Vana Kɔlkaloo 5:18 - BII BILA

¹⁸ Handɔɔ o kon coo, vana-vana Hala ke pɛ bolofaa a ɲɛ-sɔlaa taw, ndu dɔwnun ɲaale o baala ndɔɔ nin. Ó ndɔɔ co kon ni.

Vana Kɔlkaloo 5:18 Referans Kwoze

Vana Kɔlkaloo 2:24

Ɲɛ co dɛnɛ kɛndɔɔ o ceen vanacieo nin daama-o co dioo, kolɔɔ a ɲaaloo dɔwnɔnndo o baala ndɔɔ nin ni. Kɛ kon vɛlɛ bɛɛ, mí ca maa Mɛlɛka o ba o fula ni.

Vana Kɔlkaloo 3:22

Mí ca maa dɛnɛ kɛndɛ celen co le vanacieo le, fɔ ɲaaloo dɔwnɔnndo o baalala ndɔlan nin. Ó co le ndu-o co kon ni. Kani nɛ̀ɛ́-nɛ̀ mingi yɛnin ndu yoomu mò hun cɔ ɲɛ tosannin ndu kɔɔli-o?»

1Timote 6:17

Dimul vanaa nɔ bolofaa sunsun-nda maa nda pila a cannun ɲɛ le, dimul nda maa a kɛsì kɔllo o bolofaa fondoo ho coo le, kɛ a tiindàn Hala, o yɔngù naa ɲɔɔn kpow mì n va taw-vo, haliko mi n de mun tɔnɔ.

Vana Kɔlkaloo 9:7

Lelan, dɔwnun balo mà dɔwnun ɲaale, mà kol mɔima nɔmndan a kɔlkɛndɔɔ. Kani Hala cii nin dɛnnda nɔmndan cɛlɔɔ.

Vana Kɔlkaloo 8:15

Ya ya, i co icondu le ɲaale co ya o kɔl-lo. Kani dɛnɛ kɛndɛ co le vannda o paalen bɛngu-o co hoo ni: dioo, kolɔɔ a ɲaaloo dɔwnɔnndo. O kon à de ceendo tɔnɔ. Hoo nda bɛnda le tosaa ni, telen nda co vallo o palɛi Hala ke nda le yoomoo o ceendo coo-e bɛngu-o pɛɛn.

Vana Kɔlkaloo 2:10

Ɲɛ-ɲɛ hɔlta nilan láà yeema, i tuŋ ndan ɲɛm mun te. Dɛnɛ ɲaale co le, o ya kɛɛ tosa-o. Mí dɔawnun ɲaale o baalala nilan nin kpow. Tɔnɔ ya sɔla o baala kon nin-ndo yɔŋnun kon ni.

Vana Kɔlkaloo 11:9

Nɔm langbanɔ felengoo, dɔwnun ɲaale telen n co vɔ felengi-o. Naŋ kɔl o felengiyɛi nɔmnde nin. Kela o nɛila kɔl nɔmndo yeema lan coo, tosa dɛnnda n co cɔw lan kpow. Kɛ sinà pɛɛngu maa Hala kialunin dɛnnda nɔmndan kpow iyama.

Yeremi 52:34

Nuaa masaa Babilɔn lo Yoakɛn ɲɛm ndóò nɔ makoo-on yɔngoo lepalaa-lepala ni háá mó vu.

1Korɛntea 16:16

haliko mi la tuei vanaa vaa lende a vana-vana nda co vallo tosaa nda ndaa diom.

Tɔŋ miingua 12:7

O fonda kon niaa vanin ɲɛdiaa dioo Mɛlɛka Hala niaa o hɔl ni, lon niaa vanin a kɔlkɛndɛ bɛndoo niaa yungula niaalan le valta niaala Mɛlɛka Hala niaa vanin duaa dɔvɔɔ lan ni.

Tɔŋ miingua 12:18

Mɛlɛka Hala niaa o hɔl, o fonda ndu pila hɛlinin-ndo niaa bɛnda le ɲɛla lan dioo ni. Niaa pila, poaa niaa, cuavaa niaa laandua, buɛyaa niaa piaandua, buɛyaa niaa laandua a leviaa vanin o kobila niaalan nin-nda bɛnda le ɲɛla lan dioo ni. O kon, la dɔwnun ɲaale Mɛlɛka Hala niaa o hɔl le kɔmnde niaa vanin sɔlaa o valta niaalan nin-nden.

Tɔŋ miingua 26:11

O kon kɔɔli, la dɔwnun ɲaale niaa leviinɔɔ a mial co icali niaa tɛɛn-ndo le ɲɛm kɛndɛn Mɛlɛka Hala niaa kenin niaa a yungula niaalan-ndon.»

Condii lisai 42:8

Peela pɔmbɔlan la co ŋolɔɔ, tindian ma co veelanndo iyongban-yongbannde, kon kpow co ya tolɔɔ coo ni.

Vana Kɔlkaloo 2:3

Mí kialun o kɔl le sondoo lueiyo o mɔiyan nin, haliko mi yáà vel vanaa laasiannda, kɛ mì yáà va kelaa a kɔlkaloo. Yáà yeema mì yáà sina ɲɛ vanndacieea ndáà bɛnda le tosaa o ceendo coo, o palɛi nda co yoomu-e kpow nin-ndo.

Vana Kɔlkaloo 6:2

Mì Hala ke vanndo bolofaa, ɲɛ-sɔlaa a bɛɛlen taw. Mò sɔla ɲɛm o yeema-on kpow. Kɛ mì Hala tosa, o di ɲɛm mun tɔnɔ le, mì vana celen de mun. Sanga fondoo fúú co vɛlɛ kon ni, o luei vana mɔnɛi-yo.