Vana Kɔlkaloo 4:8 - BII BILA

⁸ ndu co a vana co ndu pilɛ kpé-o o kɔɔ ni. O nɔ po le, o nɔ bɛndu le, o nɔ pɔmbɔ le. Kɛ o pɛngi a baalaa le, o co yeemaa le bolofaa sɔlaa tuŋ. Nduyɛ, o co ɲunanndo aa: Le nɛ̀ɛ̀ ya co yɛ sanganndo ho mì va kɛɛ yeemɛi nii tosa? Sanga fondoo co vɛlɛ kon ni, ceendo vili vɔɔndo pɛɛn.

Vana Kɔlkaloo 4:8 Referans Kwoze

1Nsaŋ 2:16

kani ɲɛ-ɲɛ co o ceendo nin, yeemɛi n'faluei, hɔlte ɲɛm kɛndɛlen a yonga ceendo, o fula Pua o ba le, kɛ o ceendo nin.

Talelan 27:20

Ciee-piɔ́m a soon bɛndoo pe a vanndacieea le, lende koni, hɔltan la sanga a cɔu le.

Luke 12:20

Kɛ mí Hala mulul ndu aa: ‹Diɔmndo ho, cɔɛllɛn kpeekpei ya co yoomu nɔmndo hiɔlɔɔ ni, ɲɛm n bɛɛndiaa mun-ndon, nɛ̀ɛ́-nɛ̀ n co yɛ mun mel?›»

Vana Kɔlkaloo 1:8

Vana nɔla bɛɛ sondo cua le cɔmndo mɛɛ saangaa fula o kon kpow nin yɛ le. Hɔlten le sángà a cɔu lɔ́ɔ́-lɔ́ɔ̀ le, nilan bɛɛ la sángà a tueyɔɔ le.

Matie 11:28

Niaa volɔɔlan la co o lebol mì la va o sangaa nin-nda kpow, la hun o ya lo, mì ke niaa pɛngio.

Vana Kɔlkaloo 1:13

mí kindin le ɲɛ co tosanndo o ceendo coo-o bilaa biyɔɔ a le ndu sinaa a kɔlkalu nuu kpow. Kon vɛlɛ bɛɛ, volɔɔla lusulaalan o co ni, o Hala siilu vanndacieea-o.

Esai 5:8

«Dɛnɛ palaa co le vanaa co cɛilan kpɔɔndiaa-a, le vanaa co ciɛɔn handɔɔ o ciɛɔn coo háá ma cii fondaa hiɔlɔɔ kpow, le calle nda pilɛ o lɛŋnden nden nin-nda!

Vana Kɔlkaloo 5:10

Bolofaa kui pɛ, vanaa diaa ndu-a bɛɛ kui. Tɔnɔ yɛɛ vana ɲɔɔ nɔ yɛ niko o kon, te o co le ndu tofaa a lahɔl daama le?

Condii lisai 39:6

A yɔngu yoomu nuu buo maa tongii ba ninndo, Ɲɛ fondoo fúú bandii yoomu nuu i co nɔm o hɔl ni. Vanacieo co balɔɔ o pelun ndɔn coo, kɛ hoeiye daama yoomu ndɔɔ co ni.

O Kandɔɔ 2:18

Mí Mɛlɛka Hala dimi aa: «O niŋ mì vanapɔnɔɔ va ndu pilɛ le. I co ndu vana malaa toosial mò va maa ndu pila.»

Esai 55:2

Le yɛɛ nɛ niaa co yɛ volion pisio le ɲɛdiaa nɔ tɔnɔ loo, mì la va sangaa le ɲɛ pimi vana loo? La yaŋ ya nilan, la yaŋnun, o kon la dianin ɲɛm yeelɛiyon, ɲɔɔ hɛnannin niaa le ɲɛm dian naŋ-ndon dioo.

Vana Kɔlkaloo 2:23

Buulanndan a yiyannda vɔɔnndan la co ndu palaa lɔ́ɔ́-lɔ́ɔ̀, o co pɛngi sɔla o kɔl ndɔɔ nin te. Hali icɔl, o pɛngi le. Kon vɛlɛ bɛɛ, sanga fondo fúú.

Vana Kɔlkaloo 2:21

Kani mì vanndo cii baalaa tosa a kɔlkaloo, mò tosa ndu a dɛnɛ sinaa a á yiyan ndɔɔ kpow, kɛ mò mel vana celen ɲɛm ndɔn kpow, vana sanga bɛɛ le mun too. Sanga fondoo fúú co vɛlɛ kon ni. Co dɛnɛ sandaa le co kon te few.

Vana Kɔlkaloo 4:7

I saalun vɛlɛ dɛnɛ i diɔmndo pum o paalen bɛngu:

Condii lisai 39:7

Vanacieo co kelanndo maa levundu. O co kpekulan taw tosaa, kɛ hoeiye fúú o co ni. O co bolofaa cuungiaa, kɛ o sinà vana nɔnin ndu le.

Vana Kɔlkaloo 5:9

Vana-vana kaola pɛ volion, n pe ndu lehɔl te. Vana-vana kaola pɛ bolofaa, o tiw ndu le. Sanga fondoo fúú co vɛlɛ kon ni.