Vana Kɔlkaloo 3:8 - BII BILA

⁸ Telenndo co le kaolaa, telenndo co le nɛyɔnndo, telenndo co le cɔwvo, telenndo co le kɔlɲuloo.

Vana Kɔlkaloo 3:8 Referans Kwoze

Efɛsea 5:25

Niaa vanpiaandua, la kaola laandaa niaa mɛɛ Krista kaola kunda vanaa laalannda háá mì ndu pila yɔngu yoomu ndɔɔ le ndu yɛ.

Luke 14:26

«Vana-vana yeema pɛ le ya delɔɔ kɔɔli, mɛɛ mò kɛɛ fuɲa ndɔ, kala ndɔ, laa ndɔ, cuavaa ndɔa, puapilɛa ndɔa a yemaa ndɔa, mò kɛɛ vɛlɛ yoomu ndɔɔ, te o co kon te, o tiwba mò siŋnun kaandennɔ nuu le.

1Masaa 5:4

Kani masale Salomɔn-nden léè taŋ peo Efrate leeloo a ba paalen le del-lo, kandɔɔ Tifsa kɔlan háá Kaasa. Masaa yɛ́-yɛ́a va o lɛŋnde len nin-nda kpow va ndu o ba bɛngu. Bɛndaa va nda tɛɛn nda masaa balu ndu-a kpow.

Dɛnnda cɔɔmuanndan 2:2

‹I sínà dɛnnda nɔmndan, baala nɔmndo a biuvɔn nɔmndo. I sínà maa a cɛl vanaa vɔɔnda le. A soli vanaa co nda pila veelɔnndo aa kilaa kɛ nduyɛ a co n'kiila le kɔlɔ, mà ca maa vanaa lacòòvaa nda co ni.

Condii lisai 139:21

Vanaa nɔ nɛyɔnndo a nɔmnda hɛnan ya le, i yeema bɛɛ mì ce vanaa co nɔm simullo-a le.

2Dɛnnda lemasalan 19:2

mí Yehu vana-tɛɛngaa-diom Hala-o, po Hanani-o kɔa ndu bɔŋaa, mó ɲuna ndu aa: «Le yɛɛ nɛ n mala yɛ vana vɔɔndo ho? Vanaa Mɛlɛka nɛɛnun-nda nɔm kaola ni? Kɔltuw Mɛlɛka-o toalnin nɔm coo le ɲɛ n tosa hoo-o.

Tite 2:4

o kon mà pɛɛku felengia laandua co o nɔ̀lan-nda le piaandua ndaa a cuavaa ndaa kaolaa,

Efɛsea 3:19

O kon, o va bɛɛ maa kaola ndɔ kon hiow dɛnɛ sinaa kpow, kɛ mì la sínà ndu, haliko mi la va a piaa cá a bolofaa Hala-o.

Esekiɛl 16:8

Mɛɛ ya kei nɔm ikɛi, mí tofa nɔm, mí ca maa telen nɔmndo ndóò tiiya nin, maa nɔm óò sul nin tuu hiavaa vanapɔnɔ kɔɔli. Le hee, mí kuumbuu nɔm bɔɔle doma ni bɛndoo, mí vian nɔm sɔwve, mí mɛnalan nɔm mɛnalan kpemaa, má cal sumialii ni. Maalii, o co Mɛlɛka-o soo nuaa ni.

Yosue 11:23

Mí Yosue hialu lɛŋnde len kpow maa mɛɛ Mɛlɛka ndóò dimul Moise yɛ. O kon, mí Yosue yɔngu Israɛlla lɛŋnde kalalen ɲɛ nda pɛ́-pɛ́, mó piɔw nda len tɛɛn mɛɛ nda va a polama yɛ́-yɛ́an yɛ. O kon, mí vannda pɛngi cɔwlan tosaa.

Condii lisai 101:3

I tosanin dɛnnda sendu le lan te. Dɛnnda vanaa nɔ laalan te-a la nɛinun ya bɔɔ, i nɔ mako a lan te.

Talelan 13:5

Vana sandaa pɛɛsà còòlan, kɛ vana kɔlvesɛiyo ndu, dɛnnda kɔltambɛilan a dɛnnda lasiɛmbulan o tosa ni.

2Masaa 9:22

Fɔ́ɔ́fɔ̀, lɔ́ɔ́ Yoram ce Yehu-o, mó ɲuna ndu aa: «Yehu, vɛ̀ɛ̀ la co kɛndɛ nɛ?» Mí Yehu mulul ndu aa: «Kɛndɛ yɛɛ nɛ? Yesabɛl kala nɔm co vɔ piɔmaa fondoa sooloo, o nɔ vɛlɛ balan o mangala lekueiyo nin háá hau!»

Condii lisai 105:25

Mí Mɛlɛka mangala Esiptea yiyanndan, má nɛinun nda, má muungu nda dúmbúlan yiiyo.