Vana Kɔlkaloo 3:14 - BII BILA

¹⁴ I sinà maa ɲɛ-ɲɛ Hala tosa pɛ, o viow le fɛɛn a fɛɛn. Vana nɔlà ɲɛ handɔɔ lecoo le, vana nɔlà vɛlɛ ɲɛ faŋa lecoo le. O tosa kon, haliko mi vannda yɔŋ siòònde a ndu.

Vana Kɔlkaloo 3:14 Referans Kwoze

Nsaki 1:17

Ɲɛm-kéan kɛndɔn kpow a ɲɛm-kéan peelunndon kpede, coocoo n co fulaa ni, Pau Hala o ba. Vana cɔw ɲɛ-tengaa kpow-vo. Nduyɛ, o màngàlannin te, hali ɲɛ-pɔmbɔ.

Condii lisai 33:11

Kɛ tuula Mɛlɛka lan la co o fonda ndɔɔ le lɔ́ɔ́-lɔ́ɔ̀, kɛɛsuula o nɔ o kɔl-tan la co le fɛɛn a fɛɛn.

Rɔmnda 11:36

Kani ndu o ba ɲɛ-ɲɛ fula ni, ndu toosiaa ɲɛ-ɲɛ ni, le ndu ɲɛ-ɲɛ co ni. Biiloo co le ndu le fɛɛn a fɛɛn! Amiina.

Dɛnnda kiilaa 5:39

Kɛ te Hala o ba la co yɛ fulaa ni, la nɔlanin ndan tɛɛmbuu le. Lelan la caa dɛ, yɔŋii niaa pila simul Hala!» O kon mí vanaa kialaa n'yamaa lelɛŋnda cɛl yiyan Kamaleɛl cɔm kon-ndo,

Talelan 30:6

Handu ɲɛ-ɲɛ o sɔɔn ndɔn coo le, yɔŋii o soo nɔm mò ce nɔm vana lacòòvaa.

Tite 1:2

mà sɔla kɔlkɛsiaa le yoomu fɛɛn-fɛɛndo sɔlaa. Hala, o dimi lacòòva loo dimi sɔɛi yoomu kalaa kabi paandu ni.

Talelan 21:30

Kɔlkalu co le, dɛnɛ sinaa co le, taasi co le, o sim Mɛlɛka o hɔllo.

Efɛsea 3:11

Ɲɛ ndu Hala tuu kabi o kandɔnndo le tosaa-o, mó peelu ndu o Maalii naa Yeesu Krista nin.

Dɛnnda kiilaa 4:28

Nduyɛ, lende nda peelu sɔɔn kɛ́-kɛ̀ nɔm óò tuu o tasendɔ-on ni, n kɛ́-kɛ̀ nɔm óò tuu a kpaaya nɔmndo.

Dɛnnda kiilaa 2:23

Má mal ndu niaa o ba mɛɛ Hala ndóò tuu yɛ. Niaa dii ndu ni. Mɛɛ niaa mal ndu vanaa sina Hala le-a o ba, má baŋ ndu o yɔm singafilaa coo.

Esai 46:10

O kandɔɔ tasoo pɔ́ ya dimi ɲɛ co hunɔɔ yɔŋnɔn-ndo ni, o tasendɔ pɔ́-pɔ́ ya dimi ɲɛ peelun-ndɔ loo ni. Ya dimi ni aa tuu nuu peelunnin lekɛ́ndɛi. I tosanin hɛnan nuu kpow.

Vana Kɔlkaloo 7:18

O bɛnda ma bii silala tiɔnndan ndan. Kani vana nɔ pɛ siòòŋii Hala-e, o hiw ɲɛ-ɲɛ ba le.

Vana Kɔlkaloo 5:7

Taa ce pɛ ma va vana bala fondoo delɔɔ coo o kobio nin, mì sandii lepɛŋnde va, hali ma downun kɔndɔfili le dɛnnda lan te. Kani simlacinɔɔ co o ba vana hiow ndu-o bɛngu, vanaa ŋiɔŋaa kan bɛɛ a co o ba vana hiow nda fondaa-o bɛngu.

Talelan 19:21

Tuulan taw la co vanacieo o kɔl ni, kɛ hɛnan Mɛlɛka-o tosan ni.

Condii lisai 76:10

Ken tosan tuma kon kpeekpei, tuma nɔm Hala cɛn le dɛnɛ sandaa simio-o, telen n cɛn kon le vanaa co sangaa o lɛŋnden coo-a kpow baŋaa-o.

Condii lisai 64:9

A cii biinɔn a sɔɔn ndan nda pilan, vanaa co nda cɔu-va kpow co nda mamɔɔ mà va bolle hiiluuo.

Dɛnnda cɔɔmuanndan 15:4

Mɛlɛka, nɛ̀ɛ́ tɔɔndan yɛnin mo kɛɛ diola nɔmndan biilu? Kani nɔm pilɛ kpé co o diandaa ni. Vanaa-mangalaa-isɔɔa kpow a hunnin mà baŋ vulan nɔm o labɛngunin, kani sandii nɔmnde cɔmnun vakpa.»

Daniɛl 8:8

Mí cuin toovi kon sɔla kpaayaa taw-taw. Kɛ mɛɛ o kindun a bɛmɛi véŋ-véŋ, mí lee ndɔ bɛndoo yom, mí leela kaamaalan tan hiɔɔlu la vul dɔ́ɔ́ o fonda kon, mí la sim o kpengun hiɔɔlun ceendo.

Vana Kɔlkaloo 12:13

Sɔɔn dimin mun-ndon kpow, liima ndɔɔ co hoo ni: nɔ́ siòòŋii Hala-e, mà kela o tɔŋnda ndɔlan coo. O vanndacieea kpow bɛnda mà tosa-o co kon ni.

Tɔŋ miingua 32:4

Pow kpova bɛndoo Hala co ni, dɛnnda ndɔlan la co la tiuvanndan. Kani nɛila ndɔlan kpede la co lasandaa. Hala lo o lediom coo-o a Hala nɔ lakafa loo o co ni. Hala sandaa a Hala sakpoo o co ni.

2Samiɛl 22:31

Hala ndu, nɛi ndɔɔ tiwnun, sɔɛi Mɛlɛka-e co idiandaa válán. Ndu co vana kanda vanaa viannun ndu o ba bɛngu-a kpow-vo ni.

Vana Kɔlkaloo 5:6

Diɔmun fondon co o lɔma sɔlaama bɛndu-bɛnduan nin. O tobola bɛndu-bɛndoo nin bɛɛ sɔɔn fondon co. Lelan, nɔ́ siòòŋii Mɛlɛka-e.