Vana Kɔlkaloo 5:1 - BII BILA

¹ «Kélèŋà sondoo kumbi le sɔɛi le. Sɔla yiyan kɛ́-kɛ̀ o kɔl ma yala dimi Hala o hɔl te. Kani Hala co o halataala, nɔm a co o lɛŋnden coo nanu. Lelan, soo tùúlen.

Vana Kɔlkaloo 5:1 Referans Kwoze

Nsaki 1:19

Puapilɛa nia hɛnan ya-a, la sinà pɛɛngu maa vanaciee oo vanaciee bɛnda mò keleŋa tueyɔɔ, kɛ o keleŋa isɔɔ le, o yala kɔl tuulu le.

Talelan 15:8

Sálàla vanaa kɔlvesɛiya la nɛinún bɔɔ Mɛlɛka, kɛ ò cɛ̀l piɛile vanaa sandaa.

Talelan 21:27

Ɲɛ vɔɔn bɛndoo pila sálà vanaa kɔlvesɛiya co ni, kɛ taama-taama, a soli ndu pɛ a yiyan nɔɔlɛiyo.

Condii lisai 89:7

Nduyɛ, nɛ̀ɛ́ co yɛ o halataalaa maa Mɛlɛka? Ɔ́ɔ̀ vana siiman a ndu o vanndacieea tɛɛn-ndo?

Yosue 5:15

Mí simlacinɔ vanaa cɔvaa Mɛlɛka-a mulul Yosue aa: «Solin samtalan o n'pelu, kani fonda n sim hoo coo-o, fonda diandaa o co ni.» Mí Yosue tosa lende.

Fulaa 3:5

Mó dimul ndu aa: «Tiiya nanu le, soli samtala co nɔm o n'pelu lan. Kani fonda n sim hoo coo-o, fonda diandaa o co ni.»

Hebreea 10:26

Kani te n va pɛ hiovɔɔ laci a nila kalulan tosaa o hakilan nin, nduyɛ n sina nin toɲaa, mɛɛ sálà faŋa hakila vaa lende-o co le,

1Korɛntea 11:22

Vɛ̀ɛ̀ vana-vana nɔ cɛi ndɔ le dioo a kolɔɔ lon te? Te kon te vɛ̀ɛ̀ vanaa laalan Hala-a niaa yeema bɛ̀ɛ̀lan tɛɛmbuuo mì la tuisi vanaa nɔ ɲɛ-ɲɛ le-a siɛmbulan ni? Yɛɛ ya dimul-lɛ niaa vɛlɛ? Vɛ̀ɛ̀ i candu niaa lelan? Kɛì-kɛì bɛɛ! I cendù niaa le.

Esai 66:3

Vana kelu pɛ nawvo bololan le ndu sálàá solio, mɛɛ o dii vɛlɛ vanacieo. Vana soli pɛ saa téndóó sálà, mɛɛ o yem vɛlɛ tunndo kɛsɛi. Vana heelu pɛ sálà ɲɛm vàá le ndu cɔmndo, mɛɛ o fasaŋiaa kooma pewvan. Vana lom pɛ ɲɛ loonan lasikɔlɔ ansan, mɛɛ o tosa dɛnɛ nɔɔlɛiyo le piɔmndo sooloo. Vanaa kan kpede a co kɔllo naŋɔɔ o kela ndaa nin, ɲɔɔ co nda hɛnanndo o dɛnnda nɔɔlɛila lan nin.

Dɛnnda kiilaa 17:11

Mí Yuifia va Beeree-a bii nda ɲɛkɛndɛi hiovɔɔ biyɔɔ haa Tesalonike a bii nda-o coo. Má cɛl sɔɛi Hala-e a kɔlta ndalan kpede. Lepalaa-lepala, a va Sɛbɛ Hala-o yaasiaa le sinaa te toɲaa sɔɔn Pol va dimi-on co ni.

Dɛnnda kiilaa 10:33

Fɔ́ɔ́fɔ̀, mí viam vannda nɔm kɔɔli. Nduyɛ, a bɛɛndiaa hunɔɔ. Má cè niko naa kpow Hala o hɔl, haliko mi n tuei a ɲɛ-ɲɛ Mɛlɛka vem nɔm dimi o kɔɔ!»

Tɔŋ lasálàá 10:3

Mí Moise dimul Aarɔn aa: «Le hee Mɛlɛka ndóò dimi ni aa mɛɛ mì vanaa co ndu sɔɔnguuo ikɛi-ya sina diondɔɔ ndɔɔ, nduyɛ mà biilu ndu vannda kpow o hɔl.» Mí Aarɔn mei kpili.

2Dɛnnda lemasalan 26:16

Kɛ mɛɛ Osias sɔla kon kpaayaa lende, mí yongaa luɛi ndu o kɔl, mó mulul Mɛlɛka Hala ndɔɔ kɔɔ. Paale pilɛ, mó luɛi o Cɛi-Mɛlɛka-o nin le sálàla cuɛima cun kɛndɛlan lomɔɔ o fonda-loamaa-lasálàá coo.

Fulaa 30:18

«Cɔw fɛngɛ bɛndu mamɛnndo a daɲan le dindinndo, ma toosiaa fonda fɛngɛ bɛndu kon bɛnda le tumndo kɛsio coo-o a daɲan. Ma kɛsi ndu o cɛi-kola-toandaa-labɔɔŋianndo a fonda-loamaa-lasálàá tɛɛn, ma pei ndu ca a mɛnndan.

SƐBƐ YƆB-O 11:2

«Vɛ̀ɛ̀ sɔɔn sondo yeelɛin vaa nuaa n bumba pa mulio sɔla? Vana caa isɔɔ sɔla pá dio le tombola ndɔɔ?

SƐBƐ YƆB-O 22:12

Vɛ̀ɛ̀ o co o halataala coocoo pɔ́-pɔ́ le Hala co le? Tofa vɔ nɛɛ loeon co-a, mɛɛ fonda kon co coocoo pɔ́ yɛ.

Talelan 10:19

Vana hiw pɛ sɔɛi a pilan caanda tana. Kɛ vana caa diɛɛmule ndɔlen biyɔɔ-o, vana taasio co kon ni.