Vana Kɔlkaloo 5:6 - BII BILA

⁶ Diɔmun fondon co o lɔma sɔlaama bɛndu-bɛnduan nin. O tobola bɛndu-bɛndoo nin bɛɛ sɔɔn fondon co. Lelan, nɔ́ siòòŋii Mɛlɛka-e.

Vana Kɔlkaloo 5:6 Referans Kwoze

Nsaki 1:26

Te vanndo pum co pɛ cɔnnɔnndo maa vana biilaa Hala-o o co ni, kɛ mò bii diɛɛmule ndɔlen te, mò pala kɔl ndɔɔ, mɛɛ kaannde vana kon le connun fúú.

2Nsaŋ 1:8

La pɔɛɛnun a niaa pila le, yɔŋii baala niaa yɔŋnun fúú, kɛ mì la sɔla vɔ̀ngɔ̀ niaa mɛɛ o bɛnda yɛ.

Nsaki 3:2

Kani naa vanaa bɔɔ-bɔɔ n co boŋilan o nɛilan taw coo. Te vanndo boŋ o sɔɛi sondoei nin te, mɛɛ vana peelun o dɛnndan nin-ndo co kon ni, o nɔla vɛlɛ mò manda dialun ndɔn kpow.

Malasi 2:7

Kani kɔlkalu tɔŋ Hala-o bɛnda mò va vana-solia-lasálàá o sondo ni. Ndu vannda hun ɲunaa a tɔŋndo o kɔɔ ni, kani kiila Mɛlɛka-Nɔ-Kpaayaa-Kpow-vo-o o co ni.

O Kandɔɔ 48:16

mɛlɛkanɔ kanda ya a dɛnnda vɔɔnndan kpow-vo, i piɛi nɔm mà dɔw poambɔa ha duaa. Mì diola nilan, diola Abraham fuɲa ni mama lan, a diola Isaak fuɲa ni lan la lo ceen nda coo. Mà koma kui, mà velu cuawva taw o lɛŋnden nden nin.»

Kundalan 15:25

O kon, vana-solia-lasálàá tosa faleŋii baŋannde le hakio sɔlaa malɔɔ le Israɛlla kpow. O kon, a sɔla hakio malɔɔ le biondɔn kon, kani o sina lepɛŋndo nin nda bendun biondɔn kon ni. Lelan nda hin a sálà ŋɔa o yin-ndo, o ya tuɛi cun mì ɲɔɔ hɛnan ya-o a á cɔlu sálà co le hakio sɔlaa malɔɔ-o ya o hɔl le biondɔn nda bendun kon o sina lepɛŋndo nin-ndo ni.

Hebreea 1:14

Mɛlɛkaa nda co macoaa maa kiilaa Hala-a, nda Hala viam le kɔlan vanaa sɔlanin cindaa-a sɔɔn dimullo ni.

1Timote 5:21

I co nɔm ɲuna Hala o hɔl, Yeesu Krista a mɛlɛkaa sɔla hɛlio-a kpow o hɔl, mà bii silalan ndan, hiyan vana-vana le, tosa ɲɛ-ɲɛ a lakafa le.

1Korɛntea 11:10

Lelan, vanalanɔɔ yiyan le mɛlɛkaa mò nɔ tɔɔmaseloo o lebol, kon cɔm ni maa o co o kpaayaa pum bɛngu.

Malasi 3:1

«Má cè ya kiila nuu vomɔɔ! Ndu co ya pemalen bulio laci ni. Maalii niaa co nuwviaa-o co cɔnɔn o lepilɔɔ, mò kɔ luɛi o cɛi ndɔ biilaa nin, kiila niaa co cumndo-o co hunɔɔ kpema nuu yii a niaa. La nua vɔ ndu hunɔɔ! Mɛlɛka-Nɔ-Kpaayaa-Kpow-vo co sɔɛi nuaa ni.

Tɔŋ lasálàá 4:2

«Soo o Israɛlla lo ma dimul nda aa: ‹Te vanndo tosa pɛ hakio o sina lepɛŋndo nin, mò tɛɛmbuu tɔŋnda Mɛlɛka lan o pilɛ a dɛnɛ ndu Mɛlɛka kuuna-o pum tosaa, nuaa vana kon bɛnda le tosaa ni:

Tɔŋ lasálàá 4:22

‹Te simlacinɔɔ pum tosa hakio o sina lepɛŋndo nin ni, mò tɛɛmbuu tɔŋndo pum o dɛnɛ Mɛlɛka Hala ndɔɔ kuuna-o pum tosaa nin, mɛɛ o siŋnun vana tɛɛmbua tɔŋndo.

Talelan 23:17

Páŋalà vanaa lahakia le, kɛ nɔ siòòŋii Mɛlɛka-e lɔ́ɔ́-lɔ́ɔ̀.

Vana Kɔlkaloo 3:14

I sinà maa ɲɛ-ɲɛ Hala tosa pɛ, o viow le fɛɛn a fɛɛn. Vana nɔlà ɲɛ handɔɔ lecoo le, vana nɔlà vɛlɛ ɲɛ faŋa lecoo le. O tosa kon, haliko mi vannda yɔŋ siòònde a ndu.

Vana Kɔlkaloo 10:12

Vana kɔlkaloo soo pɛ, sɔɔn mun hɛnan vannda. Kɛ diɔm sondo vesɛiyo ndu kumbi dɔ́ɔ́ pɛ sondoo, vannda yaa ndu.