Vana Kɔlkaloo 12:5 - BII BILA

⁵ Siòònde biinin vannda le helɔɔ o fondala yesalan coo, mà buulan le balɔɔ o nɛilan coo. Yiinde muungunin nda o lebol ihumbu mɛɛ yɔmndo yandu peengela humbulan nuaa yɛ. Diallon lusulnin vannda mɛɛ sóónɔɔ lusulun mò del nuaa yɛ. Mɛɛ kullon deli o yɔmndo nuaa yɛ, lende ceendo hiawnin ni. Paale len, vana-vana kɔanin ciee-piɔ́m, calta ndɔla mɛɛlaalan la co lan ni. Vanaa caŋaa vanin pɔɔ hiiliaa o nɛilan coo.

Vana Kɔlkaloo 12:5 Referans Kwoze

SƐBƐ YƆB-O 17:13

Yɛɛ nɛ ya cúm yɛ́ vɛlɛ? Fonda nuu co nin ciee-piɔ́m ni, o ɲumma man nin ya co lakɔ kpele nuu toosiaa ni.

SƐBƐ YƆB-O 30:23

I sina maa ciee-piɔ́m n co ya yɔ̀ɔ́ ni, nɛɛ ɲaa yoomaa kpede kɔa bɔɔŋianndo-a pɛɛn.

Talelan 16:31

Mɔsil lebɛɛo yulunnde co ni, o dɛnɛ sandaa tosaa vana sɔla ndu ni.

Condii lisai 71:18

Lelan, tuma ya yuuva nin hoo, mí yulunnde vul-la-o, mal-la le, Hala nuu! Haliko mi cɔm langbaa felengia ha sisa a cuaambɔa vialunnin nda kɔɔli-a kpaaya nɔm bɛndoo.

SƐBƐ YƆB-O 15:10

Vannda co naa tɛɛn a yulunnde, vanaa yuuvɛi-yuuvɛiya, Á hiow fuɲa nɔm viovɔɔ yoomu polon-nda pɛɛn.

Tɔŋ lasálàá 19:32

La ce pɛ vanaa yuuvɛiya, la cɛn o fondala niaala calaa lan, la ke nda bɛɛlen. La ke ya Hala niaa bɛɛlen. Ya co Mɛlɛka ni.

Hebreea 9:27

Lepilɛ kpé vanndacieea bɛnda le piɔ́mndo sɔlaa ni, o kon kɔɔli Hala kelu yamɛi ndɛi.

Yeremi 1:11

Mí diom Mɛlɛka-o dimulun ya aa: «Yeremi, yɛɛ n co yɛ cɔu?» Mí mulul ndu aa: «Lɛvii yɔm amanndiee ya co cɔu ni.»

Esai 46:4

Ya Mɛlɛka, i lonin mɛɛ ya co yɛ háá a yuuvɛi niɛi, mì lo niaa malaa háá mì yulunnde vil niaa. Kabi paandu lende ya tosa ni, i yeema vɛlɛ mi cua niaa, mì manda niaa, mì soli niaa lenin.

Vana Kɔlkaloo 9:10

Ɲɛ-ɲɛ ba nɔmndo nɔla pɛ tosaa, tosa ndu a yoomuma nɔmndan kpow. Bau nɛɛ n kɔanin ciee-piɔ́m-nda, vana tiwba ɲɛ-ɲɛ tosa lon te, vana tiwba yiyanndo lon te, kɔlkalu co lon te, dɛnɛ sinaa co lon te.

Talelan 20:29

Ɲɛ nɛŋi felengia-o co kpaaya ndaa ni. Naŋɔɔ vanaa yuuvɛiya co yulunnde ni.

O Kandɔɔ 44:31

te o ci ndu le, o co vunnɔn. O tosan yɛ pɛ lende, mɛɛ naa buɛyaa nɔmnda n yɛɛ ndu ciee-piɔ́m a mɔnɛi o yuuvɛi nin ni.

O Kandɔɔ 44:29

Te la cua vɛlɛ pɛ hoo, mì la kɔɛ a ndu ya levil, mì dɛnɛ vɔɔn kɔ tosalan ndu, mɛɛ la yɛɛ ya ciee-piɔ́m a mɔnɛi o yuuvɛi nii nin.›

O Kandɔɔ 42:38

Mí Yakɔb muli aa: «I kɛɛ, i co niaa po nuu yɔngu mì la kɔɛ a ndu le. Kani bɛ ndɔ vi, ndu pilɛ kpé lo ya nin o ba ni. Te i yɔngu niaa ndu pɛ mì ɲɛ kei ndu yɔŋnɔn nɛi-tɛɛn, mɛɛ ya co nin o yuuvɛiyo nuaa yɛ, la yɛɛ ya ciee-piɔ́m o mɔnɛi nin.»

Yeremi 9:16

O Mɛlɛka-Nɔ-Kpaayaa-Kpow-vo dimi-o co hoo ni aa: «La keela kɔllo mì la veelu vanlaandua caa caŋndo-a, mì la dimul nda mà hin. La yɔɔ kiilaa vanaa hiow caŋndo caa-a kɔɔli, mà hin.