Vana Kɔlkaloo 2:21 - BII BILA

²¹ Kani mì vanndo cii baalaa tosa a kɔlkaloo, mò tosa ndu a dɛnɛ sinaa a á yiyan ndɔɔ kpow, kɛ mò mel vana celen ɲɛm ndɔn kpow, vana sanga bɛɛ le mun too. Sanga fondoo fúú co vɛlɛ kon ni. Co dɛnɛ sandaa le co kon te few.

Vana Kɔlkaloo 2:21 Referans Kwoze

Yeremi 22:17

Kɛ nɔm yɛ, tɔnɔ nɔmndo daama n nɔ hɔlten coo ni. A co vanaa tɛɛmbuu isɔɔ le-a diwvo, mà va delɔɔcoo a kafalan tosaa.»

Yeremi 22:15

Vɛ̀ɛ̀ a yeema ma cɔm maa masaa n co ni, mà tosa baalaa a yɔm sɛɛdreo haliko ma va teengen? Fuɲa va dioo a kolɔɔ maa caanda. Kɛ o va dɛnɛ sandaa a sakpoyɛi tosaa, ɛɛ nduyɛ, ɲɛ-ɲɛ va kɔlan o kɛndɛ ndu o ba.

Vana Kɔlkaloo 9:18

Kɔlkaloo co fisa a ɲɛm cɔwvon. Vana nɔ taasi loo tiwba mò tɛɛmbuu ɲɔɔn taw.»

2Dɛnnda lemasalan 35:18

Kabi o paale Samiɛl vana-tɛɛngaa-diom Hala-o len, kafo oo kafo tosan ndóò tosan-ndɔ lende Israɛl te. Masa oo masa ndóò tosa vɔ kafo-hiavaa-coo súú vaa lende maa o Yosia pila, vanaa-solia-lasálàá, leviia, Yudaa, Israɛlaa va lon-nda a Yerusalɛmnda ndáà tosa kon-ndo le.

2Dɛnnda lemasalan 34:2

Mó tosa dɛnɛ sandaa Mɛlɛka o hɔl, mó kela o nɛila David fuɲa mama ndɔlan coo, o sei o ba kɛndɛ coo le, o sei o ba mɛl coo le.

Condii lisai 49:10

Vɛ̀ɛ̀ nda lonin yoomu le lɔ́ɔ́-lɔ́ɔ̀ ni? À tulnin o sɛiyo nin te?

Vana Kɔlkaloo 2:20

O kon, mí diallon vu ya le sanga bɛndu ya sanga o paalen bɛngu-o.

Vana Kɔlkaloo 4:4

Mí dɔaw vɛlɛ taasi maa o co fondo le vannda co sangaa le, a yeema ma hiow caanda. Sanga fondoo fúú co vɛlɛ kon ni, ɲɛ fondoo kiltan kɔɔli pɛɛn.

Vana Kɔlkaloo 4:8

ndu co a vana co ndu pilɛ kpé-o o kɔɔ ni. O nɔ po le, o nɔ bɛndu le, o nɔ pɔmbɔ le. Kɛ o pɛngi a baalaa le, o co yeemaa le bolofaa sɔlaa tuŋ. Nduyɛ, o co ɲunanndo aa: Le nɛ̀ɛ̀ ya co yɛ sanganndo ho mì va kɛɛ yeemɛi nii tosa? Sanga fondoo co vɛlɛ kon ni, ceendo vili vɔɔndo pɛɛn.

Condii lisai 39:7

Vanacieo co kelanndo maa levundu. O co kpekulan taw tosaa, kɛ hoeiye fúú o co ni. O co bolofaa cuungiaa, kɛ o sinà vana nɔnin ndu le.

Condii lisai 49:11

Vannda co cɔu maa vanaa kɔlkalua co vuo, diɔmaa sondo vesɛiya a vanaa nɔ kɔlkalu le-a bɛɛ a co piɔ́mndo sɔlaa. À co ɲɛm ndan vanaa celen mello.