Vana Kɔlkaloo 4:9 - BII BILA

⁹ Vanaa ŋiɔn vaa nɛɛ pilɛ co fisa a vaa vana pilɛ. Kani a yiinan pɛ nda ŋiɔn, a de baala ndaa tɔnɔ.

Vana Kɔlkaloo 4:9 Referans Kwoze

Talelan 27:17

Maa mɛɛ cilinnde cɛɛŋa cilinnde yɛ, lende vanndacieea siinguu vanacieo o sɔvɛ ni.

O Kandɔɔ 2:18

Mí Mɛlɛka Hala dimi aa: «O niŋ mì vanapɔnɔɔ va ndu pilɛ le. I co ndu vana malaa toosial mò va maa ndu pila.»

Marke 6:7

O kon kɔɔli, mó veelu kaandeŋaa tɔ́ a à ŋiɔnda, mó va nda vomɔɔ a ŋiɔn-ŋiɔn. Mó ke nda kpaayaa ɲinaa vɔɔnda coo,

Kundalan 11:14

I nɔla le kpekula vannda ha dindio ya pilɛ le. Sɔɛi he lusul bɔɔ le ya!

Nsaŋ 4:36

Vana koavaa co nin bɛɛ salaa sɔlaa, mo va kullon cuungiaa le cinda fɛɛn-fɛɛndo, haliko mi vana saŋaa nda vana koavaa dɔwnun ɲaale latulu.

Dɛnnda kiilaa 13:2

Paale pilɛ, a va Mɛlɛka biiloo ma va o sumndo nin, mí Hala Kɔl-Diandaa dimul nda aa: «La kɛsul-la Barnabas nda Sol landɔ le baalaa tosaa, o ya hɛli nda-o. »

Ruti 2:12

Màá Mɛlɛka mingul nɔm dɛnɛ kɛndɔɔ le dɛnɛ kɛndɛ nɔmndo! Màá Mɛlɛka Hala Israɛlla, o n hin vionnɔnndo o kumbanndo bɛngu-o cɔ nɔm ɲia, mò mingul nɔm dɛnɛ kɛndɔɔ!»

Aasee 1:14

Mí Mɛlɛka hiiluu Sorobabɛl po Sealtiɛl-lo, o va kon masa ibungaa Yuda-o a Yosue po Yehosadak va bolle vanaa-solia-lasálàá kɔltan nin, mó hiiluu vɛlɛ vanaa tɔ̀a hin fula o biyɔɔ nin-nda kpow kɔltan nin le baala kon kandɔɔ. Má kandu baalaa le Cɛi-Mɛlɛka-Nɔ-Kpaayaa-Kpow-vo, o co Hala ndaa-o mingio tangullo.

2Nsaŋ 1:8

La pɔɛɛnun a niaa pila le, yɔŋii baala niaa yɔŋnun fúú, kɛ mì la sɔla vɔ̀ngɔ̀ niaa mɛɛ o bɛnda yɛ.

Vana Kɔlkaloo 4:8

ndu co a vana co ndu pilɛ kpé-o o kɔɔ ni. O nɔ po le, o nɔ bɛndu le, o nɔ pɔmbɔ le. Kɛ o pɛngi a baalaa le, o co yeemaa le bolofaa sɔlaa tuŋ. Nduyɛ, o co ɲunanndo aa: Le nɛ̀ɛ̀ ya co yɛ sanganndo ho mì va kɛɛ yeemɛi nii tosa? Sanga fondoo co vɛlɛ kon ni, ceendo vili vɔɔndo pɛɛn.

Vana Kɔlkaloo 4:10

Te vana pilɛ o nda tɛɛn del pɛ, vanndo pilɔɔ cua vana del-lo. Kɛ dɛnɛ palaa co le vana co ndu pilɛ-o. Kani te o del pɛ, o nɔnin vana malaa le cɔnɔnndo le.

1Dɛnnda lemasalan 19:12

Mí Yoab dimul puapilɛ ndɔɔ aa: «Te Aramiia va pɛ le ya nɔla, a hun mala ya, te nɔm Amɔnnda va yɛ le nɔlaa ni, i kɔ mala nɔm.