Vana Kɔlkaloo 2:16 - BII BILA

¹⁶ Kani vana va vana kɔlkalu, vana va diɔm sondo vesɛi, taa vi pɛ, mɛɛ palɛi hiaw faw, lende vannda kɔa a sɔɛi nɔmnde pɔɛɛnɔnndo ni. Mɛɛ diɔmndo vu yɛ, lende koni vana kɔlkaloo bɛɛ vu ni.

Vana Kɔlkaloo 2:16 Referans Kwoze

Vana Kɔlkaloo 1:11

N co lɛ loonɔn a dɛnnda tosan sindɛ pá-pá lan te. Vanaa co koma hunɔɔ o naa kɔɔli-a, vanaa hunnin o nda kɔɔli-a bɛɛ loonunnin a nda o kɔɔ le.»

Vana Kɔlkaloo 9:5

Vanaa co yoomu-a a sina maa a co hunɔɔ vu, kɛ vanaa vi-a nda sina lɛ ɲɛ-ɲɛ le, a co lɛ ɲɛ-ɲɛ tueyɔɔ le, vannda pɔɛɛnun nin bɛɛ a nda o kɔɔ.

Condii lisai 88:12

Ɔ́ɔ̀ vana cɔmnin kaola nɔmndo o sɛiyo nin, mò cɔm mɛɛ n lo o lediom coo-e ciee-piɔ́m-ndo?

Fulaa 1:8

Kɛ telenndo pum tiiyaa, mí vana celen sul masaa o lɛŋnde Esipte len nin. Masa kon ndóò síná Yosɛf le.

Hebreea 9:27

Lepilɛ kpé vanndacieea bɛnda le piɔ́mndo sɔlaa ni, o kon kɔɔli Hala kelu yamɛi ndɛi.

Malasi 3:16

O kon, mí vanaa nɔ siòòŋii Mɛlɛka-e-a dimulan vellaa-velle aa: ‹Se Mɛlɛka yaŋ nilan, mó tuɛi. O kon mí sɛbɔɔ sɛvan ndu o hɔl le loonɔnndo a sɔɛi ken, le vanaa nɔ siòòŋii Mɛlɛka-e, má va ndu bɛɛlen keo-va.›

Vana Kɔlkaloo 6:8

Tɔnɔ yɛɛ vana kɔlkaloo nɔ yɛ hiovɔɔ diɔm sondo vesɛiyo coo? Vana bala fondoo caa bɛɛ kelaa vannda o hɔl, tɔnɔ yɛɛ o sɔla yɛ o ken nin?

Vana Kɔlkaloo 2:14

Vana kɔlkaloo sina nɛɛ o co kɔlan-nda, diɔm sondo vesɛiyo yɛ, o ɲumndan nin o kɔa ni. Kɛ mí bii bila maa nda ŋiɔn kpow, ɲɛ pilɔɔ co nda cumndo ni.

Condii lisai 103:16

kɛ te hoeiye hɔŋ dɔ́ɔ́ pɛ, o lonnun pɛ, vana sinà lɛ bɛɛ fonda o va-o le.

Condii lisai 49:10

Vɛ̀ɛ̀ nda lonin yoomu le lɔ́ɔ́-lɔ́ɔ̀ ni? À tulnin o sɛiyo nin te?

2Samiɛl 3:33

O kon mí masaa soli condii biisiei Abnɛr coo aa: «Le yɛɛ Abnɛr sɔla yɛ piɔ́mndo maa diɔm?

Fulaa 1:6

Mɛɛ nda viow tei, mí Yosɛf vu, mí bɛndaa ndɔa cuu vu, mí kunda tase kon bɛɛ cuu vu kpow.

Vana Kɔlkaloo 2:15

O kon mí yiyan aa te ɲɛ pilɔɔ co naa cum naa diɔm sondo vesɛiyo ni, le yɛɛ ya sɔla yɛ niko kɔlkaloo hiovɔɔ ndu coo? Kon vɛlɛ bɛɛ, sanga fondoo fúú.

Vana Kɔlkaloo 7:2

O co fisa mì vana kɔɛ o cɛi biisio co-o nin, a kɔlan o cɛi ɲɛdiaa kafoo co nin-ndo nin. Kani piɔ́mndo co mɛɛlula vanaciee oo vanaciee ni, vanndacieaa yoomaa kpow a bɛnda ma yiyan a ken.

Vana Kɔlkaloo 8:10

Mí ca vannda biisila vanaa yɔŋ vɔɔnda tosaa, vanaa yɔŋ vɔɔŋaa kan yɛ, a va kɔlan o Cɛi-Hala-o nin, mí vannda pɔɛɛnun o kobio yerusalɛm nin mɛɛ vanaa kan ndáà kela yɛ. Kon vɛlɛ bɛɛ sanga fondoo fúú.

Vana Kɔlkaloo 9:15

Vanndo pum va o kobi kon nin, vana kɔlkaloo a vana bala fondoo o va ni. Ndóò tiwba mì ndóò ciindiaa kobi kalaa a kɔlkalu ndɔɔ, kɛ vana-vana yiyan a ndu o kɔɔ le.

Talelan 14:8

Vana taasio dɔaw kela ndɔɔ taasi ni, kani o kendu kɔl. Kɛ diɔmnde laasiaa diɔmaa sondo vesɛiya ni.