Vana Kɔlkaloo 2:13 - BII BILA

¹³ Mí ca maa kɔlkaloo co fisa a diɔmnde, mɛɛ ɲɛ-tengaa co fisa a ɲumndan yɛ.

Vana Kɔlkaloo 2:13 Referans Kwoze

Efɛsea 5:8

Ɲumndan niaa va paandu ni, kɛ sunsun, ɲɛ-tengaa niaa co o Maalii nin ni. La va niinoo maa vanaa co o ɲɛ-tengaa nin-nda,

Matie 6:23

kɛ te hɔltan la ve nɔm lakɛndɛ le, dialun nɔmndon kpow n luɛi o ɲumndan nin. Te ɲɛ-tengaa co nɔm niŋ-ndo siŋnun pɛ ɲumndan, mɛɛ ɲumma man ma và ma bɔɔ dɛ!»

Vana Kɔlkaloo 11:7

Ɲɛ-tengaa yeela, o naŋ mì hɔltan la ce paalen.

Malasi 3:18

La canin vɛlɛ hiyanndo vana kɛndɔɔ nda vana kɔlvesɛiyo tɛɛn, vana co Hala baalaa tosallo-o nda vana co Hala baala tosal too tɛɛn.

Condii lisai 119:105

Sɔɛi nɔmnde i co fitina sim ya laci o kɔlan-ndo ni, ndi co ɲɛ-tengaa o nɛi nuu coo ni.

Vana Kɔlkaloo 9:18

Kɔlkaloo co fisa a ɲɛm cɔwvon. Vana nɔ taasi loo tiwba mò tɛɛmbuu ɲɔɔn taw.»

Vana Kɔlkaloo 9:16

O kon, mí yiyan maa kɔlkaloo fisa a kpaayaa. Kɛ te vana kɔlkaloo co pɛ vana bala fondoo, vannda ci ndu ɲɛ le, a yeŋnun bɛɛ sɔɛi ndɔɛi le.

Vana Kɔlkaloo 7:19

Kɔlkaloo tiwba mò ke vana kɔlkaloo kpaayaa, mò hiow masaa n'bungaa n'van tɔ́a co masalen tosaa o kobio ndu pilɛ nin-nda.

Talelan 16:16

Kɔlkaloo sɔlaa co fisa a sianion cuungiaa, dɛnɔɔ sinaa hiow va ɲɛ sɔvɛ polon a volion nɔu.

Condii lisai 119:130

Vana saalun pɛ sɔɛi nɔmnde, ndu sɔla ɲɛ-tengaa, i co vanaa tuisin-nda kɔlkaloo keo.

Vana Kɔlkaloo 10:10

Te cuei bumbula pɛ, mì vana cɛɛŋa ndi le, mɛɛ fɔ yoomuan taw le vallo a ndi. Kɛ taasio tosa ni mì vana tiwba.

Talelan 14:8

Vana taasio dɔaw kela ndɔɔ taasi ni, kani o kendu kɔl. Kɛ diɔmnde laasiaa diɔmaa sondo vesɛiya ni.