Vana Kɔlkaloo 2:23 - BII BILA

²³ Buulanndan a yiyannda vɔɔnndan la co ndu palaa lɔ́ɔ́-lɔ́ɔ̀, o co pɛngi sɔla o kɔl ndɔɔ nin te. Hali icɔl, o pɛngi le. Kon vɛlɛ bɛɛ, sanga fondo fúú.

Vana Kɔlkaloo 2:23 Referans Kwoze

SƐBƐ YƆB-O 14:1

Vanacieo, o vanalanɔɔ velu-o, palɛi ndɔɛi bendu le, palɛi kɔl tambɛiye i co vɛlɛ ni.

SƐBƐ YƆB-O 5:7

Mɛ̀ɛ́-mɛ̀ɛ́ tɛ́ngɛ-tɛ́ngɛla leyinndan la helnun coocoo nuaa yɛ, Lende vanacieo velun le sangaa ni.

Condii lisai 127:2

Lende koni, niaa bɛɛ, la co cɔnɔnndo idii púŋ, mì la va kɛɔ yalaa lɔan fondo fúú, sangaa fúú niaa co le balo niaa sɔlaa ni. Kani vanaa Mɛlɛka kaola-a a vannun bɛɛ o lɔma nda, ndu Mɛlɛka kenin nda baloo. Cuawva co kɛ Mɛlɛka-o ni.

Dɛnnda kiilaa 14:22

A va kaandennda yoomuan lueiyo, má va nda silaa le lou o laalan ndaa coo aa: «Mɛɛ mì n ce sangalan taw le luɛyɔɔ o Masale Hala len nin.»

Daniɛl 6:18

O kon, má handu pow bɛndoo o sóóndó sondoo. Mí masaa handu vɛlɛ tɔɔmasele kelɛi ndɔɛi a tɔɔmasele kelɛi vanaa bɛndua, haliko ɲɛ-ɲɛ mangalan o dɛnɛ Daniɛl-lo nin te.

Vana Kɔlkaloo 5:12

Sanga bɛndu-bɛndu ya ce o lɛŋnden coo-o co ni, mì vana bolofaa manda ɲɛ-sɔlaa le dɛnɛ palaa ndɔɔ,

Vana Kɔlkaloo 1:18

Kani mɛɛ vana kɔa a kɔlkaloo sɔlaa taw yɛ, lende koni mɔnɛi kɔa a piɔu vana o kɔl ni. Mɛɛ vana kɔa a dɛnɛ sinaa sɔlaa yɛ, lende koni sangaa kɔa a vana tolɔɔ coo ni.»

Condii lisai 90:15

O co nin lɔ́ɔ́ levil, a co naa mɔnɛi lueiyo, ke niko naa kɔlkɛndɔɔ mɛɛ naa n cii vɔsilan o mɔnɛi nin yɛ.

Condii lisai 32:4

Idii a icɔl ba nɔmndo va ya kindilaa, yoomuan ma va vesanndo ya o n'dial mɛɛ valo levɔɔ veesiaa ɲɔɔ nuaa yɛ.

Ɛstɛr 6:1

Icɔl kon, masaa nɔla lɔan te few, mó ɲuna le ndu sɛbɛ sɔɔn paandun lemasan sɛvan nin-ndo cuuo haliko ma dimi sɛbɛ kon ndu masaa o hɔl.

O Kandɔɔ 47:9

Mí Yakɔb muli aa: «Vɔsila ya tosa o kelaa nin-ndan la co kɛmɛ a beleyaa. Palɛi ya tosa o ceendo coo-e co ibɔɔ le, palɛi dɛnɛ palɛi i yɔŋnun ni. I suilinin vɔsilan mɛɛ fuɲa nuu a fuɲa ni mamaa a cii lan o kelaa nin yɛ le.»

O Kandɔɔ 3:17

Mí Mɛlɛka dimul niko vanapɔnɔɔ aa: «Le tùú n cɛl sɔɛi laa nɔm-nde, má dia kɔmnde yɔm ya kuuna nɔm le dioo-o len-ndo, i dɔw lɛŋnden danga le yɔŋ vɔɔn nɔm kon. Háá mì yoomu nɔmndo cuu o ceendo coo, fɔ mà sanga sangaa pila malan n sɔla ɲɛdiaa nɔmndo lɛŋ.

Vana Kɔlkaloo 1:13

mí kindin le ɲɛ co tosanndo o ceendo coo-o bilaa biyɔɔ a le ndu sinaa a kɔlkalu nuu kpow. Kon vɛlɛ bɛɛ, volɔɔla lusulaalan o co ni, o Hala siilu vanndacieea-o.

Vana Kɔlkaloo 2:11

O kon, mí mɛɛndian baalala ya tosa lan kpow, a mɛɛ ya sanga o lan tosaa yɛ. Kon kpow, sanga fondoo fúú. Ɲɛ fondoo kiltan kɔɔli co kon ni. Tɔnɔ oo tɔnɔ co o paalen bɛngu le.

Vana Kɔlkaloo 5:17

O ya dɔw taasi-o co hoo ni, o naŋ mì vanacieo va dioo a kolɔɔ, mò dɔwnun ɲaale a sanga bɛndu o co o paalen bɛngu-o, ó palɛi Mɛlɛka kilu ndu le yoomoo-e bɛngu pɛɛn. Ó ndɔɔ co kon ni.

Vana Kɔlkaloo 8:16

Mí kei o nɛi oo nɛi coo le sinaa mɛɛ vana looku mà sɔla kɔlkaloo yɛ. Mí dɔaw dɛnnda vannda co tosaa o lɛŋnden coo lan taasi ɲɛkɛndɛi. Mí ca maa hali vana niinu tofaa, mà lɔl lahɔl, a tiwba ma sina mɛɛ Hala tosa ɲɛm co o ceendo coo-on kpow yɛ le. Vanndacieea co sangaa le kon sinaa, kɛ a co nɔla le. Nduyɛ, hali vana kɔlkaloo dimi bɛɛ aa o sina, o tiwba mò bii ken bila le few.»