Vana Kɔlkaloo 12:13 - BII BILA

¹³ Sɔɔn dimin mun-ndon kpow, liima ndɔɔ co hoo ni: nɔ́ siòòŋii Hala-e, mà kela o tɔŋnda ndɔlan coo. O vanndacieea kpow bɛnda mà tosa-o co kon ni.

Vana Kɔlkaloo 12:13 Referans Kwoze

Tɔŋ miingua 10:12

«Sisa, ɲɛ Mɛlɛka yeema mi niaa Israɛlla tosa-o co hoo ni: siòòŋii ndɔɛi nɔu, kelaa o nɛila o cɔm niaa lan coo, kaolaa ndu, vallo ndu tosallo a kɔlta niaalan kpow a á yoomu niaa kpow.

Misee 6:8

Niaa vanndacieea sei! Kámáá a cɔm niaa dɛnɛ sandaa! À cɔm niaa ɲɛ Mɛlɛka yeema mì vanndacieea tosa-o. Ɲɛ kon co ni mì la kela kela sandaa, mì la kaola lou o diomnden coo, mì la kela ɲɛkɛndɛi o nɛila Hala niaa cɔm niaa lan coo.»

Tɔŋ miingua 6:2

La nɔ́ siòòŋii Mɛlɛka Hala niaa, mì la bii tɔŋnda ndɔlan a silala ndɔla ya co niaa tɛɛngullo lan o palɛi niaa nɔ le tosaa o ceendo coo-e kpow nin. Tɔŋnda lan la co le niaa pila, le poaa niaa a le poaa niaa imamaa. La bii lan pɛ, la viow yoomu.

Condii lisai 111:10

O siòòŋii Mɛlɛka-e nɔu nin kɔlkaloo kandùn ni. Vanaa co silala ndɔlan biyɔɔ-a kpow a nɔ kɔlkaloo. Biilu ndɔɔ vanin le fɛɛn a fɛɛn.

SƐBƐ YƆB-O 28:28

O kon kɔɔli, mó dimul vanacieo aa: ‹Siòòŋii Mɛlɛka-e nɔu, kon co kɔlkaloo ni! Dɛnɛ vɔɔndo kpakpalaa, dɛnɛ sinaa co kon ni!›»

Condii lisai 145:19

O co vanaa nɔ siòòŋii ndɔɛi-ya o nda yeema-o yɔngoo, o co cɛɛŋɔnnda ndalan tuieyɔɔ mo va nda ciindiaa.

Vana Kɔlkaloo 8:12

Vana lahakio nɔla mò tosa dɛnɛ vɔɔndo háá bɛmbɔɔ kɛmɛ, mò viownun yoomu taw. Nuaa ndáà dimi ni aa: ‹Vanaa co Hala bɛɛlen keo-va a vanin o dɛnɛ kɛndɔɔ nin, kani a sinà kpaaya ndɔ lemasaa.

Luke 1:50

Ɲíí ndɔɛi co le fɛɛn a fɛɛn le vanaa co ndu bɛɛlen keo-va.

Talelan 19:23

Vana nɔ pɛ siòòŋii Mɛlɛka-e ndu vannun yoomu. O pim pɛ o hinin, dɛnɛ palaa komal ndu le.

Talelan 1:7

Siòòŋii Mɛlɛka-e nɔu, kon co kandɔn kɔlkaloo ni. Diɔmnda co kɔlkaloo a pɛɛkoo pɛɛsaa.

Condii lisai 147:11

Kɛ vanaa Mɛlɛka yeema-a co vanaa nɔ siòòŋii ndɔɛi, má va kɛndɛi ndɔɛi cumndo-a ni.

Vana Kɔlkaloo 5:7

Taa ce pɛ ma va vana bala fondoo delɔɔ coo o kobio nin, mì sandii lepɛŋnde va, hali ma downun kɔndɔfili le dɛnnda lan te. Kani simlacinɔɔ co o ba vana hiow ndu-o bɛngu, vanaa ŋiɔŋaa kan bɛɛ a co o ba vana hiow nda fondaa-o bɛngu.

Dɛnnda cɔɔmuanndan 19:5

Mí diomndo pum fula a ba kpɛŋɛ lemasaa aa: «La lisà Hala naa, niaa kɛ́-kɛ̀ co vanaa ndɔa baalaa, niaa vanaa co ndu bɛɛlen keu-va, cuaambɔa a kaasonnda.»

1Piɛr 2:17

La ke vana-vana bɛɛlen, la kaola puapilɛa niaa vanaa laalannda, la vo Hala mì la ke masaa bɛɛlen.

Talelan 23:17

Páŋalà vanaa lahakia le, kɛ nɔ siòòŋii Mɛlɛka-e lɔ́ɔ́-lɔ́ɔ̀.

Tɔŋ miingua 4:2

La handu ɲɛ-ɲɛ o ɲɛ ya pɛɛku niaa-o coo le, la faŋa ɲɛ-ɲɛ lecoo le. La bii tɔŋnda Mɛlɛka Hala niaa, la ya co niaa tɛɛngullo lan.

O Kandɔɔ 22:12

Mí mɛlɛkanɔɔ dimul ndu aa: «Hol poombɔɔ baa le. Yɔŋ ndu ɲɛ-ɲɛ vɔɔn te. I sina nihau válán maa a nɔ siòòŋii Hala-e, kani a túŋ ya pole nɔmnde pilɛlen nden te.»

Vana Kɔlkaloo 6:12

Ceen vanndacieea co maa levundu. Ɔ́ɔ̀ vana sina ɲɛ kelun le ndu o palɛi bingi o co yoomu-e bɛngu-o? Vana dimulnin ndu ɲɛ koma yɔŋnunnin ndu kɔɔli o paalen bɛngu-o le.»

Vana Kɔlkaloo 2:3

Mí kialun o kɔl le sondoo lueiyo o mɔiyan nin, haliko mi yáà vel vanaa laasiannda, kɛ mì yáà va kelaa a kɔlkaloo. Yáà yeema mì yáà sina ɲɛ vanndacieea ndáà bɛnda le tosaa o ceendo coo, o palɛi nda co yoomu-e kpow nin-ndo.

1Samiɛl 12:24

Niaa yɛ, o bɛnda mì la nɔ siòòŋii Mɛlɛka-e, mì la biilu ndu a kɔlta niaalan kpow, kani niaa pila ce dɛnnda kaamaala o tosa niaa o hɔl-tan.

Vana Kɔlkaloo 3:14

I sinà maa ɲɛ-ɲɛ Hala tosa pɛ, o viow le fɛɛn a fɛɛn. Vana nɔlà ɲɛ handɔɔ lecoo le, vana nɔlà vɛlɛ ɲɛ faŋa lecoo le. O tosa kon, haliko mi vannda yɔŋ siòònde a ndu.

Vana Kɔlkaloo 7:18

O bɛnda ma bii silala tiɔnndan ndan. Kani vana nɔ pɛ siòòŋii Hala-e, o hiw ɲɛ-ɲɛ ba le.

Vana Kɔlkaloo 8:5

Vana-vana bii pɛ tɔŋndo, ndu sɔla isɔɔ oo isɔɔ le. Kɛ vana kɔlkaloo sina maa dɛnndan kpow la kialunnin iyama o telen la bɛnda le yamɛi kiolɔndo-o.

Tɔŋ miingua 4:10

La pɔɛɛnun paale niaa sim Mɛlɛka Hala niaa o hɔl o pembei Horɛb coo len te, paale len mí Mɛlɛka dimul-la aa: ‹Cuungiaa vannda ha ya o hɔl, mì dimul nda sɔɔn nun, haliko ma nɔ siòòŋii nii, mà ke ya bɛɛlen o palɛi nda nɔ le yoomoo o lɛŋnden coo-e nin kpow, mà pɛɛku vɛlɛ poaa ndaa le siòòŋii nii nɔu.›

Tɔŋ miingua 10:20

La bɛnda mì la nɔ siòòŋii Mɛlɛka Hala niaa, ndu niaa bɛnda le biiloo ni, ndu kínɛí niaa bɛnda le holnɔndo ni, o diola ndɔlan daama niaa bɛnda le mɛnanndo ni.

1Masaa 2:3

Bii diom Mɛlɛka Hala nɔmndo, mà kela o nɛila ndɔlan coo. Bii tɔŋnda ndɔlan a silala ndɔlan, mà kela o pɛɛkula ndɔlan coo mɛɛ o co o sɛvaa o tɔŋ Moise-o nin yɛ, haliko mi tuula nɔmndan kpow la bɛnda nɔm o ba, mì dɛnnda nɔmndan la biinun bila.