Vana Kɔlkaloo 2:17 - BII BILA

¹⁷ O kon mí ceendo kusulan ya, kani baala co tosanndo o ceendo coo nanu-o niŋ te. Kon kpow sanga fondoo fúú, ɲɛ fondoo kiltan kɔɔli o co ni.

Vana Kɔlkaloo 2:17 Referans Kwoze

Vana Kɔlkaloo 2:11

O kon, mí mɛɛndian baalala ya tosa lan kpow, a mɛɛ ya sanga o lan tosaa yɛ. Kon kpow, sanga fondoo fúú. Ɲɛ fondoo kiltan kɔɔli co kon ni. Tɔnɔ oo tɔnɔ co o paalen bɛngu le.

Yonas 4:8

Paalen kaloo, mí Hala soli hoeyii vesɛiye a kpengii paalen le can-nde. Mí paalen le tuulu Yonas bollen, mí hɔlla hiŋ ndu, mó yeema piɔ́mndo, mó dimi aa: «Piɔ́mndo co fisa le ya a yoomoo.»

Vana Kɔlkaloo 4:2

I ce maa vanaa vinnun nin-nda hiow va o kɔlɲuloo nin a vanaa co vɔ yoomu-a.

Habakuk 1:3

Le yɛɛ n co yɛ ya dɛnɛ vɔɔndo cɔmndo? Vɛ́ ma va delɔɔcoo ho tofaa? Delɔɔcoo a dɛnɛ vɔɔndo kínɛí ya co cɔu vanaa balu ya-a tɛɛn ni. Sɛɛngianndan a sɔngɔlan la co bɔɔ tosanndo!

Yonas 4:3

Lelan, Mɛlɛka cua yoomu nuu, kani piɔ́mndo hiow nihau ya hɛnan a yoomoo.»

Esekiɛl 3:14

Mí Kɔl Hala heelu ya-o kɔa a ya. I va kɔlan a kɔltuwvo a sɔɛi nɛyɛi, mí ba Mɛlɛka-o toal-la coo a kpaaya bɛndoo.

Vana Kɔlkaloo 6:9

Ɲɛ vana ca a lehɛl-lo co fisa a ɲɛ yeemɛi viam vana yiyanndo coo-o. Kon vɛlɛ bɛɛ, sanga fondoo fúú, ɲɛ fondoo kiltan kɔɔli co kon ni.

Vana Kɔlkaloo 3:16

O ya ce vɛlɛ o ceendo coo-o co hoo ni: nɛɛ dɛnɛ sandaa a dɛnɛ toɲaa ndóò bɛnda le tosanndo-a, lon dɛnnda kɔlvesɛilan la co tosanndo ni.

Vana Kɔlkaloo 2:22

Ɔ́ɔ̀ niko tɔnɔ vanacieo sɔla le sanga bɛndu o co o paalen bɛngu a somisominndo-o?

Vana Kɔlkaloo 1:14

Mí ca dɛnnda co tosanndo o ceendo coo nanu lan kpow. Dɛnnda lan kpede, sanga fondoo fúú, ɲɛ fondoo kiltan kɔɔli co kon ni.

Condii lisai 89:47

Háá telen kuɛɛ n lo yɛnin vionnɔnndo ho nuaa? Háá lɔ́ɔ́ kuɛɛ n lo yɛnin kɔllo fulaa maa leyin?

SƐBƐ YƆB-O 14:13

Éé Hala! Te ciee-piɔ́m koni nɔm óò ven ya nuaa ni, mì yáà lo lon háá telen nɔm óò ɲululnin kɔl-lo. Te nɔm óò kilul-la pɛ telen bingi, o kon kɔɔli mí nɔm óò yiyan ya coo!

1Masaa 19:4

mí ndu pila niinu kɔlan kpɛŋ o lɛŋnde veselɛilen nin, mó kɔ cal o yɔmndo pum bɛngu, mó yeema piɔ́mndo, mó dimi aa: «Hee ndi hiow bɔɔ ba, Mɛlɛka! Lelan cua yoomu nuu, kani i co fisa a fuɲaa nia le.»

Kundalan 11:15

Te nuaa n co ya biyɔɔ ni, mɛɛ o co fisa ma cua yoomu nuu. Taa tuinun ya pɛ iɲíí ma tosa lende, i ci lɛnin mɔnɛi ya luɛyɔɔ le.»

Vana Kɔlkaloo 1:17

Mí kindin a kɔl nuu kpow le kɔlkaloo, diɔmnde a seemaa sinaa. Kɛ mí bii bila ma kon vɛlɛ bɛɛ, ɲɛ fondoo kiltan kɔɔli o co ni.

Vana Kɔlkaloo 4:3

Kɛ vana vilun-ndɔ loo hiow vɛlɛ va fisa a vanaa ŋiɔŋa kan. Kani ndu ci vɔ kafala vannda co tosaa o paalen bɛngu lan te.