Vana Kɔlkaloo 2:9 - BII BILA

⁹ Mí siŋnun vana bɛndoo hiovɔɔ vanaa kei ya tase Yerusalɛm-nda kpow coo. Nduyɛ, a kon kpede, kɔlkalu nuu va ya nin.

Vana Kɔlkaloo 2:9 Referans Kwoze

1Dɛnnda lemasalan 29:25

Mí Mɛlɛka tosa mí Salomɔn pialnun ladio taw Israɛlla kpow o hɔl, mó ke masale ndɔlen pangeloo hiovɔɔ masaa tosa masalen ndu tase Israɛl-la kpow coo.

Vana Kɔlkaloo 1:16

Mí yiyan o kɔl nuu nin maa i cuungiaa kɔlkaloo, mí manda ndu hiovɔɔ vanaa tosa masalen ya tase Yerusalɛm-nda kpow coo. Mí yiyan maa kɔl nuu sɔla kɔlkaloo a dɛnɛ sinaa taw-taw.

1Masaa 10:23

Masaa Salomɔn ndóò hiow masaa va o lɛŋnden coo-a kpow bolofaa a kɔlkaloo.

2Dɛnnda lemasalan 1:1

Mí Salomɔn po David-o simi masale ndɔlen yili, kani Mɛlɛka Hala ndɔɔ va ndu ikɛi, mó siinguu ndu masa tɔ́ɔ́ bɛndoo.

1Masaa 10:7

Yáà laalan ndɔ sɔɛi ken te, fɔ hunɔɔ ya pila hin hoo mí ca a lehɔl-lo. Ɲɛ ndáà dimul-la-o tiiya bɛɛ hali tálá ɲɛ ya hun cɔ a lehɔl-lo le. Kɔlkalu nɔmndo a bolofaa nɔmndo hiow bɔɔ o ndáà dimul-la-o polon!

1Masaa 3:12

i co nɔm ɲɛ n piɛi ya-o ke, i co nɔm kɔlkaloo a sinapɛngoo ke, ò vana-vana sɔla vɔ paandu nɔm laci loo, o vana-vana sɔla lɛnin vɛlɛ o nɔm kɔɔli loo.

Vana Kɔlkaloo 5:11

Vana co baalaa-o hinin pɛ, o lɔlnun fɛɛ. O sɔla tùúlen, o sɔla taw le dioo, o co kpeku ndɔle. Kɛ vana nɔ bolofaa taw-vo nɔla lɔan te.