Vana Kɔlkaloo 12:7 - BII BILA

⁷ mì diallon muungu o cundoo nin, nɛɛ n fula-a, mì yoomoo muungu Hala yɔngu ndu-o o ba,

Vana Kɔlkaloo 12:7 Referans Kwoze

Daniɛl 12:2

Vanaa co o lɔan o sɛilan nin-nda taw a tendulnin. A pum le yoomu fɛɛn-fɛɛndo, a tɔ̀a le siɛmbulan a sanga bɛɛ tambɛi fɛɛn-fɛɛndo.

Condii lisai 146:4

A vi dɔ́ɔ́ pɛ, a muungu o puuloo nin, fɔ́ɔ́fɔ̀, tuula ndalan la tambun.

Sakari 12:1

Sɔɛi Mɛlɛka dimi a Israɛlla o kɔɔ-e. Nuaa Mɛlɛka, o pɛngɛla halataala-o, o cɔw lɛŋnden mó cɔaw yoomu vanacieo-vo dimi ni aa:

O Kandɔɔ 3:19

Lɔ́ɔ́ pá ma sɔlá nin ɲɛdiaa nɔmndo, fɔ ma kelun lalle o itendu. A lonin lende háá mà muungu lɛŋ, nɛɛ n fula-a. Kani a puuloo n cɔwnun ni, lelan o puuloo nin n co vɛlɛ muungu ni.»

O Kandɔɔ 2:7

Mí Mɛlɛka Hala ɲɔla puuloo lɛŋ, mó cɔaw vanacieo a puulu kon. Mó hul ndu hoeyii yoomuɛi o tɛɛngun lamilinndon nin, mí vanaciee kon siŋnun ɲɛ yoomaa.

Esai 57:16

Kani o co lɔ́ɔ́-lɔ́ɔ̀ le ya sɛɛngiaa le, o co le fɛɛn a fɛɛn te ya manda kɔl ni tuwvo le, yɔŋii yiyannda (vannda) la laasian, yɔŋii ɲaa yoomaa ya cɔw-va vunnun kpede.

Kundalan 16:22

Kɛ má del lɛŋ a kuumbuannda o kɔl coo, má piɛi Hala aa: «Éé Hala! Nɔm co Hala nɔ yoomu ɲaa yoomaa kpow o ba-o, vɛ̀ɛ̀ ma tuulu kɔl a sɛ́lɔ́ɔ́ ho kpow le vana pilɛ cua hakio-o?»

Condii lisai 90:3

Nɔm mingì vanacieo o puuloo nin ni, bau a dimi aa: «Niaa poaa vanndacieea, la muungu o puuloo nin.»

SƐBƐ YƆB-O 20:11

Yoomuan ma va mapiaa ndu o n'dial maa langbanɔ felengi, kɛ yoomuma man ma kɔ hininin nda ndu latulu o cundoo nin.

Kundalan 27:16

«Màá nɔm Mɛlɛka Hala pila, nɔm nɔ yoomu ɲɛm yooman cɔwnun-ndon kpow o ba-o hɛli simlacinɔɔ le vannda ha!

Hebreea 12:23

Mí la sɔɔnguu o bɔŋan cuavaa tasea Hala-a, a diola ndalan la co lasɛvaalan o halataala-a pɛɛn, mí la sɔɔnguu Hala co vana kialaa iyamaa le vanndacieea-o ikɛi, mí la sɔɔnguu kɔlta vanaa sandaa tiwnun-nda ikɛi.

Hebreea 12:9

Naa n nɔ fuɲaa n'falua, a va pɛ naa saangiaa le tɛɛmbuula naalan, n ke nda bɛɛlen. Vɛ niko n tuisin a fuɲaa naa Hala, mì n va yoomu le?

Yeremi 38:16

Mí masaa Sedekia mɛnalan Yeremi o vionnɔnndo nin aa: «Te Mɛlɛka co yoomu, o ke naa yoomoo-o. I diinin nɔm te, i melnin nɔm vanaa yeema haa le nɔm diyɔɔ-a o ba le!»

O Kandɔɔ 18:27

Mí Abraham dimi aa: «Ya co hoo maa cundu a lapul-lo, i suukan a Maalii nuu.

SƐBƐ YƆB-O 7:21

Vɛ̀ɛ̀ a nɔla mà biwnun tɛɛmbuula nilan te? Vɛ̀ɛ̀ a tiwba ma mal-la haki le pɔwla nilan te? Má cè ya nihau hinilan o cundoo nin! A nuwviaanin ya, kɛ i ve lɛnin te.»

Luke 23:46

Mí Yeesu yonda kpélén aa: «Pua, i mingi nɔm kɔl nuu o ba.» Ciiyo diom kon dimio, mó malnun kɔl.

Dɛnnda kiilaa 7:59

Telen nda va ndu viiyo a powtan-ndo, mí Etiɛn piɛi Hala aa: «Maalii Yeesu, bii kɔl nuu.»

Condii lisai 103:14

Mɛlɛka sinà mɛɛ o toosiaa naa yɛ, o sinà maa a puuloo ɲɛ-pɔmbɔ daama naa n cownun ni.

Condii lisai 104:29

Taa vin nda pɛ hɔlaa nɔmnda, siòònde bii nda taw. Taa soli nda pɛ yoomoo niŋ, a muungu o puuloo nin.

Condii lisai 31:6

I mal yoomu nuu nɔm o ba, nɔm baŋa ya-o, nɔm Hala lò o lediom coo-o.