpaayaa-Kpow-vo ɲuna nuaa ni.›»

Talelan 8:17

Vanaa kaola ya-a, ya bɛɛ i kaola nda. Vanaa co ya nuwviaa-a co ya saalɔnndo.

Condii lisai 95:3

Kani Mɛlɛka co Hala bɛndoo ni, ndu co Masa bɛndoo halaa kpow coo ni.

Condii lisai 83:18

Màá siɛmbulan la tol nda mà va a siòònde lɔ́ɔ́-lɔ́ɔ̀! Màá a tambu labɛɛ, mà cuu kpede!

Condii lisai 55:9

I va keleŋa poondan mì yáà nuwviaa nɛɛ viannannda. I va hoeyii fùkù-fùkùei a felenfelenndo hiovɔɔ keleŋaa.

1Nsaŋ 3:13

Puapilɛa nia, te ceendo nɔ pɛ nɛyɔn niaa, la dɔawnun kɔndɔfili le.

1Piɛr 4:12

Caaŋaa nia hɛnan ya-a, la dɔawnun kɔndɔfili le sanga tóndó leyin co niaa coo-o maa dɛnɛ bɛnda le tosan too le.

Rɔmnda 11:33

Bolofaa Hala-o co o bɔɔ dɛ! Kɔlkalu ndɔɔ a dɛnɛ sinaa ndɔɔ yingila bɔɔ, vana sínà yiyannda ndɔlan te, vana nɔla tuula ndɔlan bila biyɔɔ le.

Talelan 22:16

Vana hiw pɛ vana bala fondoo yɔɔkpiaa, a siinguu ndu vana bolofaa. Vana ke pɛ vana bolofaa, nɔm pila lo fondo.

Talelan 24:12

Bɔɔle ma dimi aa: «I ve sina le». Kɛ vɛ̀ɛ̀ vana sinà kɔltan-ndo ndu sinà masinaa le? Bàà vana co nɔm mandaa-o sinà le? O mingulnin vana-vana mɛɛ dɛnnda ndɔlan la co yɛ.

Vana Kɔlkaloo 5:9

Vana-vana kaola pɛ volion, n pe ndu lehɔl te. Vana-vana kaola pɛ bolofaa, o tiw ndu le. Sanga fondoo fúú co vɛlɛ kon ni.

Vana Kɔlkaloo 7:7

Masalen tosaa kpoku-kpoku, nɔla mò mingi vana kɔlkaloo maa diɔm sondo vesɛi. Ɲɛm kean n tiwba mì n mangala vana kɔlkaloo kɔllo.

Vana Kɔlkaloo 8:9

Mí ca kon kpow, mí dɔaw ɲɛ co tosanndo o paalen bɛngu-o kpow taasi ɲɛkɛndɛi. Vanacieo co vanacieo dɛnɔɔ kindilaa coo, mó va ndu mɔnɛi lueiyo.

Esekiɛl 18:18

Fuɲa ndɔ luei caanda mɔnɛi-yo, o yɔŋ vuilen mò ciimbuu ɲɛ puapilɛ ndɔɔ-o, o tosa ɲɛ bɛnda loo vanaa ndɔa tɛɛn-ndo, fuɲa ndɔ kon sɔlanin piɔ́mndo le hakila ndɔla ndu pila lan ni.»

2Dɛnnda lemasalan 26:10

Mó tangul vɛlɛ cɛila coocoolan o lɛŋnde veselɛilen nin, mó toaw soonnda mamɛnndan taw, kani ndóò nɔ cɔlua taw o dɛɛlalan nin a o dɛngbɛlan nin. Ndóò nɔ vɛlɛ vanaa vàá a vanaa tɔalaa n'rɛsɛnnda o pembon coo a o tàndá Karmɛl-lo nin, kani ndóò yeema bɔɔ vali yondoo.

SƐBƐ YƆB-O 24:23

O ke nda kɔlkɛsiaa a nda pila o kɔɔ, kɛ, o nɔ hɔlten o nɛila ndalan coo.