Vana Kɔlkaloo 2:18 - BII BILA

¹⁸ Sanga kɛ́-kɛ̀ ya co o paalen bɛngu nanu, mó kusulan ya. Kani vana koma hunnin ya kɔɔlio ya melnin ɲɛm mun ni.

Vana Kɔlkaloo 2:18 Referans Kwoze

Condii lisai 49:10

Vɛ̀ɛ̀ nda lonin yoomu le lɔ́ɔ́-lɔ́ɔ̀ ni? À tulnin o sɛiyo nin te?

Condii lisai 39:6

A yɔngu yoomu nuu buo maa tongii ba ninndo, Ɲɛ fondoo fúú bandii yoomu nuu i co nɔm o hɔl ni. Vanacieo co balɔɔ o pelun ndɔn coo, kɛ hoeiye daama yoomu ndɔɔ co ni.

1Korɛntea 3:10

Maa mɛɛ kɛndɛi Mɛlɛka-e i yɔngun ya-e. Ya ya, i tosa baalaa maa vana caa baalaa taw-vo, mí kila cɛiyo, mí vana celen tangul lecoo. Kɛ, mɛɛ mì vana caa taw a mɛɛ n co cɔwva lecoo yɛ.

Luke 12:20

Kɛ mí Hala mulul ndu aa: ‹Diɔmndo ho, cɔɛllɛn kpeekpei ya co yoomu nɔmndo hiɔlɔɔ ni, ɲɛm n bɛɛndiaa mun-ndon, nɛ̀ɛ́-nɛ̀ n co yɛ mun mel?›»

Vana Kɔlkaloo 9:9

O palɛi bingii Hala ke nɔm o paalen bɛngu-e nin kpow, dɔwnun ɲaale a laa nɔm n kaola-o. Kani yoomu vanacieo bendu le. O Hala ke nɔm-ndo co kon ni, o n sɔla o sanga nɔmndo nin o paalen bɛngu-o.

Vana Kɔlkaloo 5:18

Handɔɔ o kon coo, vana-vana Hala ke pɛ bolofaa a ɲɛ-sɔlaa taw, ndu dɔwnun ɲaale o baala ndɔɔ nin. Ó ndɔɔ co kon ni.

Vana Kɔlkaloo 4:3

Kɛ vana vilun-ndɔ loo hiow vɛlɛ va fisa a vanaa ŋiɔŋa kan. Kani ndu ci vɔ kafala vannda co tosaa o paalen bɛngu lan te.

Vana Kɔlkaloo 2:26

Vana hɛnan Hala-o, ndu Hala ke kɔlkaloo, dɛnɛ sinaa a kɔlkɛndɔɔ ni. Kɛ vana lahakio ndu, Hala pei ndu pɛ yiyanndo nin, o nuwviaa, o cuungiaa le vana hɛnan Hala-o yɔngoo. Kon vɛlɛ bɛɛ sanga fondoo fúú, ɲɛ fondoo kiltan kɔɔli pɛɛn.»

Vana Kɔlkaloo 1:13

mí kindin le ɲɛ co tosanndo o ceendo coo-o bilaa biyɔɔ a le ndu sinaa a kɔlkalu nuu kpow. Kon vɛlɛ bɛɛ, volɔɔla lusulaalan o co ni, o Hala siilu vanndacieea-o.

Vana Kɔlkaloo 1:3

Ɔ́ɔ̀ tɔnɔ vanndacieea nɔ o sanga bɛndu nda co hoo o paalen bɛngu nanu-o nin-ndo?

Condii lisai 17:14

Mɛlɛka, baŋa ya vanaa vɔɔnda ha o ba a ba nɔm kpaaya, vanaa ceenda ha, à vɔ̀ngɔ̀ ndaa co o ceendo ho coo-a pɛɛn. Pimi nda a sanga n kɛsi le nda-o, mì poaa ndaa bɛɛ pim sanga kon, mà mel poaa ndaa imamaa sanga kon vɔ́yɔ́ɔ́.

Vana Kɔlkaloo 2:11

O kon, mí mɛɛndian baalala ya tosa lan kpow, a mɛɛ ya sanga o lan tosaa yɛ. Kon kpow, sanga fondoo fúú. Ɲɛ fondoo kiltan kɔɔli co kon ni. Tɔnɔ oo tɔnɔ co o paalen bɛngu le.

Vana Kɔlkaloo 2:21

Kani mì vanndo cii baalaa tosa a kɔlkaloo, mò tosa ndu a dɛnɛ sinaa a á yiyan ndɔɔ kpow, kɛ mò mel vana celen ɲɛm ndɔn kpow, vana sanga bɛɛ le mun too. Sanga fondoo fúú co vɛlɛ kon ni. Co dɛnɛ sandaa le co kon te few.

Vana Kɔlkaloo 3:22

Mí ca maa dɛnɛ kɛndɛ celen co le vanacieo le, fɔ ɲaaloo dɔwnɔnndo o baalala ndɔlan nin. Ó co le ndu-o co kon ni. Kani nɛ̀ɛ́-nɛ̀ mingi yɛnin ndu yoomu mò hun cɔ ɲɛ tosannin ndu kɔɔli-o?»