Vana Kɔlkaloo 3:2 - BII BILA

² Telenndo co le violɔnndo, telenndo co le vuo. Telenndo co le tɔlɔɔ, telenndo co le ɲɛ tɔlnun-ndo sungɔɔ.

Vana Kɔlkaloo 3:2 Referans Kwoze

Hebreea 9:27

Lepilɛ kpé vanndacieea bɛnda le piɔ́mndo sɔlaa ni, o kon kɔɔli Hala kelu yamɛi ndɛi.

SƐBƐ YƆB-O 14:5

Yoomu vanacieo nɔ pɛɛngulan, nɔm Hala koni kelu paangun ndɔn ni, má hendul ndu pɛɛngula o nɔla hiovɔɔ le lan.

Kalatea 4:4

Kɛ telenndo tiiyaa, mí Hala viam Po ndɔɔ, o vanalanɔɔ velu-o, o velun o tɔŋndo bɛngu-o,

Luke 1:20

Kɛ a laalan sɔɔn nun te, n peelunnin o telen Hala keluo-ndo pɛɛn. Lelan a co hunɔɔ siŋnɔn bobonɔɔ, a tiwnin ba sɔɛi le, háá mì dɛnndan ndan la peelun.»

Matie 15:13

Mó muli aa: «Yɔm oo yɔm Fuɲa ni co o halataala-o tol te, ndu sungunnin.

Nsaŋ 16:21

Telen vialaa tiiya pɛ le vanalanɔɔ, mɔnɛi bii ndu le telen ndɔ tiiya-o, kɛ te o velu pɛ hɔ́ɔ̀, o loonun ndɛ a ɲɛ nɛyaa kei ndu coo-o le. Kani o co va a ɲaaloo le vanaciee yoomaa o velu-o.

Esai 38:1

O palɛi ken nin, mí Esekia del a nàá taw-taw, mó can piɔ́mndo. Mí vana-tɛɛngaa-diom Hala-o Esai, po Amɔt-o hun o ndu lo, mó dimul ndu aa: «Mɛlɛka dimi aa nɔm congun yungu nɔmndo mà cɔm nda ɲɛ nda bɛnda mà tosa-o, kani piɔ́m nɔmndo tiiya, a co cinda a naa ho le!»

SƐBƐ YƆB-O 7:1

«O co macoaa telen lepɔtɔllo le vanacieo co tosaa o lɛŋnden coo le? Vɛ̀ɛ̀ palɛi ndɔɛi co hiovɔ̀ɔ́ maa palɛi vana co baalaa le salaa sɔlaa-o le?

Dɛnnda kiilaa 7:20

O telen kon nda velu Moise ni, ó va salama kɛndɔɔ Hala o hɔl-lo. Paangon mún yáá, a va ndu mandaa o fuɲa ndɔ lo cɛinin.

Dɛnnda kiilaa 7:17

Mɛɛ telen Hala ndóò tuu le sɔɔn o dimi a Abraham-ndon peeloo-o sɔɔnguu, mí vanaa naa a kui taw-taw Esipte.

Nsaŋ 7:30

A va nɛilan nuwviaa le ndu biyɔɔ, kɛ vana-vana ve ndu ba holɔɔ le, kani telen ndɔɔ ndóò tiiya vɔ le.

Luke 1:36

Tofa vɔ, Elisabɛt vana nɔm, o ndáà dimi aa o vilu loo bɛɛ cua pulei o yuuvɛi nin. Paangii ŋɔmpumndɔɛi co hee nin nuaa ni.

Luke 1:13

Kɛ mí mɛlɛkanɔɔ dimul ndu aa: «Siòòŋii bii nɔm te Sakari, kani piɛile nɔmnden le mulin. Elisabɛt laa nɔm vilulnin nɔm hɔ́ɔ́ piaandoo, mà ke ndu diolan aa Nsaŋ.

Matie 13:41

Po vanacieo viamnin mɛlɛkaa ndɔa, mà hun suingi vanaa co caanda lueiyo o pɔwlan nin-nda a vanaa tosaa dɛnnda vɔɔnda,

Yeremi 45:4

Lelan diom Mɛlɛka dimul-la le nɔm-ndo co hoo ni aa: ‹I co ɲɛ ya tangul-lo komba, mì sungu ɲɛ yáà tɔl o lɛŋnden kpow nin-ndo.

Yeremi 1:10

I vem nɔm hau o vanaa-mangalaa-isɔɔa lo, mà kuel masɛi, haliko ma suingi, ma koombiaa, ma diw, ma tɛɛmbuu, Kɛ ma cɔw, ma tɔl.»

Esai 54:1

«Viow kponyoo, nɔm vanalanɔ bɔlɔkɛɔ, nɔm vilu cua loo! Viow kponyoo a yoondiaalan mà dɔwnun ɲaale, nɔm dembe vialaa nɛi hoo loo! Kani cuavaa vanalanɔ malnanndo vanin sɛ́lɛ́ mà hiow cuavaa vanalanɔ co o nɔu-vo.» Lende Mɛlɛka dimi ni.

Esai 38:5

«Kɔ ma kɔ dimul Esekia aa: Nuaa Mɛlɛka, Hala David fuɲa nɔm imamaa dimi ni aa: I tuei piɛile nɔmnden, i ce mɛmɛma nɔmndan. Lelan, i cɔɔlunin yoomu nɔmndo bɛndi le vɔsilan tɔ́ a laŋuɛɛnu.

Condii lisai 113:9

O ke vanalanɔ ndóò vilu loo cuawva, mó siinguu ndu vanalanɔ dɛnɛ kɛndɔɔ. La lisa Mɛlɛka.

Condii lisai 52:5

Dɛnɛ vɔɔndo hiow nɔm hɛnan a dɛnɛ kɛndɔɔ, kafalan la hiow nɔm hɛnan a toɲaa.

SƐBƐ YƆB-O 14:14

Vɛ̀ɛ̀ vanaciee vi nin-ndo nɔla pá mó muungu vɛlɛ yoomu? Te lende ni, yáà nɔlanin biuvɔnndo o palɛi baalɛi nii nin kpow, háá tuma ndáà hun tindinin ya-o.

2Masaa 4:16

Mí Elise dimul ndu aa: «A telenndo ho ɲinasiaŋ, a nɔnin hɔ́ɔ́ piaandoo o balan coo.» Mí cuaa dimi aa: «Ken i nɔla tosan te, vana ni bɛndoo! Nɔm vana Hala-o, hui ya buɛi nɔmndo le.»

1Masaa 13:2

Mí vana-tɛɛngaa-diom Hala kon yonda o fonda-loamaa-lasálàá coo mɛɛ Mɛlɛka dimul ndu le yondaa yɛ, mó dimi aa: «Fonda-loamaa-lasálàá! Fonda-loamaa-lasálàá! Nuaa Mɛlɛka dimi ni aa: ‹Hɔ́ɔ́ piaandoo pum vialunnin o yungu David-o nin, o nɔnin diolan aa Yosia. O solinin vanaa co sálàlan solio o máánndan coo-a sálà nɔm coo, a co haa cuɛima cun kɛndɛan lomɔɔ nɔm coo-a pɛɛn, vannda loamnin vɛlɛ paala vanndacieea nɔm coo.›»

1Samiɛl 2:5

Vanaa va a pumaa-a co vallo nuwviaa le ɲɛdiaa sɔlaa, kɛ vanaa va a yiaan-nda, nda buulan ndɛ le vali le. Vanalanɔ vilu loo ndu velu cuawva nda ŋɔmmɛw, kɛ o nɔ cuawva taw-vo co lɛ violɔɔ le.

Tɔŋ miingua 34:5

O kon mí Moise vana baala Mɛlɛka-o vu lon o lɛŋnde Moab len nin, mɛɛ Mɛlɛka pila ndóò dimi yɛ.

O Kandɔɔ 47:29

Mɛɛ o sina maa piɔ́m ndɔɔ co le tiiyaa, mó veelu Yosɛf po ndɔ, mó dimul ndu aa: «Taa ce ya pɛ ɲia, mɛɛ handu ba nɔmndo o lɔlu nuu bɛngu, mà mɛnan maa a co lo o lediom coo ma cɔm ya maa a ce ya ɲia, maa a kumbunin ya o lɛŋnde Esipte len nin nanu le.

O Kandɔɔ 17:21

Kɛ a Isaak ya co hunɔɔ kpema nuu yii ni, po Sara laa nɔm vilulnin nɔm a boondei he ɲinasiaŋ-ndo pɛɛn.

Talelan 24:27

Cii yɔ fɔlɔn baala n nɔ o bɛ́ɛ̀-o ma váá ciɛɔn nɔmndon, malan n kila cɛiyo.

Esai 28:24

Mò va maa telen oo telen vana váà vàà cɛi ndɔɛi le kullon saŋɔɔ ni? Mò va maa lɔ́ɔ́-lɔ́ɔ̀ o tui lɛŋnden mò koŋ ɲɛ vàá ni?