Vana Kɔlkaloo 4:14 - BII BILA

¹⁴ Toɲaa co kon ni. Hali o va bɛɛ maa fulaa langbanɔ kon fula o kaasoo ni mó siŋnun masaa, te kon te aa violɔnndo o velun o bala fondolan nin ni, mó va kelaa piɛilen o masale ndɔlen nin.

Vana Kɔlkaloo 4:14 Referans Kwoze

O Kandɔɔ 41:14

O kon mí Faraɔnnɔɔ viam vannda le kɔlan hunɔɔ a Yosɛf. Má kɔa cɔ́-cɔ́, má kɔ soli ndu o kaasoo, má sendi ndu, má soli ndu volɔɔla va ndu lekɔɔlan, má vow ndu volɔɔla celen. Má kɔa a ndu o Faraɔnnɔɔ lo.

SƐBƐ YƆB-O 5:11

Ndu heelu vanaa vannda kelun yii-a ni, ndu yɔngu vanaa co a mɔnɛi-ya dɛnɛ kɛndɔɔ ni.

Daniɛl 4:31

O vɔsila ŋɔmmɛwla Mɛlɛka kelu lan-ndan mɛɛlulan, mí ya Nebukanɛsar heelu hɔlla o halataala, mí kɔlkalu ivanacieeyaa muungu ya nin. O kon, mí candu Ó-Hiow-Ɲɔɔn-Kpow-vo, mí lisa Vana-Co-Yoomu le fɛɛn a fɛɛn-ndo, mí sangala ndu. Ò vanabɛnduyɛi ndɔɛi nɔ lamɛɛlu loo, ò masale ndɔlen le co le fɛɛn a fɛɛn-ndo.

Cɛɛŋɔnnda Yeremi lan 4:20

Vana yoomu naa co o ba-o, ndu del o soon yaamɔaa ndɔa nin. Vana Mɛlɛka hɛli kon-ndo pɛɛn, ò naa n co dimio-o aa: ‹N calnin mì n va yoomu vanaa-mangalaa-isɔɔa tɛɛn o vundule ndɔlen bɛngu›.

2Masaa 25:7

Má kili poaa Sedekia kon bololan ndu pila o hɔl, má pesipesi ndu pila hɔltan, má baa ndu yɔlɔn n'daɲan, má kɔa a ndu Babilɔn.

2Masaa 24:12

Vɔsi kon o suili vɔsilan laŋɔmaa o masalen ni. Mí Yehoyakin masaa Yuda fula nda kala ndɔ, buɛyaa ndɔa, vanaa ndɔa baalaa a vanaa bɛndua va ndu o ba bɛngu-a, mó kɔ yɔngun masaa Babilɔn. Mí caan kon ndu mal ndu o kaasoo.

2Masaa 24:6

Mɛɛ Yehoyakim dem fuɲaa ndɔa ciee-piɔ́m, mí Yehoyakin po ndɔ koma sul masaa o fonda ndɔɔ.

Vana Kɔlkaloo 4:15

Mí ca vanaa yoomaa co kelaa o paalen bɛngu-a kpow simndan langbanɔ felengoo kɔɔli, ó va kon hunɔɔ muungu o fonda masaa-o pɛɛn.

1Samiɛl 2:8

Ndu cua vana ikɔɔ del lɛŋ-ndo mò simi ndu ni, ndu simi vɛlɛ vana ikɔɔ nda mal o sállo coo-o ni mò kɛsi nda o fondala sɔvɛlan. Kani Mɛlɛka cɔw sungbuma lelɛŋndan ni, mó kɛsi lɛŋnde kalalen lecoo.