Vana Kɔlkaloo 5:16 - BII BILA

¹⁶ Lende o co palɛi ndɔɛi kpow ciiyo o ɲumndan nin ni. Dɛnnda palaalan, sangalan a kɔl tambɛiyo taw co ndu coo ni.

Vana Kɔlkaloo 5:16 Referans Kwoze

Vana Kɔlkaloo 1:3

Ɔ́ɔ̀ tɔnɔ vanndacieea nɔ o sanga bɛndu nda co hoo o paalen bɛngu nanu-o nin-ndo?

Talelan 11:29

Vana luei pɛ dɛnɛ laasiɛiyo o ndu lo cɛinin, ndu loo hoeiye kɛ́ɔ. Vana pe lebol too siŋnunnin cɛ vana kɔlkaloo.

Nsaŋ 6:27

La fafala le ɲɛdiaa nɔla mò tambu-o le, kɛ la fafala le ɲɛdiaa tembu loo, o tosa mi vana va yoomu le fɛɛn a fɛɛn-ndo, o Po vanacieo kenin niaa-o, kani ndu Hala Fuɲaa sui pondale ndɔlen ni.»

Marke 8:36

Vanacieo sɔla bɛɛ ceendo kpede, kɛ te yoomu ndɔɔ hɛlun ndu pɛ, ɔ́ɔ̀ tɔnɔ o sɔla-o?

Osee 8:7

Le tùú niaa co hoeiye saŋɔɔ-o, la koawnin felenfelenndo. ‹Malun cuulu yasa lon soli kpeyan te.› Te n soli yɛ pɛ kpeyanndo, mɛɛ mialla dianin kpeyan kon ni.

Yeremi 2:8

Vanaa-solia-lasálàá ɲuna le aa: ‹Kuɛɛ nɛ Mɛlɛka co yɛ?› Vanaa nɔ tɔŋndo o ba-a sina ya le, simlacia luɛi nila kalulan tosaa a ya, mí vanaa-tɛɛngaa-diom Hala-a muungu sɔɛi o diola piɔmndo Baal-tan, mí nda kpow a del ɲɛm fondon kɔɔli.

Esai 26:18

N cua folio, mí pulei biŋin naa le violɔɔ, kɛ mí n vialu hoeiye. N yɔngu lɛŋnden cinda le, n cuu vanndacieea sɛnɛi o ceendo coo le.

Vana Kɔlkaloo 5:13

te kon te, mò tɛɛmbuu bolofaa ndɔɔ o sɔɛi fondoei pum nin, mì hɔ́ɔ́ o velu-o koma lonnun bala fondo.

1Samiɛl 12:21

Te la mulul pɛ ndu kɔɔ, la co ɲɛ fondoo biilu, ɲɛ nɔla vana mala loo, ɲɛ nɔla vana baŋa loo, kani ɲɛ fondoo piɔmnda co ni.

1Korɛntea 16:16

haliko mi la tuei vanaa vaa lende a vana-vana nda co vallo tosaa nda ndaa diom.

Vana Kɔlkaloo 2:11

O kon, mí mɛɛndian baalala ya tosa lan kpow, a mɛɛ ya sanga o lan tosaa yɛ. Kon kpow, sanga fondoo fúú. Ɲɛ fondoo kiltan kɔɔli co kon ni. Tɔnɔ oo tɔnɔ co o paalen bɛngu le.

Vana Kɔlkaloo 3:9

Tɔnɔ yɛɛ vana baalaa co yɛ niko sɔlaa o sanga bɛndu o co-o nin?