Vana Kɔlkaloo 3:19 - BII BILA

¹⁹ Kani ɲɛ pilɔɔ koni co vanndacieea a cɔlua cumndo ni. Mɛɛ o pilɔɔ vu yɛ, lende koni o pilɔɔ bɛɛ vu ni. Yoomu pilɔɔ nda kpow nɔ ni. Hiovɔɔ vanacieo hiow cɔloo-o co ɲɛ-ɲɛ le. Kon kpow, ɲɛ fondoo o co ni.

Vana Kɔlkaloo 3:19 Referans Kwoze

Condii lisai 49:12

A co yiyanndo maa yondola ndalan la vanin le nda le lɔ́ɔ́-lɔ́ɔ̀. Kɛ sɛilan la vanin calta ndalan le fɛɛn a fɛɛn ni.

Condii lisai 49:20

a kon kpede, mɛɛ mò dem fuɲaa ndɔa mamaa, á ci lɛnin ɲɛ-tengaa lɔ́ɔ́-lɔ́ɔ̀ le-a.

Vana Kɔlkaloo 2:16

Kani vana va vana kɔlkalu, vana va diɔm sondo vesɛi, taa vi pɛ, mɛɛ palɛi hiaw faw, lende vannda kɔa a sɔɛi nɔmnde pɔɛɛnɔnndo ni. Mɛɛ diɔmndo vu yɛ, lende koni vana kɔlkaloo bɛɛ vu ni.

Vana Kɔlkaloo 2:14

Vana kɔlkaloo sina nɛɛ o co kɔlan-nda, diɔm sondo vesɛiyo yɛ, o ɲumndan nin o kɔa ni. Kɛ mí bii bila maa nda ŋiɔn kpow, ɲɛ pilɔɔ co nda cumndo ni.

Condii lisai 104:29

Taa vin nda pɛ hɔlaa nɔmnda, siòònde bii nda taw. Taa soli nda pɛ yoomoo niŋ, a muungu o puuloo nin.

2Samiɛl 14:14

Naa kpow n hun vunin, mì n siŋnun maa mɛmma coŋ lɛŋ-ndan, vana tiw lɛ ba man kɔndɔɔ le. Kɛ o co vɔ telen Hala tuu le Absalɔm vuo le co hoo le. Lelan, o toosiaa nɛilan haliko vana co kon o lekáá-o lo o malnanndo ndu levil te.

Kundalan 16:29

Te vannda ha vi pɛ mɛɛ vanndacieaa tɔ̀a vu yɛ, ma vi o ba ndaa coo maa caaŋaa tɔ̀a, mɛɛ o co Mɛlɛka le vem ya le.

Vana Kɔlkaloo 7:2

O co fisa mì vana kɔɛ o cɛi biisio co-o nin, a kɔlan o cɛi ɲɛdiaa kafoo co nin-ndo nin. Kani piɔ́mndo co mɛɛlula vanaciee oo vanaciee ni, vanndacieaa yoomaa kpow a bɛnda ma yiyan a ken.

Vana Kɔlkaloo 9:2

Lende koni o co le vannda kpow ni. Ɲɛ pilɔɔ co vana sandaa a vana yɔŋ vɔɔndo komal ni, vana dendu-o a vana dindu loo, vana soli sálàá-o a vana co sálà soli loo. Hiyan co vana kɛndɔɔ a vana yɔŋ vɔɔndo tɛɛn te, vana cua ciɛ́ɔn o Hala lo-o a vana cue n'ciɛ́ɛ́ loo bɛɛ lende koni.

Vana Kɔlkaloo 9:12

Handɔɔ o kon coo, vana-vana sina ɲɛ komalnin ndu-o le. Mɛɛ suwva haw o yalaa nin nuaa yɛ, mɛɛ yowva haw o yala n'yowvo nuaa yɛ, lende koni dɛnɛ palaa voolu vanndacieea o lepilɔɔ ni.

Condii lisai 49:13

Vanacieo, a ɲɛm kɛndɛn o co nin-ndon kpede, o lonin yoomu le. Paale pum, o vunin mɛɛ visia vu nuaa yɛ.

Vana Kɔlkaloo 1:14

Mí ca dɛnnda co tosanndo o ceendo coo nanu lan kpow. Dɛnnda lan kpede, sanga fondoo fúú, ɲɛ fondoo kiltan kɔɔli co kon ni.

Vana Kɔlkaloo 1:17

Mí kindin a kɔl nuu kpow le kɔlkaloo, diɔmnde a seemaa sinaa. Kɛ mí bii bila ma kon vɛlɛ bɛɛ, ɲɛ fondoo kiltan kɔɔli o co ni.