Vana Kɔlkaloo 5:17 - BII BILA

¹⁷ O ya dɔw taasi-o co hoo ni, o naŋ mì vanacieo va dioo a kolɔɔ, mò dɔwnun ɲaale a sanga bɛndu o co o paalen bɛngu-o, ó palɛi Mɛlɛka kilu ndu le yoomoo-e bɛngu pɛɛn. Ó ndɔɔ co kon ni.

Vana Kɔlkaloo 5:17 Referans Kwoze

Condii lisai 127:2

Lende koni, niaa bɛɛ, la co cɔnɔnndo idii púŋ, mì la va kɛɔ yalaa lɔan fondo fúú, sangaa fúú niaa co le balo niaa sɔlaa ni. Kani vanaa Mɛlɛka kaola-a a vannun bɛɛ o lɔma nda, ndu Mɛlɛka kenin nda baloo. Cuawva co kɛ Mɛlɛka-o ni.

Dɛnnda kiilaa 12:23

Fɔ́ɔ́fɔ̀, le tùú ndu pila cennun maa Hala-o, mí mɛlɛkanɔ Hala-o lɔaa Herɔde, mí càá del ndu, mó vu.

Condii lisai 102:9

Yaamɔaa nia co ya yeowlan lɔ́ɔ́-lɔ́ɔ̀, a co ya mamɔɔ, a co mɛɛnianndan o diola nilan.

Condii lisai 78:33

O kon, mí Hala cii nda o lepilɔɔ, má siow vɔsila ndalan o kɔl yulan-yulanndo nin.

SƐBƐ YƆB-O 21:25

Vannda pum yɛ, mà lo o mɔnɛi nin haa mà vi. Hali ɲɛ-pɔmbɔ a dombi dɛnɛ kɛndɔɔ le.

2Masaa 5:27

Nàà siaŋa va Naaman-ndo co nɔm biyɔɔ a polale nɔmnden kpede, mò va niaa coo le fɛɛn a fɛɛn.» O kon, mí Kehasi faŋan Elise ikɛi, mí nàà siaŋaa fula ndu, mí kɔɔlen kpow le siŋnun ndu lehumbu fo-fo maa fengbɔ.

2Masaa 1:6

Má mulul ndu aa: «Langbanɔɔ pum naa n bɔŋan ni, mó dimul naa aa: ‹La kɔ, la muungu o masaa vem niaa-o lo, mì la kɔ dimul ndu aa: Diom Mɛlɛka dimi-o co hoo ni aa: Mò va maa Hala co o lɛŋnde Israɛl-ten nin te, le kɔlan Baal-Sebub, hala kobio Ekrɔn ɲunaa? Lelan kpele n hini hoo coo-o, a tul-lɛnin lecoo le few, vuo n co ni kangalan!›»

2Masaa 1:2

Paale pum, mí masaa Ahasia hialun o dio-pɔmbɔɔ nɛɛ o va coocoo o cɛi ndɔ lemasaa nin Samari-a, mó del lɛŋ, mó yɔŋulun taw. O kon, mó viam vannda le kɔlan yavaa vomɔɔ o Baal-Sebub lo, hala va o kobio Ekrɔn nin-ndo, le ndu ɲunaa te ndóò siangunin a yɔŋulɔn kon.

1Masaa 17:12

Kɛ mí cua kalaa mɛnalan ndu po aa: «Le Mɛlɛka Hala nɔm co hoo yoomu-o, i nɔ bulu loamaa nanu le. Kpeyanndo baa ca daama ya nɔ nihau o bonyei nin ni a cuɛiyan ɲɛ-pɔmbɔ o kúŋndo nin. Yɔmnde ya hin tingɔɔ nuaa ni, mì kɔ toŋ ɲɛ tɔ̀ kon, mì n de naa po nuu, mì n cal piɔ́mndo cum.»

O Kandɔɔ 3:17

Mí Mɛlɛka dimul niko vanapɔnɔɔ aa: «Le tùú n cɛl sɔɛi laa nɔm-nde, má dia kɔmnde yɔm ya kuuna nɔm le dioo-o len-ndo, i dɔw lɛŋnden danga le yɔŋ vɔɔn nɔm kon. Háá mì yoomu nɔmndo cuu o ceendo coo, fɔ mà sanga sangaa pila malan n sɔla ɲɛdiaa nɔmndo lɛŋ.

Condii lisai 39:6

A yɔngu yoomu nuu buo maa tongii ba ninndo, Ɲɛ fondoo fúú bandii yoomu nuu i co nɔm o hɔl ni. Vanacieo co balɔɔ o pelun ndɔn coo, kɛ hoeiye daama yoomu ndɔɔ co ni.

Vana Kɔlkaloo 2:23

Buulanndan a yiyannda vɔɔnndan la co ndu palaa lɔ́ɔ́-lɔ́ɔ̀, o co pɛngi sɔla o kɔl ndɔɔ nin te. Hali icɔl, o pɛngi le. Kon vɛlɛ bɛɛ, sanga fondo fúú.

Vana Kɔlkaloo 2:10

Ɲɛ-ɲɛ hɔlta nilan láà yeema, i tuŋ ndan ɲɛm mun te. Dɛnɛ ɲaale co le, o ya kɛɛ tosa-o. Mí dɔawnun ɲaale o baalala nilan nin kpow. Tɔnɔ ya sɔla o baala kon nin-ndo yɔŋnun kon ni.

Vana Kɔlkaloo 2:24

Ɲɛ co dɛnɛ kɛndɔɔ o ceen vanacieo nin daama-o co dioo, kolɔɔ a ɲaaloo dɔwnɔnndo o baala ndɔɔ nin ni. Kɛ kon vɛlɛ bɛɛ, mí ca maa Mɛlɛka o ba o fula ni.

Vana Kɔlkaloo 7:14

Telen dɛnɛ kɛndɔɔ, náŋ kɔl! Telen dɛnɛ palaa, kééla kɔllo. Kani Hala soli dɛnɛ kɛndɔɔ a dɛnɛ palaa ni. Lelan, vanacieo tiwba mo sina siɔdii ndɔɔ le.