Vana Kɔlkaloo 2:11 - BII BILA

¹¹ O kon, mí mɛɛndian baalala ya tosa lan kpow, a mɛɛ ya sanga o lan tosaa yɛ. Kon kpow, sanga fondoo fúú. Ɲɛ fondoo kiltan kɔɔli co kon ni. Tɔnɔ oo tɔnɔ co o paalen bɛngu le.

Vana Kɔlkaloo 2:11 Referans Kwoze

Vana Kɔlkaloo 1:14

Mí ca dɛnnda co tosanndo o ceendo coo nanu lan kpow. Dɛnnda lan kpede, sanga fondoo fúú, ɲɛ fondoo kiltan kɔɔli co kon ni.

Vana Kɔlkaloo 1:3

Ɔ́ɔ̀ tɔnɔ vanndacieea nɔ o sanga bɛndu nda co hoo o paalen bɛngu nanu-o nin-ndo?

1Timote 6:6

Nduyɛ i co toɲa maa Hala laalanndo, bolofaa bɛndoo co kon le vanacieo ni, te n hini pɛ kɔl a o naa n nɔ o ba-o.

Fulaa 39:43

Mí Moise mɛɛndan vali tosan-ndo, mó ca maa o tosan ɲɛkɛndɛi mɛɛ Mɛlɛka cɔm ndu yɛ. O kon, mó dɔaw vanaa tosa baala kon-nda kpede duaa.

O Kandɔɔ 1:31

Mí Hala mɛɛndan ɲɛm o cɔw-von kpow, mó ca maa n naŋ taw. Mí ɲɔɔ yɔŋnun icɔllo a ipalaa. Paale ŋɔmpumndɔlen le yɔŋnun nden ni.

Habakuk 2:13

Lelan Mɛlɛka-Nɔ-Kpaayaa-Kpow-vo co tosaa ni mì ɲɛ-sɔlaa vannda co ŋɔu o yin, mì vanaa bɔɔ-bɔɔ va sanga fondoo fúú.

Condii lisai 89:47

Háá telen kuɛɛ n lo yɛnin vionnɔnndo ho nuaa? Háá lɔ́ɔ́ kuɛɛ n lo yɛnin kɔllo fulaa maa leyin?

Vana Kɔlkaloo 1:17

Mí kindin a kɔl nuu kpow le kɔlkaloo, diɔmnde a seemaa sinaa. Kɛ mí bii bila ma kon vɛlɛ bɛɛ, ɲɛ fondoo kiltan kɔɔli o co ni.

Vana Kɔlkaloo 3:9

Tɔnɔ yɛɛ vana baalaa co yɛ niko sɔlaa o sanga bɛndu o co-o nin?

Vana Kɔlkaloo 5:10

Bolofaa kui pɛ, vanaa diaa ndu-a bɛɛ kui. Tɔnɔ yɛɛ vana ɲɔɔ nɔ yɛ niko o kon, te o co le ndu tofaa a lahɔl daama le?

Vana Kɔlkaloo 5:16

Lende o co palɛi ndɔɛi kpow ciiyo o ɲumndan nin ni. Dɛnnda palaalan, sangalan a kɔl tambɛiyo taw co ndu coo ni.