Vana Kɔlkaloo 12:14 - BII BILA

¹⁴ Kani Hala co hunɔɔ yamɛi dɛnndan kpow kiolɔɔ. Hali dɛnnda viannanndan o, la va lakɛndɛ, la va lavɔɔn.»

Vana Kɔlkaloo 12:14 Referans Kwoze

2Korɛntea 5:10

Kani naa kpow, mɛɛ mì n kɔ sim kpendekele o fonda kialaa n'yama Krista-o, haliko mo kelu naa iyama a pilɛn-pilɛnnda, mì n sɔla o vana-vana nɔ le sɔlaa-o, o va o kɛndɛ, o va o vɔɔn, mɛɛ naa n kela o ceendo coo yɛ.

Rɔmnda 2:16

Ken fulanin ceen o paale Hala tosanin mì Yeesu Krista kelu dɛnnda viannannda vanndacieea yamɛi len, maa mɛɛ Yoongu kɛndɛ ya co dimio-o co yɛ.

Matie 12:36

I co niaa dimul, paale kialaa iyamalen, vanndacieea dɔawnunnin kona a sɔɔn fondon nda va keiyo tombolaa-on o kɔɔ.

1Korɛntea 4:5

Lelan, la kialu vɔ ɲɛ-ɲɛ iyama le, háá mì telen kelun-ndo tiiya. Maalii hin pɛ, o solinin dɛnnda co o ɲumndan nin-ndan ceen, mò cɔm yiyannda co vannda o lakɔltan. O kon vana-vana sɔlanin biilu ndɔɔ fulaa Hala o ba.

Matie 10:26

Lelan, siòòŋii bii niaa a nda le. Kani ɲɛ-ɲɛ co o kumbaa hun fulanin ceen, ɲɛ-ɲɛ co vɛlɛ o vianaa hun sinannin.

Nsaŋ 5:29

mà fula. Vanaa tósa dɛnɛ kɛndɔɔ-a cannin mà muungu yoomu, mì vanaa tósa dɛnɛ vɔɔndo-a muungu yoomu le yamɛi ndɛi kiolɔɔ, mà yaala nda.

Vana Kɔlkaloo 11:9

Nɔm langbanɔ felengoo, dɔwnun ɲaale telen n co vɔ felengi-o. Naŋ kɔl o felengiyɛi nɔmnde nin. Kela o nɛila kɔl nɔmndo yeema lan coo, tosa dɛnnda n co cɔw lan kpow. Kɛ sinà pɛɛngu maa Hala kialunin dɛnnda nɔmndan kpow iyama.

Vana Kɔlkaloo 3:17

O kon, mí yiyan o kɔl nuu nin maa Hala kialunin vana sandaa a vana kɔlvesɛiyo iyama. Bau telenndo vanin le dɛnndan kpow, dɛnnda naalan kpede la kialunnin iyama.

Condii lisai 96:13

Mɛlɛka o hɔl! Kani o co hunɔɔ, o co hunɔɔ le lɛŋnden yamɛi kiolɔɔ. O kialunin lɛŋnden iyama o sandei nin, mò kelu vannda iyama mɛɛ toɲa ndɔɔ co yɛ.

SƐBƐ YƆB-O 19:29

Kɛ siòònde bìí niaa pila a mɔɛi cɔwve, kani mɔɛi cɔwve bɛnda mi i tol niaa coo le ciŋilan niaa ciŋilan ya-o. Nduyɛ, la siná maa yamɛi co hunɔɔ kiolɔn.»

Condii lisai 90:8

Tɛɛmbuula naalan la co nɔm o hɔl, ɲɛ-tengaa nɔmndo co hakila naa n co tosaa o vionnɔnndo nin-ndan teengiaa.

Condii lisai 50:21

Dɛnnda niaa va tosaa mì va meinɔnndo lan la co lan ni. La co yiyanndo maa mɛɛ niaa co yɛ ya co ni. Kɛ i bii niaa tɛ̀ɛ̀, i co dɛnnda lan soli niaa o hɔl vakpa.