Vana Kɔlkaloo 2:19 - BII BILA

¹⁹ I sina vana súú ndu vanin te, ko vana kɔlkalu ni, ko diɔm sondo vesɛi ni, i sina le. Nduyɛ, ndu koma nɔnin hɔlten o baala nuu coo ni, o ya tosa a kpaaya nuu, mí tosa ndu a kɔlkalu nuu kpow o paalen bɛngu-o pɛɛn. Kon vɛlɛ bɛɛ, sanga fondoo fúú.

Vana Kɔlkaloo 2:19 Referans Kwoze

Nsaki 3:17

O diandaa kɔlkalu fula coocoo-o co vɔ fɔlɔn ni, o kon kɔɔli kɔlkalu kɔlɲuloo a kɔlkalu fɛ́ɛ́-fɛ́ɛ́o, o kindù tɛɛlɔn te, o pɛ a ɲííye a kɔmnde kɛndɛlen, o hiyàn vannda le, o muulun te.

Vana Kɔlkaloo 3:22

Mí ca maa dɛnɛ kɛndɛ celen co le vanacieo le, fɔ ɲaaloo dɔwnɔnndo o baalala ndɔlan nin. Ó co le ndu-o co kon ni. Kani nɛ̀ɛ́-nɛ̀ mingi yɛnin ndu yoomu mò hun cɔ ɲɛ tosannin ndu kɔɔli-o?»

Nsaki 1:17

Ɲɛm-kéan kɛndɔn kpow a ɲɛm-kéan peelunndon kpede, coocoo n co fulaa ni, Pau Hala o ba. Vana cɔw ɲɛ-tengaa kpow-vo. Nduyɛ, o màngàlannin te, hali ɲɛ-pɔmbɔ.

Luke 16:8

Mí vana bɛndoo lisa vana mandaa bolofaa kɔlkalu vɔɔndo ho le taasi o tosa-o. Kani vanaa co o ceendo ho coo-a hiow caa hɛlihɛlinndo nda pila tɛɛn o dɛnndan nin a vanaa co o masale halataa len nin-nda.

Vana Kɔlkaloo 9:13

Mí ca vɛlɛ dɛnɛ pum o paalen bɛngu, mó bii ya kɔllo ɲɛkɛndɛi a kɔlkaloo o kɔɔ.

1Timote 6:10

Kani kaola n'volio co dumbule dɛnnda vɔɔnnda súú-súù ka ni. Nduyɛ, mɛɛ yeemɛi ken i bii vanaa pum háá, má mal laalan ndaa, mí sangala bɛndulan la luɛi o kɔlta ndalan nin.

1Masaa 12:13

Ndáà kɔlan, o kɔ mulul nda diomnde kɛndɛ le, kani o bii sila kaasoŋaa kɔlkalua yɔngu ndu-o le.

Vana Kɔlkaloo 2:20

O kon, mí diallon vu ya le sanga bɛndu ya sanga o paalen bɛngu-o.

1Masaa 11:43

O kon kɔɔli, mó vu, má kumbu ndu o Kobi David fuɲa ndɔ-o nin. Mí Roboam po ndɔ koma sul masaa o fonda ndɔɔ.

Vana Kɔlkaloo 2:11

O kon, mí mɛɛndian baalala ya tosa lan kpow, a mɛɛ ya sanga o lan tosaa yɛ. Kon kpow, sanga fondoo fúú. Ɲɛ fondoo kiltan kɔɔli co kon ni. Tɔnɔ oo tɔnɔ co o paalen bɛngu le.