Vana Kɔlkaloo 2:8 - BII BILA

⁸ I cuungiaa volion a sianion, n fula masaa o ba-on a n fula o kobila va ya o ba bɛngu lan nin-ndon. Mí sɔla vanaa solia n'condua piaandua a à laandua. Mí yil laandua taw mɛɛ vanpiaandua yeema ken tosaa yɛ.

Vana Kɔlkaloo 2:8 Referans Kwoze

1Masaa 10:10

O kon, mó cua sianion kilolan vàálan tan yáá a kɛmɛ leŋuɛɛnu, cuɛima cun kɛndɛan taw a powta báà kàlàlan, mó ke masaa. Kabi paale len, vana hin-ndɛ a cuɛima súú vaa lende o lɛŋnde Israɛl-ten nin maa ma masa laandoo Saba yɔngu ɲinkon Salomɔn-ndan te.

1Masaa 9:28

Mí vanaa tɛɛnguu kan a dɛ̀ndɛ̀lan-nda kpow a kɔa o lɛŋnde Ofir len nin a sianion kilolan milionndo o pilɛ a vaalan kɛmɛ lediin, má kɔ yɔngu masaa Salomɔn mun.

2Samiɛl 19:35

Kɛ mí Barsilai muli aa: «Àá masaa! I nɔ lɛ vɔsila bɔɔ le vaa yoomu le. Le yɛɛ ya heelu yɛnin vɛlɛ Yerusalɛm naa nɔm masaa?

1Masaa 10:14

O vɔsi oo vɔsi nin, sianion kilolan vaalan bidiin ndáà cuu Salomɔn Yerusalɛm ni,

Amɔs 6:5

Bangalan la co lɔɔnɔnndo mì niaa va condei solio o foofo. La co yiyanndo maa la co ɲɛm-caan caa lɔɔ maa David.

Daniɛl 3:15

Nihau, la bɛɛndian! Te la tuei pɛ buloo, sɛ̀ŋnden, bangaa, koelelen, bondomaa, boosei a ɲɛm-caan súú-súù ka diom, la tundun, la sooluu piɔm ya cɔw-vo. Te la sooluu ndu le, a co niaa viovɔɔ o tóndó bɛndu leyinndo nin sisa. Nduyɛ, hala kuɛɛ baŋa yɛnin niaa ya o ba nɛ?»

Daniɛl 3:7

Le hee, mɛɛ vannda tuei buloo, sɛ̀ŋnden, bangaa, bondomaa, boosei a ɲɛm-caan súú-súù ka diom, má tundun, má sooluu piɔm n'siani masaa cɔw kon-ndo.

Daniɛl 3:5

Te la tuei pɛ buloo, sɛ̀ŋnden, bangaa, koelelen, bondomaa, boosei a ɲɛm-caan súú-súù ka diom, la tundun piɔm n'siani masaa Nebukanɛsar cɔw-vo o labɛngunin, la sooluu ndu!

Ɛsdras 2:65

Cɛa piaandua a cɛa laandua, nda ve o kunda cɔmnun kon-ndo coo le, cɛa kan nda va vàála ŋɔmmɛw a kɛmɛ leyáá a beleyaa a à ŋɔmmɛw (7 337). O nda tɛɛn, vanaa ɲɛ-caa a vanlaandua condaa va n'van kɛmɛ lediin (200).

2Dɛnnda lemasalan 9:11

A yɔmii santal ken masaa toosiaa nɛila vanáà kei le luɛyɔɔ o Cɛi-Hala-o a o cɛi masaa nin-ndan ni. A ndi koni o toosiaa vɛlɛ bangalan a bondomalan le vanaa n'condua ni. Kabi paandu vanáà ci vɔ ɲɛm vaa lende o tàndá Yuda-o nin te few.

1Dɛnnda lemasalan 25:6

Vannda ha kpow a va condon solio o Cɛi-Mɛlɛka-o nin mí fuɲaa ndaa va nda simndan laci ni. A va kɛ́ŋndon, bɔ̀linndan a bondomalan lɔɔ le baala Hala-o tosaa. Asaf, Yedutun a Heman a va masaa o ba bɛngu.

1Dɛnnda lemasalan 25:1

Mí David nda simlacia vanaa cɔwva a siinguu poaa Asaf-a, poaa Heman-nda a poaa Yedutun-nda teengen le diom Hala-o tɛɛnguuo o condun Hala-on nin. A va bondomalan, bɔ̀linndan a kɛ́ŋndon lɔɔ. Vanaa va baala kon tosaa-a a yɔŋnun haa ni:

1Masaa 14:27

Mí masaa Roboam cɔaw kɔ̀ɔ̀la cɔwla celen a daɲan, mó yɔngu simlacia vanaa cɔvaa va diola luɛyaala bɛ́ɛ̀ lemasaa kandaa-a.

1Masaa 10:21

A sianion ndáà cɔw taalala kólaala Salomɔn-ndan kpow ni, má toosiaa vɛlɛ ɲɛm-laandun va o Cɛiyo-Bundɔɔ-Liban nin-ndon kpow a sianin diandan, o kɛ́-kɛ̀ cownun a n'voli le. Bau telen Salomɔn va masaa-o, vannda ndáà ci mun ɲɛ sɔvɛ taw le.

1Masaa 9:14

Nduyɛ, mí Hiram ndóò yɔŋ masaa Salomɔn sianion kilolan vàálan tan yáá a kɛmɛ leŋuɛɛnu.

1Masaa 11:3

Faw-faw, laandua kɛmɛ leŋɔmmɛw a sámáá kɛmɛ leyáá Salomɔn ndóò nɔ ni. Mí vanlaandua kan a mangala ndu kɔllo.

Vana Kɔlkaloo 1:2

Vana kɔlkaloo dimi aa: «Sanga fondoo fúú! Sanga fondo láà sanga fondo! Dɛnndan kpow, sanga fondoo fúú la co ni.