Vana Kɔlkaloo 2:10 - BII BILA

¹⁰ Ɲɛ-ɲɛ hɔlta nilan láà yeema, i tuŋ ndan ɲɛm mun te. Dɛnɛ ɲaale co le, o ya kɛɛ tosa-o. Mí dɔawnun ɲaale o baalala nilan nin kpow. Tɔnɔ ya sɔla o baala kon nin-ndo yɔŋnun kon ni.

Vana Kɔlkaloo 2:10 Referans Kwoze

Vana Kɔlkaloo 9:9

O palɛi bingii Hala ke nɔm o paalen bɛngu-e nin kpow, dɔwnun ɲaale a laa nɔm n kaola-o. Kani yoomu vanacieo bendu le. O Hala ke nɔm-ndo co kon ni, o n sɔla o sanga nɔmndo nin o paalen bɛngu-o.

Vana Kɔlkaloo 5:18

Handɔɔ o kon coo, vana-vana Hala ke pɛ bolofaa a ɲɛ-sɔlaa taw, ndu dɔwnun ɲaale o baala ndɔɔ nin. Ó ndɔɔ co kon ni.

Vana Kɔlkaloo 3:22

Mí ca maa dɛnɛ kɛndɛ celen co le vanacieo le, fɔ ɲaaloo dɔwnɔnndo o baalala ndɔlan nin. Ó co le ndu-o co kon ni. Kani nɛ̀ɛ́-nɛ̀ mingi yɛnin ndu yoomu mò hun cɔ ɲɛ tosannin ndu kɔɔli-o?»

Condii lisai 119:37

Tosa mì faŋa hɔlla ɲɛm fondon kɔɔli, mì tosa hɛnan nɔmndo.

Condii lisai 128:2

A dianin vali nɔmndo tɔnɔ, a dɔawnunnin duaa, mì dɛnndan kpow la bɛnda nɔm o ba.

1Nsaŋ 2:16

kani ɲɛ-ɲɛ co o ceendo nin, yeemɛi n'faluei, hɔlte ɲɛm kɛndɛlen a yonga ceendo, o fula Pua o ba le, kɛ o ceendo nin.

Vana Kɔlkaloo 2:22

Ɔ́ɔ̀ niko tɔnɔ vanacieo sɔla le sanga bɛndu o co o paalen bɛngu a somisominndo-o?

Vana Kɔlkaloo 11:9

Nɔm langbanɔ felengoo, dɔwnun ɲaale telen n co vɔ felengi-o. Naŋ kɔl o felengiyɛi nɔmnde nin. Kela o nɛila kɔl nɔmndo yeema lan coo, tosa dɛnnda n co cɔw lan kpow. Kɛ sinà pɛɛngu maa Hala kialunin dɛnnda nɔmndan kpow iyama.

Vana Kɔlkaloo 6:9

Ɲɛ vana ca a lehɛl-lo co fisa a ɲɛ yeemɛi viam vana yiyanndo coo-o. Kon vɛlɛ bɛɛ, sanga fondoo fúú, ɲɛ fondoo kiltan kɔɔli co kon ni.

Talelan 23:5

Ɲɛ-sɔlaa, vana del ndu dɔ́ɔ́ pɛ hɔlten o lonnun pɛ́, o vil bɔɔlan, o kɔɛnnun coocoo polon maa kovɛ.

SƐBƐ YƆB-O 31:1

«Náà n cii nin cɛlan naa hɔlta nilan, yáà bɛnda lɛ mì yáà tofa cua laandoo tofa iyeema le.

Masaa kialaa n'yamaa 14:2

Ndóò muungoo, mó kɔ dimul yungu ndɔɔ aa: «I saalun felengi laandu Filistinɔɔ pum Timna, i yeema mì la cuel-la ndu mò va laa ni.»

O Kandɔɔ 6:2

mí poaa Hala-a ca maa cuavaa laandua vanndacieea va violɔɔ-a naŋ taw, má hɛli a pum, má cua nda o nɔ̀lan.

O Kandɔɔ 3:6

Mí vanalanɔɔ ca maa yɔm kon naŋ taw o dioo a o tofaa, maa yeemɛi bii vana le kɔmnde ndɔlen dioo le dɛnɛ sinaa bɛndoo sɔlaa. O kon, mó kiandu komɔɔ o pilɛ, mó dia. Mó yɔngu vɛlɛ pɔnɔ ndɔ, o nda va latulu-o, mí ndu bɛɛ dia.

Vana Kɔlkaloo 5:10

Bolofaa kui pɛ, vanaa diaa ndu-a bɛɛ kui. Tɔnɔ yɛɛ vana ɲɔɔ nɔ yɛ niko o kon, te o co le ndu tofaa a lahɔl daama le?

Vana Kɔlkaloo 6:2

Mì Hala ke vanndo bolofaa, ɲɛ-sɔlaa a bɛɛlen taw. Mò sɔla ɲɛm o yeema-on kpow. Kɛ mì Hala tosa, o di ɲɛm mun tɔnɔ le, mì vana celen de mun. Sanga fondoo fúú co vɛlɛ kon ni, o luei vana mɔnɛi-yo.

Vana Kɔlkaloo 9:6

Kaola ndaa, nɛyɔn ndaa a paŋala ndaa kpow tambu. A tosa lɛnin dɛnnda co hiovɔɔ o paalen bɛngu nanu lan te.

Vana Kɔlkaloo 2:1

«Mí dimul kɔl nuu aa: ‹N tofa vɔ ɲɛ kɔlkɛndɛla ceendo ho la ke vana lan, mí mɛɛndan-ndɔ ɲɛ co dɛnɛ kɛndɔɔ nɔu-vo.› Kon vɛlɛ bɛɛ, sanga fondoo fúú!

Vana Kɔlkaloo 2:24

Ɲɛ co dɛnɛ kɛndɔɔ o ceen vanacieo nin daama-o co dioo, kolɔɔ a ɲaaloo dɔwnɔnndo o baala ndɔɔ nin ni. Kɛ kon vɛlɛ bɛɛ, mí ca maa Mɛlɛka o ba o fula ni.

Vana Kɔlkaloo 5:17

O ya dɔw taasi-o co hoo ni, o naŋ mì vanacieo va dioo a kolɔɔ, mò dɔwnun ɲaale a sanga bɛndu o co o paalen bɛngu-o, ó palɛi Mɛlɛka kilu ndu le yoomoo-e bɛngu pɛɛn. Ó ndɔɔ co kon ni.

Vana Kɔlkaloo 8:15

Ya ya, i co icondu le ɲaale co ya o kɔl-lo. Kani dɛnɛ kɛndɛ co le vannda o paalen bɛngu-o co hoo ni: dioo, kolɔɔ a ɲaaloo dɔwnɔnndo. O kon à de ceendo tɔnɔ. Hoo nda bɛnda le tosaa ni, telen nda co vallo o palɛi Hala ke nda le yoomoo o ceendo coo-e bɛngu-o pɛɛn.